آگو گویّئے جوگی تار والے سازاں نال داؤد دا مشکیل۔ اوس ویلے دا، جد زیفیون نے جا کے ساؤل نوں آکھیا کیہ داؤد ساڈے ول لُکیا ہؤیا نئیں؟ ¹ ۱۔ ائے رب! آپنے ناں دے پاروں مینوں بچا اتے آپنی قدرت نال میرا نئیاں کر ² ۲۔ ائے رب! میری دعا سُن لے میرے مونھ دِیاں گلاں اُتے کن لاء ³ ۳۔ کیوں جو پرائے میرے برخلاف اُٹھے نیں اتے تِکھے مزاج لوگ میری جان دے ویری ہو گئے نیں اوہناں نے رب نوں آپنے مونھ دروں نہیں رکھیا (سِلاہ) ⁴ ۴۔ ویکھو! رب میرا مدد گار اے خداوند میری جان نوں سمبھالن والیاں وچ اے ⁵ ۵۔ اوہ بریائی نوں میرے ویریاں ولے ای موڑ دیؤے گا توں آپنی سچیائی دے حساب نال اوہناں نوں فنا کر ⁶ ۶۔ میں تیرے حضور رضا دی قربانی چڑھاؤاں گا ائے خداوند! میں تیرے ناں دی شکر گزاری کراں گا کیوں جو اوہ چنگی اے ⁷ ۷۔ کیوں جو اوہنے مینوں سبھناں مصیبتاں تھوں چھڈایا اے اتے میری اکھ نے میرے ویریاں نوں ویکھ لئیا اے