آگو گویّئے جوگی محلت دے سُر اُتے داؤد دا مشکیل ¹ ۱۔ بیقوف نے آپنے من وچ آکھیا پئی کوئی رب نئیں اوہ وِگڑ گئے۔ اوہناں نے کریچ والی بریائی کیتی اے کوئی نیک نئیں ² ۲۔ رب نے عرشوں بنی آدم اُتے نگاہ کیتی تاں جو ویکھے پئی کوئی دانا کوئی رب دا طالب ہے یاں نئیں ³ ۳۔ اوہ سبھے پھِر گئے نیں۔ اوہ رل کے نجس ہو گئے کوئی نیک نئیں۔ اک وی نئیں ⁴ ۴۔ کیہ اوہناں سبھناں بد کاراں نوں کجھ سہیان نئیں جہڑے میرے لوکاں نوں انج کھاؤندے نیں جیویں ٹکر اتے رب دا ناں نئیں لیندے ⁵ ۵۔ اوتھے اوہناں اُتے چوکھا ڈر چھا گئیا ڈر دی کوئی گل نئیں سی کیوں جو رب نے اوہناں دِیاں ہڈیاں جہڑیاں تیرے برخلاف تنبو تان کے بجھیاں سن، کھلار دِتیاں توں اوہناں نوں شرمندہ کر دِتا۔ ایس لئی پئی رب نے اوہناں نوں چھنڈ دِتا اے ⁶ ۶۔ کاش پئی اسرائیل دی نجات صیون وچوں ہوندی جدوں رب آپنے لوکاں نوں غلامی وچوں موڑ لئیاؤے گا تاں یعقوب خوش اتے اسرائیل شادمان ہؤے گا