زبُور ۵۲
آگو گویّئے جوگی داؤد دا مشکیل جدوں ادومی دوئیگ نے جا کے ساؤل نوں دسیا پئی داؤد ایشلک دے گھر وڑیا اے
1
۱۔ ائے ڈاڈھے! توں شرارت اُتے کؤں گھمنڈ کرنا ایں؟
رب دی شفقت ہمیشاں تیکر اے
2
۲۔ تیری جیبھ نِری شرارت بھالدی اے
ائے دگا باز! اوہ تِکھے استرے وانگ اے
3
۳۔ توں بریائی نون چنگیائی نالون چوکھا چاہؤنا ایں اتے جھوت نوں سچی گل نالون (سِلاہ)
4
۴۔ ائے دغا باز جیبھ! توں موہرائی گلاں نوں چاہؤنی ایں
5
۵۔ رب وی تینوں ہمیشاں جوگی مار سُٹے گا اوہ تینوں پھڑ کے تیرے تنبو وچوں کڈھ سُٹے گا اتے جیوندیاں دی دھرتی تھوں تینوں کھیڑ دؤے گا (سِلاہ)
6
۶۔ سچے وی ایس گل نوں ویکھ کے ڈر جاؤن گے اتے اوہدے اُتے ہسن گے
7
۷۔ پئی ویکھو! ایہہ اوہو ای بندہ اے، جنہے رب نوں آپنی لکنے دی تھاں نا بنایا سگوں آپنے مال دی چوکھائی اُتے بھروساکیتا اتے شرارت وچ پکا ہو گئیا
8
۸۔ پر میں تاں رب دے گھر وچ زیتون دے ہرے رکھ وانگ ہاں میرا بھروسا ہمیشاں رب دی شفقت اُتے اے
9
۹۔ میں ہمیشاں تیری شکرگزاری کردا رہاں گا کیوں جو توں ای ایہہ کیتا اے اتے مینوں تیرے ای ناں دی آس ہؤے گی کیوں جو اوہ تیرے پاک لوکاں دے نیڑے چنگا اے