زبُور ۴۷
آگو گویّئے جوگی بنی قورح دا مزمور
1
۱۔ ائے سبھے اُمتو! تاڑیاں مارورب جوگی خوشی دی واج نال للکارو
2
۲۔ کیوں جو اوہ رعب دار اے اوہ سبھے دھرتی دا بادشاہ اے
3
۳۔ اوہ امتاں نوں ساڈے اگے ہرا دؤے گا اتے قوماں ساڈے پیراں تھلے آ پیئن گِیاں
4
۴۔ اوہ ساڈے جوگی ساڈی میراث دی چون کرے گا جہڑی اوہدے پیارے یعقوب دی شان اے (سِلاہ)
5
۵۔ رب نے اُچی واج نال خداوند نے نرسنگھے دی واج نال اسمان ول اڈاری بھری
6
۶۔ وڈیائی کرو۔ رب دی وڈیائی کرو وڈیائی کرو۔ ساڈے بادشاہ دی وڈیائی کرو
7
۷۔ کیوں جو رب ساری دھرتی دا بادشاہ اے عقل نال وڈیائی کرو
8
۸۔ رب قوماں اُتے شاہی کردا اے رب آپنے پاک تخت اُتے بیٹھا اے
9
۹۔ امتاں دے سردار کٹھے ہوئے نیں تاں جو ابراہام دے رب دی امت بن جاؤن کیوں جو دھرتی دِیاں سِپراں رب دِیاں نیں اوہ چوکھا اُچا اے