آگو گویّئے جوگی بنی قورح دا مزمور علاموت دے سُر تے اک گیت ¹ ۱۔ رب ساڈے لُکنے دے تھاں اتے ساڈا زور اے مصیبت ویلے تگڑا مدد گار ² ۲۔ ایس لئی سانوں کجھ ڈر خوف نئیں۔ بھانویں دھرتی پُٹھی ہو جاؤے اتے پہاڑ سمندر دی ڈوہنگیائی وچ پاء دِتے جان ³ ۳۔ بھانویں اوہدا پانی رولا پاؤے اتے ٹھاٹھاں مارے اتے پہاڑ اوہدے ٹھاٹھ نال ہِل جان (سِلاہ) ⁴ ۴۔ اک اجہیا دریا اےجہدے سوتیاں نال رب دے شہر نوں مطلب رب دے پاک مسکن نون راحت ملدی اے ⁵ ۵۔ رب اوہدے وچ اے۔ اوہنوں کدی وی ہُلار نئیں رب سرگھی ویلے ای اوہدی مدد کرے گا ⁶ ۶۔ قوماں پریشان ہوئِیاں۔ شاہِیاں نے ہُلار کھاہدا اوہ بول پئیا۔ دھرتی پنگھر گئی ⁷ ۷۔ لشکراں دا خداوند ساڈے نال اے یعقوب دا رب ساڈے لُکنے دی تھاں اے (سِلاہ) ⁸ ۸۔ آؤ! خداوند دے کماں نوں ویکھو پئی اوہنے دھرتی اُتے کیہ کیہ ورانیاں کیتیاں نیں ⁹ ۹۔ اوہ دھرتی دے انت تیکر جنگ رُکواندا اے اوہ کمان بھن دا اتے نیزے دے ٹوٹے کر دیندا اے اوہ رتھاں نوں اگ نال ساڑ دیندا اے ¹⁰ ۱۰۔ چُپ ہو جاؤ اتے جان لؤو پئی میں رب ہاں میں قوماں دے وچ اُچا ہؤاں گا میں سبھے دھرتی اُتے سِر اُچا کراں گا ¹¹ ۱۱۔ لشکراں دا خداوند ساڈے نال اے یعقوب دا رب ساڈے لُکنے دی تھاں اے (سِلاہ)