¹ ۱۔ (الف) تُوں شریراں دے سببع تنگ نہ پے۔ تے بدکاریاں توں نہ سڑ۔ ² ۲۔ کیوں جو اوہ گھاہ وانگ کُملا جان گے۔ تے ہرے بعٹیاں وانگ سُک جان گے۔ ³ ۳۔ ـ(ب)رَب تے بھروسہ کر تے نیکی کر تاں جع تُوں دیس وچ وسدا رہویں۔ ⁴ ۴۔ رَب وچ خوش رہ تے۔ اوہ تیرےدل دیاں مُراداں پوریاں کرے گا۔ ⁵ ۵۔ (ج)اپنی راہ رَب تےچھڈ دے۔ تے اوہدے تے بھروہسہ کر۔ تے اوہو سب کجھ کرے گا۔ ⁶ ۶۔ اوہ تیری سچائی سویل تے۔ تیراحق دوپہر وانگ چمکاوے گا۔ ⁷ ۷۔ (د)رَب وچ مُطمئن رہ تے اوہدے تے بھروسہ کر۔ اپنی راہ وچ کامیاب ہون والے توں تنگ نہ ہو۔ یعنی جیہڑا دھو کیاں نُوں توڑ چڑھاؤندا اے۔ ⁸ ۸۔ (ہ)غصے تَوں موڑ جا تے کَوڑچھڈ دے۔ تنگ نہ پےنئیں تےتیتھوں بھیڑ ہووے ۔ ⁹ ۹۔ کیوں جو بدکار کڈے جان گے۔ پر جنہاں دا بھروسہ رَب تے وے۔ اوہ دھرتی دے وارث ہون گے۔ ¹⁰ ۱۰۔ (و)تھوڑے ای چِرپچھوں شریر مُک جاوے گا۔ تُوں اوہدی تھاں نُوں ویکھیں گا ۔ پر اوہ نہ ہووے گی۔ ¹¹ ۱۱۔ پر حلیم بھوئیں دے وارث ہون گے۔ تے ودھیری سلامتی دا سواد لین گے۔ ¹² ۱۲۔ (ز)شریر صادق دے خلاف بناں پاؤندا اے۔ تے اوہدے تے دند کریچ دا اے۔ ¹³ ۱۳۔ رَب اوہدے تے ہسدا اے۔ کیوں جو اوہ ویکھدا اے پئی۔ اوہدادیہاڑا نیڑے وے۔ ¹⁴ ۱۴۔ (ح)شریر تلوارکڈ دے تے کمان کھیچ دے نیں۔ تاں جو غریب تے مہاتڑ نُوں ڈیگن۔ تے سیدھی راہ والے نُوں قتل کر ن۔ ¹⁵ ۱۵۔ اوہناں دی تلوار اوہناں دے دل نوں چیرے گی۔ اوہناں دیاں کماناں بھن دِتیاں جان گیاں۔ ¹⁶ ۱۶۔ (ط)صادق دا تھوڑا جہا مال۔ شریراں دی دھیری دولت تَوں چنگا اے۔ ۔ ¹⁷ ۱۷۔ کیوں جو شریاں دیاں بانہاں بن دِتیاں جان گیاں پر صادق نُوں رَب سنبھالدا اے۔ ¹⁸ ۱۸۔ (ی)رَب کامل دِلاں دے دِ ن تکد ارہندا اے۔ تے اوہناں دی میراث سدا رہوے گی ۔ ¹⁹ ۱۹۔ اوہ آفتاں دے ویلے شرمندے نہ ہون گے۔ تے کال دے دِناں وچ وی رجھے رہن گے۔ ²⁰ ۲۰۔ (ک)پر شریرمر جان گے۔ تے رَب دے ویری چرن تھانواں دی ہریالی وانگ فنا ہوجان گے۔ اوہ دھو وانگ اکھاں تَوں اولہے ہو جان گے۔ ²¹ ۲۱۔ (ل)شریراُدھا رلے کے موڑ دا نئیں۔ پر صادق مہر بان اے۔تتے دیندا اے۔ ²² ۲۲۔ کیوں جو جنہاں نُوں اوہنے برکت دِتی اے۔ اوہ دھرتی دے وارث ہون گے۔ پر جنہاں تے اوہدی لعنت اے کڈے جان گے۔ ²³ ۲۳۔ (م)رَب دے سببوں بندے دے پیر پکے رہندے نیں۔ تے اوہ اوہدی راہ نُوں پسند کر دا اے۔ ²⁴ ۲۴۔ جےاوہنوں ٹھیدا وی لگے۔ تے اوہ نہ ڈِگے گا ۔کیوں جو رَ نے اوہدی بانہہ پھڑی اے۔ ²⁵ ۲۵۔ (ن)میں مُنڈا ساں تے ہون بُڈھا واں۔ تاں وی میں صادق نُوں بے وَس۔ تے اوہدی اولاد نُوں ٹُکڑے مانگ دیاں نئیں ویکھیا۔ ²⁶ ۲۶۔ اوہ ہر ویلے رحم کھاندا تے قرضا دیندا اے۔ تے اوہدی اولاد نُوں برکت میل دی رہووے گی۔ ²⁷ ۲۷۔ (س)بھیڑ تَوں دور رہ تے بھلائی کر دا رہ۔ تاں جو تُوں سدا وسدا رہوویں۔ ²⁸ ۲۸۔ کیوں جو رَب سچائی نُوں پسند کر دا اے۔ تے اپنے پاک لوکاں نُوں دور نئیں کردا ۔ (ع)خطا کار مُکائے جان گے۔ تے شریراں دی اولاد کڈ دِتی جائے گی۔ ²⁹ ۲۹۔ صادق دیس دے وارث ہون گے۔ تے سدا اوہدے وچ وسدے رہن گے۔ ³⁰ ۳۰۔ صادق دے عقل نکلے گی۔ تے اوہدی جیبھ وچوں نیاں نکلے گا۔ ³¹ ۳۱۔ اوہدے رَب دی شریعت اوہدے دل وچ اے۔ تے اوہدے پیر نئیں تلکدے۔ ³² ۳۲۔ (ص)شریر سچے دی تاڑھوچ رہندا۔ تے اوہدے قتل دے خیال وچ رہندا اے۔ ³³ ۳۳۔ رَب اوہنوں اوہدے ہتھ وچ نئیں تے دیوے گا۔ تے جد اوہ کچہری وچ کھلووے گا۔ تے اوہنوں دوسی نہ بنائے گا ۔ ³⁴ ۳۴۔ (ق)رَب تے بھروسہ رکھ۔ تے اوسے دی راہ تے ٹُریا جا۔ اوہ تینوں ودھا کے۔ دھرتی دا وارث بنائے گا۔ تے جد شریر کڈے جان گے۔ تے تُوں ویکھیں گا ۔ ³⁵ ۳۵۔ (ر)میں شریر نُوں بڑے زوراں وچ۔ تے ہرے بھرے رُکھ وانگ ودھ دیاں ویکھیا۔ ³⁶ ۳۶۔ فیر میں اودھروں لنگھیا تے اوہ اوتھے ہے ای نئیں سی۔ تے میں اوہنوں نہ ویکھیا ۔ ³⁷ ۳۷۔ (ش)کامل بندے تے نظر کر۔ تے راستباز نُوں ویکھ۔ کیوں جو صُلح کران والے لئی اِک بقیہ اے۔ ³⁸ ۳۸۔ پر خطا کرن والے سب دے سب مُک جان گے۔ تے شریراں دا بقیہ وی نہ رہے گا ۔ ³⁹ ۳۹۔ (ت)سچیاں دی نجات رَب ولوں اے۔ اوہ تنگی دے ویلے اوہناں دی لُکن دی تھاں اے۔ ⁴⁰ ۴۰۔ رَب اوہناں دی مدد کر دا اے۔ تے اوہناں چھُڈاندا تے بچاندااے۔ ایس لئی پئی اوہ اوہدی پناہ لیندے نیں۔