داؤدؔ وَلوں ¹ ۱۔ ربا!میرے نال جھگڑن والیاں نال جھگڑ ۔ اوہناں نال جنگ کر ۔ جیہڑے میرے نال جنگ کردے نیں ۔ ² ۲۔ ڈھال تے سِپر لے کے میری مدد لئی کھلو ۔ ³ ۳۔ نیزہ وکھا کے میرا پِچھا کرن والیاں نُوں ڈک ۔ میری جان نُوں آکھ پئی میں تیری نجات آں ۔ ⁴ ۴۔ میری جان دے طالب شرمندے ہون ۔ تے بھنڈے جان ۔ میرا نُقصان سوچن والے ۔ پیر پِچھے کرن تے دُکھی ہون ۔ ⁵ ۵۔ اوہ اجیہے ہو جان جیویں ہو اَگے توڑی جد رَب دا فرشتہ اوہناں نُوں نسا دیوے ۔ ⁶ ۶۔ اوہناں دی راہ ہنیری تے تِلکنی ہو جاوے ۔ جَد خُداوند دا فرشتی اوہناں نُوں رگیدے ۔ ⁷ ۷۔ کیوں جو اوہناں میرے لئی بے وجہ پھاہی لائی اے تے بے وجہ میری جان لئی ٹوئیا پُٹیا اے ۔ ⁸ ۸۔ اوہناں نُوں بھیڑی موت آوے ۔ تے جیہڑی پھاہی اوہناں لائی اے ۔ اوہناں نُوں ہی پھساوے تے جیہڑا ٹوئیا اوہناں پُٹیا اے ۔ اوہدے وِچ آپ ہی ڈِگن ۔ ⁹ ۹۔ پر میری جان رَب وِچ خُوشیاں مناوے ی ۔ تے اوہدی نجات توں خُوش ہووے گی ۔ ¹⁰ ۱۰۔ میری کُل ہڈیاں آکھن گئیاں پئی یا ربا۔ تیر ے جیہا کون اے ۔ تے جیہڑا مسکین تے مُتھاج نُوں ڈاہڈے کولوں بربادکرن ولے دے ہتھوں چُھڑاندا اے ۔ ¹¹ ۱۱۔ ظالم گواہ میرے خِلاف اُٹھ کھلوتے نیں ۔ اوہ میتھوں اجیہاں گلاں پُچھدے نیں ۔ جیہڑئیاں مینوں نئیں پتا ۔ ¹² ۱۲۔ اوہ مینوں نیکی دا بدلے وِچ اوہ بدی دیندے نیں ۔ تے میری جان نُوں بو وَس کر دے نیں۔ ¹³ ۱۳۔ پَر میں جد اوہ بیمار سَن اَپنے تے ٹاٹ لیندا تے روزہ رَکھ کے نفس مار دا ساں تے دِل وِچ دعاواں کردا ساں ۔ ¹⁴ ۱۴۔ میں اوہدے لئی اینج پھردارئیا جینج میرا بیلی یا بھرا سی ۔ میں سر نیواں کےاینج اوہدا غم کیِتا جیویں کوئی اَپنی ماں نُوں روندا اے ۔ ¹⁵ ۱۵۔ پَر اوہ میرے لنگان تے خُوش ہون لئی اوہ میرے خلاف اکٹھے ہوئے تے اوہناں مینوں بے خبرے نُوں اریا اوہ مینوں چُونڈے وڈن توں باز نئیں آؤندے ۔ ¹⁶ ۱۶۔ اوہ دند کریچدے ہوئے مینوں آزماندے تے مینوں دُکھی کردے سَن ۔ ¹⁷ ۱۷۔ یا ربّا ! تُوں کد تیِک ویکھ دا رہویں گا ۔ تے میرے دھاڑن والیاں شیراں توں میری جان چُھڑا۔ ¹⁸ ۱۸۔ میں وڈے اکٹھ وِچ تیرا شُکر مناواں گا تے بوہتے لوکاں وِچ تیری وڈیائی کراں گا ۔ ¹⁹ ۱۹۔ جیہڑے ناحقے میرے ویری ہوئے نیں ۔ اوہ میرے حال تے خُو شیاں ناں منا ن ۔ جیہڑے بلا وجہ میرے نال ویر رکھدے نیں چشمک زنی ناں کرن ۔ ²⁰ ۲۰۔ کیوں جو اوہ سلاتی دی گَل نئیں کر دے ۔ سگوں دیس دے امن چاہن والیاں دے خلاف مکر دے منصوبے بنھ دے نیں ۔ ²¹ ۲۱۔ تے میرے خلاف موُنہہ پاڑ کے آکھدے نیں ۔ پئی واہ بلھے بلھے ۔ اساںاَپنیاں اکھاں نال ویکھ لیا اے ۔ ²² ۲۲۔ یا ربا! تُوں ویکھیا اے ۔ تے چُپ ناں وَٹ ۔ یاربّا ! میتھو ں دوُر ناں ہو۔ ²³ ۲۳۔ جاگ تے میرا ساتھ دین لئی میرے معاملے وِچ جاگ دا رہ ۔ یا میرے ربّا ! یا میرے ربّا! ²⁴ ۲۴۔ یا ربّا !اپنی سچیائی نال میرا نیاں کر ۔ ےتاں ناں ہووے پئی ربّا! اوہ میرے تے خُوش ہون۔ ²⁵ ۲۵۔ تاں ناں ہووے ۔ اوہ اَپنے دِل وِچ سمجھن بلھے ۔ ایہو ساڈی مرضی سی ۔ تے ایہ ناں آکھن۔ پئےی اسیں ایہنوں نپڑ گئے آں ۔ ²⁶ ۲۶۔ جیہڑے میری شامت توں خُوش ہُندے نیں ۔ اوہ شرمندے تے کُل دے کُل دُکھ ہون جیہڑے میرے اَگے گھمنڈ کردے نیں اوہناں نُوں رسوائی تے بوعزتی دا لباس پوے ۔ ²⁷ ۲۷۔ جیہڑے میرے معاملے دی حمایت کردے نیں اوہ خُوش تے شاد ہو کے آکھن رب دی وڈیائی ہووے ۔ جیہڑا اَپنے بندے دی سلامتی چاہندا اے ۔ ²⁸ ۲۸۔ تے میری جیبھ توں تیری سچیائی جپی جاوے گی ۔ تے سار ِن تیری وڈیائ ہُندی رہوے ۔