داؤد وَلون آگو گویئے لئی گیت ¹ ۱۔ مُصیبت دے دیہاڑے رَب تیری سُنے یعقو ب ؔ دے خدا دا نان تیری راکھی کرے ² ۲۔ اوہ ہیکل وچوں تیری مدد گھلے تے صیہونؔ وچوں تینوںسبھالے ³ ۳۔ تیریاں کُل قربانیاں یاد کرے تے تیری سوختنی قُربانی نوں مقبول جانے ⁴ ۴۔ تینوں تیرے دل دی مُراد بخشے تے تیرے سارے منصوبے توڑ چڑھاوے ⁵ ۵۔ کاش اَسیں تیرے جیتن تے خوشی منائیے تے اپنے رَب دے ناں دے جھنڈے گڈئیے رَب تیریاں سب مُراداں پوریاں کرے ⁶ ۶۔ ہون مینوں پتہ لگ گیا اے پئی رَب نیں اپنے ممسوح نوں جَتا دِتا اے اپنے پاک عرش توں اوہدی سُن لئی اے۔ اپنے سجے ہتھ دے زور نال ⁷ ۷۔ کوئی گڈیاں تے کوئی گھوڑیاں دے سببوں خوش اے پر اسی تے رَب اپنے خداوند دے ناں توں خوش آں ⁸ ۸۔ اوہ جھُکے تے ڈِیگ پئے اسی کھلوتے آں تے کھلوتے ای آں ⁹ ۹۔ خداوند بادشاہ نوں جِیت دے جیدن اسی تینوں صدیئے ساڈی سُن۔