¹ ۱۔ اسمان توں خدا دی حمد کرو۔ اُتلے جہان تے اوہدی حمد کرو ۔ ² ۲۔اے اوہدے سارے فرشتو !اوہدی حمد کرو ۔ اے اوہدے سارے لشکرو !اوہدی حمد کرو ۔ ³ ۳۔ اے سورج تے چن !اوہدی حمد کرو ۔ اے سارے چمکدے تارو !اوہدی حمد کرو ۔ ⁴ ۴۔ اے فلک اُلافلاک !اوہدی حمد کرو ۔ تے توں وی اے پانی جیہڑا فضا دے اُتے ایں ۔ ⁵ ۵۔ ایہہ خدا وند دے ناں دی حمد کرن ۔ کیوں جو اوہنے حکم دتا تے اوہ ہوند وچ آگئے ۔ ⁶ ۶۔ اوہنے اوہناں نوں ابدُالآباد لئی ہونا بخشا ۔ اوہنے اجیہا قانون ٹھہرایا جیہڑا ٹلے گا نہیں ۔ ⁷ ۷۔ زویں توں خدا وند دی حمد کرو ۔ وڈے سپو تے سمندر دی ساری ڈوہنگھ ۔ ⁸ ۸۔ اگ تے گڑیو۔ برف تے کوہیڑ ۔ طوفانی ہوا جیہڑی اوہدے بول تے چلدی اے ۔ ⁹ ۹۔ پہاڑو تے ساری پہاڑیو۔ میوہ دین آلے رُکھو تے دیودارو۔ ¹⁰ ۱۰۔ درندیو (گوشت کھان آلیو) تے سارے چرندیو (کھا کھان آلیو) کیریو مکوڑیو تے اُڈن اآلے پکھیروو۔ ¹¹ ۱۱۔ دنیا دے بادشاہو نالے ساری قومو ۔ امیرو تے زویں دے سارے حکم چلان آلیو ۔ ¹² ۱۲۔ گھبرو سگوں الہڑ مٹیارو۔ اے بڈھیو تے اے بچیو ۔ ¹³ ۱۳۔ ایہہ خدا وند دے ناں دے حمد کرن ۔ کیوں جو اُسی کلے دا ناں متعال (اُچا) اے ۔ اوہدی شان تے شوکت زویں تے اسمان توں اُچی اے۔ ¹⁴ ۱۴۔ اوہنے اپنی امت دے سنگ نوں اُچا کیتا اے ۔ اوہدے سارے مقدساں ولوں ۔ یعنی اوہدی سب توں نیڑے قوم اسرائیل ولوں ایہہ اوہدی حمد ہووے۔