¹ ۱۔ خدا وند دی حمد کرو کیوں جو اوہ نیک اے ۔ اوہدی حمد کرنا انسب (زیادہ ٹھیک ) اے ۔ ² ۲۔ خدا وند یروشلیم نوں اُساردا اے ۔ اوہ اسرائیل دے کھلرے ہویاں نوں کٹھا کردا اے ۔ ³ ۳۔ اوہ ٹُٹے ہوئے دلاں نوں شفا دیندا اے ۔ تے اوہناں دے پھٹاں نوں بنھ دیندا اے ۔ ⁴ ۴۔ اوہ تاریاں دی گنتری نوں متھدا اے ۔ تے اک اک نوں ناں لے کے بلاندا اے ۔ ⁵ ۵۔ ساڈا خدا عظیم تے قوت اُتے قادر اے اوہدی حکمت دی پیمائش نہیں ہو سکدی ۔ ⁶ ۶۔ خدا وند نرم سبھا دے بندیاں نوں اُٹھا لیندا اے۔ تے بے دیناں نوں مٹی وچ رول دیندا اے ۔ ⁷ ۷۔ شکر گزاری دے نال خدا وند لئی گائو ۔ بربط دے نال ساڈے خدا دی تعریف کرو ۔ ⁸ ۸۔ جیہڑا فضا نوں بلاں نال کج لیندا اے ۔ جیہڑا زویں لئی مینہ دیندا اے ۔ جیہڑا پہاڑاں تے گھاہ جماندا اے ۔ تے انسان دی سیوا لئی بوٹے ۔ ⁹ ۹۔ جیہڑا چوپایاں نوں اوہناں دی خوراک دیندا اے ۔ ہاں کانواں دے اوہناں بچیاں نوں وی جیہڑے اوہنوں بلاندے نیں ۔ ¹⁰ ۱۰۔ اوہ گھوڑے دی طاقت توں کوش نہیں ہوندا ۔ تے مر دے پٹ اوہنوں پسند نہیں آوندے ۔ ¹¹ ۱۱۔ خدا وند اپنے ڈرن آلیاں توں کوش ہوندا اے ۔ یعنی اوہناں کولوں جیہڑے اوہدے کرم دا انتظار کردے نیں ۔ ¹² ۱۲۔ اے یروشلیم خدا وند دی حمد کر ۔ اے صیہون اپنے خدا دی حمد کر ۔ ¹³ ۱۳۔ کیوں جو اوہنے تیرے بوہیاں دیاں سیخان نوں پکا کیتا اے ۔ تے تیرے اندر تیرے پتراں نوں برکت دتی اے ۔ ¹⁴ ۱۴۔ اوہنے تیری حد وچ امن بخشیا اے ۔ تے تینوں کنک دے میدے نال رجایا اے ۔ ¹⁵ ۱۵۔ اوہ اپنے بولاں نوں زویں تے گھلدا اے ۔ اوہدا کلمہ تیزی نال دوڑدا اے ۔ ¹⁶ ۱۶۔ اوہ برف نوں اُن وانگوں سٹدا اے ۔ اوہ پالے نوں سواہ وانگوں کھنڈاندا اے ۔ ¹⁷ ۱۷۔ اوہ اپنے گڑیاں نوں روٹی دے ٹکڑیاں وانگ وساندا اے ۔ اوہدے پالے دے ساہمنے ندیاں جم جاندیاں نیں ۔ ¹⁸ ۱۸۔ اوہ اپنا کلمہ گھلدا تے اوہناں نوں ڈھال دیندا اے ۔ اوہ اپنی ہوا نوں جھلن دا حکم دیندا اے تے ندیاں وگن لگ جاندیاں نیں ۔ ¹⁹ ۱۹۔ اوہنے یعقوب تے اپنے بول ظاہر کیتے نیں ۔ تے اسرائیل تے اپنے قانون تے قضاواں ۔ ²⁰ ۲۰۔ اوہنے کسی ہور قوم نال انج نہیں کیتا ۔ اوہنے اپنیاں قضواں اوہناں دے سامنے نہیں لیاندیاں ۔