¹ ۱۔ اے میری جان خدا وند دی حمد کر ۔ ² ۲۔ میں اپنی ساری حیاتی خدا وند دی حمد کراں گا ۔ جدوں تیکر ہاں اپنے خدا دی تعریف کراں گا ۔ ³ ۳۔ بادشاہواں تے وساہ نہ کرو ۔ یعنی انسان تے جس توں نجات نہیں مل سکدی ۔ ⁴ ۴۔ جدوں اوہدی روح نکل جاندی اے تاں اوہ مٹی وچ مڑ جاندا اے ۔ تے اُسے ویلے اوہدیاں ساریاں (تد بیراں ) گویڑاں فنا ہو جاندیاں نیں ۔ ⁵ ۵۔ مبارک اے اوہ جیہدا مدد کرن آلا یعقوب دا خدا اے ۔ تے جیہدی آس خدا وند اپنے خدا اُتے ہے ۔ ⁶ ۶۔ جس نے اسمان زمین تے سمندر نوں ۔ تے اوہناں دے اندر دیاں ساریاں شیواں نوں بنایا اے ۔ جیہڑا ابد تیکر وفادار اے ۔ ⁷ ۷۔ تے مظلوماں دا حق سانبھ کے رکھدا اے ۔ تے بھکھیاں نوں ٹُکر کھواندا اے ۔ خدا وند بندی واناں نوں چھڈدا اے ۔ ⁸ ۸۔ خدا وند انہیاں دیاں اکھاں کھولدا اے ۔ خدا وند کُبیاں نوں سدھا کردیندا اے ۔ خدا وند سچیاں نال محبت کردا اے ۔ ⁹ ۹۔ خدا وند پردیسیاں دی رکھوالی کردا اے ۔ اوہ یتیم تے رنڈی نوں سانبھ لیندا اے ۔ پر غلطیاں کرن آلیاں دی راہ نوں پرت دیندا اے ۔ ¹⁰ ۱۰۔ اے صیہون ۔ خدا وند یعنی تیرا خدا ۔ ابد الآباد تیکر پشت توں پشت تیکر بادشاہی کرے گا ۔