¹ ۱۔ خدا وند لئی اک نواں گیت (گون) بنائو ۔ مقدساں دی جماعت وچ اوہدی حمد گونجے ۔ ² ۲۔ اسرائیل اپنے خالق توں شاد ہووے ۔ صیہون دے پتر اپنے بادشاہ کارن شاد ہوون ۔ ³ ۳۔ ایہہ ناچ دے نال اوہدی حمد کرن ۔ خنجریاں تے بربط نال اوہدی تعریف کرن۔ ⁴ ۴۔ کیوں جو خدا وند اپنی امت نوں چنگا جاندا اے ۔ تے غریباں نوں فتح مندی نال سجاندا اے ۔ ⁵ ۵۔ مقدسین جلال وچ خوش ہوون ۔ اوہ اپنے پلنگاں تے خوشی نال للکارن۔ ⁶ ۶۔ خدا دی تعریف اوہناں دے گلے وچ ہووے۔ دوہاں دھاریاں تلواراں اوہناں دے ہتھاں وچ ہوون ۔ ⁷ ۷۔ تاں جو قوماں کولوں بدلہ لین ۔ تے امتاں نوں خطرے بارے دس سکن ۔ ⁸ ۸۔ تاں جو اوہناں دے بادشاہواں نوں بیڑیاں توں تے اوہناں دے شریفاں نوں لوہے دیاں ہتھکڑیاں نال بنھن۔ ⁹ ۹۔ تاں جو اوہناں اُتے فتوے دا خط جاری کرن ۔ اوہدے سارے مقدسین دی ایہہ وڈیائی اے ۔