¹ ۱۔ خدا وند میری چتان مبارک ہووے ۔ جیہڑا میرے ہتھاں نوں جنگ کرنا ۔ تے میریاں انگلاں نوں لرائی کرنا سکھاندا اے ۔ ² ۲۔ اوہ میرے تے شفقت کرن آلا تے میرا قلعہ (کوٹ ) اے ۔ اوہ میرا گھیرا اے تے میرا مخلص اے ۔ اوہ میری سپر (آڑ) پناہ دی تھاں اے ۔ جیہڑا قوماں نوں میرے ماتحت کردا اے ۔ ³ ۳۔ اے خدا وند انسان کیہ اے جو توں اوہنوں یاد فرماویں ۔ تے آدم زاد کیہ اے پئی توں اوہدا خیال کریں ۔ ⁴ ۴۔ انسان آہ وانگوں اے ۔ اوہدے دھیاڑے لنگھے ہوئے پرچھاویں وانگ نیں ۔ ⁵ ۵۔ اے کدا وند اسماناں نوں نیواں کر تے تھلے آ ۔ پہاڑاں نوں چھو تاں اوہناں وچوں دھواں نکلے گا ۔ ⁶ ۶۔ بجلیاں پا تے اوہناں نوں کھنڈا دے ۔ اپنے تیر چلا تے اوہناں نوں گھبرا دے ۔ ⁷ ۷۔ اُتلے جہان توں اپنا ہتھ ودھا ۔ مینوں پانی دی ودھیکی توں چھڑا۔ تے اوپریاں دے ہتھوں بچا لے ۔ ⁸ ۸۔ جنہاں دا منہ واہیات بولدا ۔ تے سدھا ہتھ جھوٹی سونہہ کھاندا اے ۔ ⁹ ۹۔ اے خدا میں تیرے لئی اک نواں گیت گاواں گا ۔ میں دس تاراں دی سارنگی نال تیری تعریف ۔ گانواں گا ۔ ¹⁰ ۱۰۔ توں جیہڑا بادشاہواں نوں جتواندا ایں ، تے جیہنے اپنے بندے دائود نوں چھڑوایا اے ۔ ¹¹ ۱۱۔ مینوں بپری تلوار توں چھروا ۔ تے اوپریاں دے ہتھوں مینوں بچا لے ۔ جنہاں دا منہ واہیات بولدا اے تے سجا ہتھ جھوٹی سونہہ کھاندا اے ۔ ¹² ۱۲۔ ساڈے پتر اپنی جوانی وچ ودھدے ہوئے ۔ بوٹیاں وانگ ہوون ۔ تے ساڈیاں دھیاں اوہناں نُوٹیاں بنے تھماں وانگ ہوون ۔ جیہڑے ہیکل دی گُٹھ وچ گڈے گئے نیں ۔ ¹³ ۱۳۔ ساڈے بھڑولے بھرے رہن ۔ تے اوہناں وچ ون سونے ڈھیر ہووے ۔ ساڈیاں ہزاران ہزار پھل دار بھیڈاں بکریاں ۔ ساڈیاں پیلیاں وچ لکھو لکھ بن جاون ۔ ¹⁴ ۱۴۔ ساڈے بلد چنگی طرح لدے ہون ۔ چوکندھیاں وچ مورے نہ ہوون تے نہ ای بندی وانی ہووے ۔ تے ساریاں گلیاں وچ رولے دی واج نہ ہووے ۔ ¹⁵ ۱۵۔ مبارک اے اوہ امت جیہدا ایہہ حال اے ۔