¹ ۱۔ اے خدا وند میری دعا سن۔ اپنی سچائی دے مطابق میری منت تے کن دھر۔ ² ۲۔ اپنے بندے نوں عدالت وچ نہ لیا ۔ اوہنے میری حیاتی نوں مٹی وچ رول دتا اے ۔ اوہنے مینوں مدت دے مردیاں وانگ ہنیرے وچ رکھیا ہویا اے۔ ³ ۳۔ ایس لئی پئی ویری نے میری جان نوں ستایا اے۔ اوہنے میری حیاتی نوں مٹی وچ رول دتا اے ۔ اوہنے مینوں مدت دے مردیاں وانگ ہنیرے وچ رکھیا ہویا اے۔ ⁴ ۴۔ تے میری روح میری باطن وچ پریشان ہو گئی اے ۔ میرے اندر ای میرا دل گھبرا گیا اے ۔ ⁵ ۵۔ میں پرانے دناں نوں یاد کرداہاں ۔ میں تیر ے ساریاں کماں تے غور تے فکر کردا ہاں ۔ میں تیرے ہتھوں بنیاں شیواں بارے سوچدا ہاں ۔ ⁶ ۶۔ میں اپنے ہتھ تیرے ول اڈدا ہاں ۔ تے میری جان سُکی زویں وانگ تیری تہائی اے ۔ ⁷ ۷۔ اے خدا وند میری چھیتی سن لے ۔ کیوں جو میری روح پریشان ہو گئی اے ۔ اپنا منہ میرے کولوں چھپا کے نہ رکھ ۔ اجیہا نہ ہووے پئی میں کھڈے وچ لہن آلیاں وانگوں ہو جاواں ۔ ⁸ ۸۔ عطا کر پئی میں چھیتی تیرا لاڈ محسوس کراں ۔ کیوں جو میرا تاں سار۱ کچھ تیرے تے اے ۔ مینوں دس پئی میں کیہڑی راہ تے تُراں ۔ کیوں جو میں اپنی جان تیرے ول چکدا ہاں ۔ ⁹ ۹۔ مینوں میرے دشمناں توں چھڑا ۔ اے خدا وند میرا بھروسہ تیرے اُتے اے ۔ ¹⁰ ۱۰۔ مینوں سکھا پئی تیری مرضی تے عمل کراں ۔ کیوں جو توں میرا خدا ایں ۔ تیری روح نیک اے ۔ اوہ مینوں اپنی پدھری زویں تے لے جاوے ۔ ¹¹ ۱۱۔ اے خدا وند اپنے ناں دے لئی مینوں جیندا رکھ ۔ اپنے کرم دے مطابق مینوں مصیبت توں چھٹکارا دے ۔ ¹² ۱۲۔ تے اپنی شفقت دے مطابق میرے دشمناں نوں فنا کر ۔ تے میرے سارے دکھ دین آلیاں نوں ہلاک کر۔ کیوں جو میں تیرا بندہ ہاں ۔