۔ (مسکیل ۔ از دائود۔ جدوں اوہ غار وچ سی ۔ مناجات ) ¹ ۱۔ میں اچی واج نال خدا وند دی فریاد کردا ہاں ۔ میں اُچی واج وچ خدا وند دی منت کردا ہاں ۔ ² ۲۔ میں اوہدے سامنے اپنی شکائیتاں ڈوہلدا ہاں ۔ میں اوہدے سامنے اپنی مصیبت دسدا ہاں ۔ ³ ۳۔ جدوں میری جان میرے باطن وچ پریشان ہوندی اے ۔ تاں توں میری روش توں واقف ہوندا ایں ۔ جس راہ تے میں جاندا ہاں ۔ اوتھے میرے لئی اک پھاہی لکائی گئی اے ۔ ⁴ ۴۔ میں اپنے سجے پاسے نظر پا کے ویکھدا ہاں ۔ پر کوئی نہیں جیہڑا میری مدد کرے ۔ میرے لئی کوئی چھپن دی تھاں نہیں رہی ۔ کوئی نہیں جو میری زندگی دا خیال کرے ۔ ⁵ ۵۔ اے خدا وند میں تیتھوں ای فریاد کردا ہاں ۔ میں کہندا ہاں کہ توں میری اوٹ ایں ۔ تے جیوندے لوکاں وچ میرا ٹکڑا۔ ⁶ ۶۔ میری زاری ول دھیان کر ۔ کیوں جو میں بڑا پست ہو گیا ہاں ۔ میرے ستان آلیاں توں مینوں بچا لے ۔ کیوں جو اوہ میتھوں زیادہ زور آلے نیں ۔ ⁷ ۷۔ مینوں قید وچوں باہر کڈھ دے ۔ تاں جو میں تیرے ناں دا شکر کراں ۔ جدوں توں میرے نال نیکی کریں گا ۔ تاں سچیاں دا گھیرا میرے آلے دوالے ہووے گا۔