¹ ۱۔ اے خدا وند میں تیری فریاد کر دا ہاں ۔ میرے ول چھیتی آ۔ جدوں میں تیری فریاد کردا ہاں تاں میری واج تے کن دھر ۔ ² ۲۔ میری دعا بخور وانگوں تیرے حضور پہنچے ۔ ³ ۳۔ اے خدا وند میرے منہ تے پہرہ۔ تے میرے بلہاں دے بوہے تے نگہبان رکھ ۔ ⁴ ۴۔ مرے دل نوں برائی ول نہ لگن دے ۔ پئی میں بے دین ہو کے شرارت دا کم کراں ۔ تے میں بد کردار بندیاں دے نال ۔ اوہناں دا ودھیا کھانا کدی وی نہ کھاواں ۔ ⁵ ۵۔ صادق مینوں مارے ۔ تاں ایہہ مہربانی اے ۔ اوہ مینوں خبردار کرے ۔ تاں ایہہ سر دا تیل اے جس توں میرا سر نہ نہیں کرے گا ۔ سگوں ایہناں مصیبتاں وچ وی دعا کردا رہواں گا ۔ ⁶ ۶۔ اوہناں دے حاکم چٹان وانگ ڈھائے گئے ۔ تے اوہناں نے سن لیا پئی میریاں گلاں کنیاں نرم نیں ۔ ⁷ ۷۔ جویں کوئی زمین نوں پاڑے تے تروڑے ۔ اُسے وانگ میریاں ہڈیاں عالم اسفل دے منہ کول کھلریاں ہویاں نیں ۔ ⁸ ۸۔ کیوں جو اے مالک خدا وند میریاں اکھاں تیرے ول لگیاں ہویاں نیں ۔ ⁹ ۹۔ اُس پھاہی نال جیہڑی اوہناں میرے لئی لائی اے ۔ تے برے کم کرن آلیاں دیاں پھاہیاں کولوں مینوں بچا ۔ ¹⁰ ۱۰۔ شرارتی اپنیاں ای پھاہیاں وچ پھس جان ۔ جد کہ میں بچ نکلاں ۔