۔ میر مغنی لئی ۔ مزمور ۔ دائود توں ¹ ۱۔ اے خدا وند مینوں خبیث مرد توں چھڑا ۔ مینوں ظالم مرد توں بچائی رکھ ۔ ² ۲۔ یعنی اوہناں کولوں جیہڑے دل وچ بڑے منصوبے بناندے نیں ۔ تے ہر دن لڑائی کردے نیں ۔ ³ ۳۔ اوہ سپ وانگوں اپنی زبان تیز کردے نیں ۔ اوہناں دے بلہاں ہیٹھ کالے سپ دا زہر اے ۔ ⁴ ۴۔ اے خدا وند خبیث ہتھوں مینوں آزادی دے ۔ مینوں ظالم مرد کولوں بچا کے رکھ ۔ جیہڑے اس کوشش وچ نیں پئی میرے پیراں نوں پٹ دین ۔ ⁵ ۵۔ مغرور میرے لئی پھاہی لُکاندے۔ تے جال وانگوں رسیاں کھلاردے نیں ۔ اوہ راہ دے ڈھائے تے میرے لئی پھاہیاں لاندے نیں ۔ ⁶ ۶۔ میں خدا وند نوں آکھدا اہاں پئی میرا خدا توں ای ہیں ۔ اے خدا میرے ترلے دی واج سن لے ۔ ⁷ ۷۔ اے مالک خدا وند اے میرے قادر مخلص ۔ جنگ دے دن توں میرے اُتے چھاں کردا ایں ۔ ⁸ ۸۔ اے خدا وند خبیث دیاں مراداں پوریاں نہ کر۔ اوہناں دے منصوبیاں نوں پورا نہ کر ۔ ⁹ ۹۔ میرے آلے دوالے دے لوک سر اُچا کر دے نیں ۔ اوہناں دیاں بلہاں دی شرارت اوہناں دے ای سرتے پوے ۔ ¹⁰ ۱۰۔ اوہ بھکدے انگارے اوہناں دے سر تے وسائے ۔ اوہ اوہناں نوں غار وچ انج دھکا دیوے کہ فیر نہ اُٹھن ۔ ¹¹ ۱۱۔ بری زبان آلا بندہ زویں تے قائم نہیں رہوے گا ۔ ظالم مرد اچن چیتی مصیبت دا شکار ہووے گا ۔ ¹² ۱۲۔ میں ایہہ جاندا ہاں پئی خدا وند ۔ متھاج دی وکالت تے مسکین دے حق دی راکھی کردا اے ۔ ¹³ ۱۳۔ پک اے ۔ سچے تیرے ناں دا شکر کرن گے ۔ تے سدھے کم کرن آلے تیرے حضور رہن گے ۔