¹ ۱۔ اے خدا وند میں اپنے سارے دل نال تیرا شکر کراں گا ۔ کیوں جو توں میرا منہ دا کلام سنا اے ۔ میں فرشتیاں دے ساہمنے تیری تعریف کراں گا ۔ ² ۲۔ میں تیری مقدس ہیکل ول منہ کر کے سجدہ کراں گا ۔ تے تیری شفقت تے سچائی دے کارن ۔ تیرے ناں دا شکر کراں گا ۔ کیوں جو توں اپنے ناں تے اپنے قول نوں ۔ ہر شے اُتےفوقیت بخشی اے ۔ ³ ۳۔ جس دن میں تینوں واج ماری توں سن لتی ۔ توں میرے وچ زور ودھایا ۔ ⁴ ۴۔ اے خدا وند ساری دنیا دے بادشاہ تیرا شکر کرن گے ۔ جدوں تیرے منہ دا کلام سنن گے۔ ⁵ ۵۔ تے اوہ خدا وند دی راہواں دا گیت گاون گے۔ پک اے خدا وند عظیم الجلال اے ۔ ⁶ ۶۔ پک اے خدا وند بہت بلند اے ۔ فیر فی پست حال تے نطڑ کردا اے ۔ تے غرور کرن آلے نوں دوروں پچھان لیندا اے ۔ ⁷ ۷۔ حالانکہ میں دکھ وچ تُردا ہاں تاں وی توں مینوں سانبھ کے رکھدا ایں ۔ توں میرے دشمناں دے قہر دے خلاف ہتھ ودھاندا ایں ۔ تیرے سدھا ہتھ مینوں بچا لیندا اے ۔ ⁸ ۸۔ خداو ند میرے لئی شروع کیتا کم پورا کرے گا ۔ اے خدا وند تیرا دلاسہ ابد تیکر قائم اے ۔ اپنی دستکاری نوں نہ چھڈ۔