¹ ۱۔ اسیں بابل دیاں نہراں تے بیٹھے ۔ ² ۲۔ تے صیہون نوں یاد کر کے روئے ۔ اوتھے دے بید دے رُکھاں نال۔ اساں اپنیاں بربطاں ٹنگ دتیاں ۔ ³ ۳۔ اوتھے سانوں بندی وان بناون آلیاں نے آکھیا پئی گائو ۔ تے سانوں تنگ کرن آلیاں نے آکھیا پئی خوشی منائو ۔ ’’ صیہون دے گیتاں وچوں کوئی سانوں سنائو۔‘‘ ⁴ ۴۔ اسیں اوپرے دیس وچ ۔ خدا وند دا گیت کیویں گائیے؟ ⁵ ۵۔ اے یروشلیم ۔ جے میں تینوں بھلا دیاں ۔ تاں میرا سجا ہتھ وی بُھلا دتا جاوے۔ ⁶ ۶۔ جے میں تینوں یاد نہ رکھاں ۔ جے یروشلیم دی ہر خوشی تے تینوں ترجیح نہ دیاں۔ تاں میری جیبھ میرے تالو نال چمٹ جاوے ۔ ⁷ ۷۔ اے خدا وند بنی عدوم دے خلاف ۔ یروشلیم دے دن نوں یاد فرما ۔ جیہڑے کہندے سن پئی ایہنوں ڈھا دیو ۔ ⁸ ۸۔ ایہدی نینہ تیکر ایہنوں ڈھا دیو ۔ اے بابل دی دھی اے مہلکہ۔ مبارک اوہ ہووے گا جو تینوں ایس سلوک دا بدلہدیوے ۔ ⁹ ۹۔ جیہڑا توں ساڈے نال کیتا۔ مبارک اوہ ہووے گا جیہڑا تیرے بچیاں نوں لے کے۔ چٹان تے واہ مارے ۔