(گیت داؤد دا مزمور ) ¹ ۱۔ میرا دل پُکارے ۔اے خُدا میرا دِل پُکارے ۔میں گاواں گا ۔تے حمد کراں گا ۔جاگ اے میری جان۔ ² ۲۔ اے بربط تے ستار جاگو ۔میں آپ وی سویرے جاگ جاواں گا ۔ ³ ۳۔ اے خداوند میں قوماں وچ تیری تعریف کراں گا ۔تے قوماںوچ تیری حمد تے تعریف کراں گا ۔ ⁴ ۴۔ کیوں جو تیری مہر بانی اکھاں تیک تے تیری سچیائی بدلاں تیک بزرگ اے ۔ ⁵ ۵۔ اے خُدا تُوں اَسماناں تَوں اُچا ہو ۔ سارے جگ تے تیرا چانن ہووے۔ ⁶ ۶۔ تاں جو تیرے پیار کرن والے رہائی پاؤن ۔تُوں اپنے سچائی دے ہتھ نال محبت کر ۔تے ساڈی سُن۔ ⁷ ۷۔ خُدا نے اپنے گھر وچ وعدہ کیتا اے ۔میں خوشی کردیاں ہویاں سکم ؔنُوں ونڈاں گا ۔تے سکوتؔ دی وادی نُوں ونڈا ں گا ۔ ⁸ ۸۔ جلعادؔ دا دیس میرا ے ۔منسیؔ دا دیس وی میرا اے تے افرائیمؔمیرے سرداخود اے ۔یہوداہؔ لاٹھی اے۔ ⁹ ۹۔ موآبؔ میرے دھوں دا بھانڈا اے۔ادومؔ تے میں اپنی جُتی رکھاں گا ۔فلسطین ؔ تے میں فتح دا نعرہ ماراں گا ۔ ¹⁰ ۱۰۔ مینوں حفاظت والے شہر وچ کون پہنچائے گا ؟تے مینوں ادومؔ تیک کون لے جاوے گا ؟ ¹¹ ۱۱۔ کیہ تُوں ای نئیں اے خُدا ۔جدوں پئی تُوں سانوں رد کر دِتا اے کیہ تُوں ای نئیں اے خُدا ۔تُوں ساڈے لشکراں نال نئیں جاندا ۔ ¹² ۱۲۔ ویری دے مقابلے وچ ساڈی مدد کر ۔کیوں وجو بندیاں دی مدد بے کا ر اے۔ ¹³ ۱۳۔ خُدا دی وجہ نال اسیں جرات وکھاواں گے ۔تے اوہ ای ساڈے ویریاں نُوں پیراں تھلے لتاڑے گا ۔