¹ ۱۔ خُداوند داشکر کرو کیوں جو اوہ نیک اے ۔کیوں جو اوہدی رحمت ہمیشاں تیک اے۔ ² ۲۔ خداوند دی قدرت دے کم کون بیان کرسکے گا یاں اوہدی پوری ستائش کون سُنائے گا ؟ ³ ۳۔ مبارک اے اوہ جیہڑے قاعدیاں تے ٹر دے نے۔تے ہر ویلے سچیائی دے کم کر دے نے ۔ ⁴ ۴۔ اے خُداوند مینوں اوس مہر بانی دے حساب نال یاد کر جیہڑی تیری قوم تے اے اپنی نجات دے نال میری خبر گیری رکھ۔ ⁵ ۵۔ تاں جو میں تیرے وکھرے کیتے ہویاں دی سر بلندی تَوں خوش ہواں تے تیر ی قوم دی خوشی دے سببوں خوش ہاں ۔تے میری میراث دے نال مان کراں۔ ⁶ ۶۔ اساں اپنے پیو دادیاں دے وانگر بھُل کیتی ۔اساں بریائی کیتی ۔اساں شرارت کیتی اے۔ ⁷ ۷۔ مصر ؔ وچ ساڈے پیو دادیاں نے تیرے عجیب کماں تے دھیان نہ کیتا ۔تیری رحمتا ں دی بہتات یاد نہ کیتی سگوں قُلزم ؔ دے سمندر تے حق تعالیٰ تَوں دور ہو گئے ۔ ⁸ ۸۔ پر اوہنے اپنے ناں دے لئی اوہناں نُوں بچایا ۔تاں جو اپنی قدرت نُوں ظاہر کراں۔ ⁹ ۹۔ تےا وہنے قُلزمؔ دے سمندر نُوں جھڑکیاتےا وسُک گیا تے اوہناں نُوں لہراں توں اینج کڈھ لیایا جیوں اُجاڑ وچوں ۔ ¹⁰ ۱۰۔ تے حسد رکھن والیاں دے ہتھوں بچا یا ۔تے ویری دے ہتھوں اوہنوں چھُڈایا ۔ ¹¹ ۱۱۔ تے پانی نے اوہناں دے ویریاں نُوں لُکایا ۔ایتھوں تیک پئی اوہناں وچوں اِک وی نہ بچیا۔ ¹² ۱۲۔ تے فیر اوہناں اوہدے کلام تے بھروسہ کیتا ۔تے اوہناں نے اوہدی تعریف تے ستائش کیتی۔ ¹³ ۱۳۔ اوہ چھیتی ای اوہدے کماں نُوں بھُل گئے ۔تے اوہدی صلاح دا یقین نہ کیتا ۔ ¹⁴ ۱۴۔ تے اوہناں نے اُجاڑ وچ حِرص نال خواہش کیتی تے جنگل وچ خُدا نُوں آزمایا۔ ¹⁵ ۱۵۔ تے اوہنے اوہناں دی خواہش پوری کر دِتی ۔پر اوہناں تے کمزوری گھلی۔ ¹⁶ ۱۶۔ اوہناں نے تنبو گا ہ وچ موسیٰ تے ۔تے خداوند دے مسح کیتے ہوئے ہارون نال کینا رکھیا ۔ ¹⁷ ۱۷۔ زمین پاٹی تےداتانؔ نُوں نگل گئی ۔تے ابیرامؔ دے جھُنڈ نُوں ڈھک لیا۔ ¹⁸ ۱۸۔ تے اوہناں نےحُوربؔ تے اِک وچھا بنایا ۔تے سیونے دی ہوئی صورت دی پوجھا کیتی ۔ ¹⁹ ۱9۔ تے اوہناں نےحُوربؔ تے اِک وچھا بنایا ۔۔ تے سونے دے ڈھالی ہوئی مُورتی دی پُوجا کیِتی ۔ ²⁰ ۲۰۔ اوہناں نے اپنے چانن نُوں گھاہ کھان والے ڈھگے دی شکل وچ بدل دِتا ۔ ²¹ ۲۱۔ اوہ اوس خُدا نُوں بھُل گئے جنہیں اوہناں نُوں بچایاسی ۔تے جنہیں مصر ؔ وچ معجزے کیتے سن۔ ²² ۲۲۔ یعنی حامؔ دی دھرتی تے عجیب کم تے بحیرہ قُلزم تے حیران کرن والے کم کیتے ۔ ²³ ۲۳۔ تے اوہ آکھن لگا پئی مین اوہنوں تباہ کر دیندا جے میرا وکھرا کیتا ہویا موسی ٰ میرے حضور شفاعت نہ کرد ا۔پئی میرے قہر نے اوہناں نُوں تباہ کرن تَوں ڈھک دِتا ۔ ²⁴ ۲۴۔ تے اوہناںاوس سوہنی دھرتی نُوں بُرا جانیا۔تے اوہدے کلام دا یقین نہ کیتا ۔ ²⁵ ۲۵۔ تے اپنے تبنو وچ بُڑبڑائے تے خُدا وند دی تابع فرمانی نہ کیتی۔ ²⁶ ۲۶۔ تے اوہنے اپنا ہتھ اُتاں چُک کے قسم کھاہدی۔پئی میں اوہناں نُوں اُجاڑ وچ نیویاں کراں گا۔ ²⁷ ۲۷۔ تے اوہناںدی قوم نُوں قوماںوچ کھلار دیاں گا ۔تے اوہناں نُوں دیساں وچ نشر کراں گا۔ ²⁸ ۲۸۔ تے اوہناں نے بعلؔ بغور ؔ نال ساکا گری بنالئی تے مُردیاں دیاں قربانیاں کھا ہدیاں ۔ ²⁹ ۲۹۔ تے اوہناں نے اپنے کماں تَوں اوہنوں غُصہ چڑھایا تے بیماری اوہناں تے ٹُٹ پئی ۔ ³⁰ ۳۰۔ فیر فیخاسؔ اُٹھیا تے کتیا ۔تے بیماری مُک گئی ۔ ³¹ ۳۱۔ تے ایہہ اوہدے لئی پیڑھی تَوں پیڑھی ہمیشاں اجر دے سببوں حساب وچ آیا۔ ³² ۳۲۔ تے اوہناں نے اوہنوں مریبہؔ دے سوتے تے غُصہ چڑھایا۔تے اوہناں دےسببوں موسیٰ نُوں وی نقصان پہنچیا۔ ³³ ۳۳۔ کیوں جو اوہناں نے اوہنوں برداشت نہ کیتا ۔تے اوہ اپنے مونہہ تَوں بے معنی بول اُٹھے ۔ ³⁴ ۳۴۔ اوہناں نے غیر قوماں نُوں تباہ نہ کتیا ۔جنہاں دے بارے خداوند نے اوہناں نُوں حکم دِتا سی۔ ³⁵ ۳۵۔ سگوں اوہغیر قوماں نال ای مِل گئے ۔تے اوہناں وانگر دے کم سیکھ لے ۔ ³⁶ ۳۶۔ اوہناں نے اوہناں دے بُتاں دی پوجا کیتی تے ایہہ اوہناں لئی پھاہی بن گیا ۔ ³⁷ ۳۷۔ اوہناں نے شطان لئی اپنے پُتراں ،دِھیاں دی قربانی دِتی ۔ ³⁸ ۳۸۔ تے بچیاں دا لہو وگایا یعنی اپنے اوہاں پُتراں ،دِھیاں دا لہو جنہاں نُوں اوہناں نے کنعانؔ دے بُتاں لئی قربان کیتا تے دھرتی لہو نا ل پلیت ہو گئی۔ ³⁹ ۳۹۔ تےا وہ اپنے کماں تَوں پلیت ہو گئے۔ ⁴⁰ ۴۰۔ تے خُدا دا قہر اوہناں تے بھڑکیا ۔تے اوہنے اپنی میراث تَوں کریچک آئی ۔ ⁴¹ ۴۱۔ تے اوہنے اوہناں نُوں غیر قوماں دے ہتھ کر دِتا ۔تے اوہناں تَوں نفرت کرن ولاے اوہناں تے رعب جما گئے ۔ ⁴² ۴۲۔ تے اوہناں دے ویریاں نے اوہناں نُوںتنگ کیتا تے اوہناں دے ہتھوں ذلیل ہو گئے۔ ⁴³ ۴۳۔ اوہنے کئی واری اوہناں نُوں چھڈایا۔سگوں اوہناں نے اپنیاں صلاحواں نال اوہنوں غُصہ چڑھایا۔تے اوہ اوہناں بُریائیاں دے سببوں نیویں ہو گئے۔ ⁴⁴ ۴۴۔ سگوں اوہنے اوہناں دی فریاد سُن کے اوہناںدے دُکھ تے نظر کیتی ۔ ⁴⁵ ۴۵۔ تے اوہناں دے لئی اپنے عہد نُوں یاد فرمایا تے اپنی رحمت دی زیادتی دے سببوں پچھتایا۔ ⁴⁶ ۴۶۔ تے جنہاں نے اوہناں نُوں قید کیتا سی۔ ⁴⁷ ۴۷۔ اوہناں ساریاں دے دِل وچ اوہناں لئی رحم پایا ۔اے خداوندساڈے خُدا سانوں بچا ۔تے قوماں وچوں سانوں اکٹھیاں کر ۔تاں جو اسی تیرے پاک ناں دا شُکر کر ئیے۔تے تیری حمدو ثنا تے مان کرئیے۔ ⁴⁸ ۴۸۔ خداوند اسرائیل دا خُدا ہمیشاں تیک مبارک ہووے ۔تے ساری قوم آکھے آمین۔ہیلیلویاہ۔