داود دا زُبور۔ ¹ ۱۔ اے میری جان خداوند نوں مبارک آکھ۔ تے جو کج میرے اندر اے اوہدے پاک ناں نوں مبارک کہوے۔ ² ۲۔ تے اوہدیاں بخششاں نوں کدی بھل جا۔ ³ ۳۔ اوہ تیرے سارے پاپا ں نوں مٹاندا اے۔ اوہ تینوں ساریاں روگا تون شفا دیندا ⁴ ۴۔ اوہ تیری جند نوں ٹوئے توں بچاندا اے۔ اوہ شفقت تے رحمت دا تاج تینوں عطا کردا اے۔ ⁵ ۵۔ اوہ تیری زندگی نوں چنیگاں چیزاں نال رجاندا اے۔ اوہ عقاب وانگر تیری جوانی نوں نواں کردا اے۔ ⁶ ۶۔ خداوند عدالت دا کم کردا اے۔ تے سارے دبائے ہویاں دا نیاں کردا اے۔ ⁷ ۷۔ اوہنیں اپنیا ں راہوں موسی نوں تے اپنےکم بنی اسرائیل نوں وکھائے نیں۔ ⁸ ۸۔ خداوند رحمت نال بھریا ہویا اے۔ اوہ بزرگ تے ڈاھڈا مہربان اے۔ ⁹ ۹۔ اوہ سداتیک غصہ چ ناں رہوے گا۔ تے اوہ اپنا کرودھ سدا نیں وکھالے گا۔ ¹⁰ ۱۰۔ اوہ ساڈے پاپاں دے موافق ساڈے نال سلوک نیں کردا۔ تے ناں ساڈیاں بدیاں وانگر سانوں بدلا دیندا اے۔ ¹¹ ۱۱۔ جہناں اچا ایس دھرتی توں ایہہ سارا اسمان ایں۔ اوسے طرحاں اوہدا رحم اوہدے ڈرن والیاں اتے رہندا اے۔ ¹² ۱۲۔ جہناں مشرق مغرب توں دور اے۔ اوسراں ایں اوہنے ساڈے پاپاں نوں چک دور سٹ دتا اے۔ ¹³ ۱۳۔ جیویں پیو اپنے پتراں اتے ترس کھاندا اے۔ ایسے طرحاں خداوند اپنے ڈرن والیاں تے رحم وکھاندا اے۔ ¹⁴ ۱۴۔ کیونجو اوہ ساڈی بناوٹ آپ جاندا اے۔ اوہنوں چیتارہندا اے پئی اسیں خا ک ای آں۔ ¹⁵ ۱۵۔ منکھ دے دیہاڑے گھا وانگر نیں۔ اوہ میدان دل پھل وانگ پھلدا اے۔ ¹⁶ ۱۶۔ جیویں ایں ہوا اوہدے تے وگدی اے، اوہ ناس ہو جاندا اے۔ تے اوہ اپنی تھاں تے نیں لبھدا ۔ ¹⁷ ۱۷۔ پر خداوند دی رحمت اوہدے ڈرن والیاں تے ابد تیک اے۔ تے اوہدا نیاں پتراں پوتریاں تیک اے۔ ¹⁸ ۱۸۔ اوہناں لئی جہڑے اوہدے نیاں نوں مندے نیں۔ تے اوہدے فرماناں تے عمل کرناں یاد رکھدے نیں۔ ¹⁹ ۱۹۔ خداوند نے اپنی راج گدی اسمان تے لائی اے۔ تے اوہدی بادشاہی ساریاں تے قائم اے۔ ²⁰ ۲۰۔ اے اوہدے سارے فرشتیو، خداوند نوں مبارک آکھو تسیں جہیڑے زور وچ ودھ کے او۔ تے اوہدے کلام دی واج سن کے اوہدی گل تے پورا کردے او۔ ²¹ ۲۱۔ خداوند نوں مبارک آکھو اے اوہدے سارے لشکرو۔ جہیڑے اوہدے خادم او تے اوہدی مرضی نوں پورا کردے او۔ ²² ۲۲۔ اے اوہدی بادشاہی دی ساریاں تھاواں اتے اوہدی ہتھاں دی ساری کاریگریو، خداوند نوں مبارک آکھو۔ اے میری جان خداوند نوں مبارک آکھ۔