¹ ۱۔ (ل)رَباتوں کیوں دور کھلوتا ایں تے تنگی دے دیہاڑیاں وچ لُک کیوں جاناں ایں ² ۲۔ شریرجدوں مغروریا جاندا اے تے مہاتڑساڑ جاندا ے تے اوہ اوہناں منصوبیاں وچ پھس جاندا اےجیہڑے اوہنے آپ گنڈے نیں ³ ۳۔ (م)کیوں جو شریر اپنے نفس دِیاں مرضیاں تے آس رکھدا اے تے لُٹیرا کُفر کہہ کے رَب دی بے عزتی کر دا اے ⁴ ۴۔ شریر گھمنڈ وچ آکھدا اے پئی "اوہ بدلہ نئیں لَوے گا" اوہدی کُل وچار ایہہ وے پئی "کوئی رَب نئیں " ⁵ ۵۔ اوہدیاں راہواں مُراداں والیاں نیں تے تیرا نیاں اوہدی سوچ توں وی اُچا اے اوہ اپنے کُل ویریاں نوں گھٹیا سمجھدا اے ⁶ ۶۔ اوہ اپنے دل وچ کھدا اے پئی "مینوں ہُلارا نہ آوے گا تے نہ میں کدی لیکھا ں ماریا ہووا ں" ⁷ ۷۔ (ف)اوہدے منہ وچ لعنت ،مکر تے دھوکھا بھریاہویااے تے اوہدی جیبھ دے تھلے فساد تے شرارت اے ⁸ ۸۔ اوہ پینڈ وچ چھاہی لائی بیٹھا اے اوہ انجانیاں تھانواں تے ان پول نوں قتل کردا اے (ع)اوہدیاں اکھاں ماڑے دی تاڑ وچ نیں ⁹ ۹۔ جینج شیر اپنی کھوہ وچ اینج ای اوہ اپنی چھائی والی تھاں تے لپک کے بیٹھا اے تاں جو بے وس نوں پھڑے تے پھاہی وچ پھساوے ¹⁰ ۱۰۔ (ص)اوہ منہ پرنے پوئیں تے ڈِگڈا تے اوہدے ڈاہڈے ہتھ دے سببوں بے وس ڈِگ دے نیں ¹¹ ۱۱۔ اوہ دل وچ آکھدا اے پئی رَب بھول گیا اے اوہنے اپنا منہ موڑ لیا اے اوہ کدی نئیں ویکھ دا ¹² ۱۲۔ (ق)یا رَبا اُٹھ خداوندآ اپنا ہتھ چُک مہاتڑ نوں بھل نا جا ¹³ ۱۳۔ شریر کیوں خدا دی توہین کردا تے دل وچ آکھدا اے پئی اوہ بدلہ نئیں لَوے گا۔ ¹⁴ ۱۴۔ (ر)تُوں تے ویکھنا ایں تُوں دکھ تے غم اُتے نظر کرنا ایں تاں جو اوہناں نوں پھڑیں مہاتڑ اپنے آپ نوں تیرے حوالے کر دا اے تے تُوں یتیم دا مددکرن والا ایں ¹⁵ ۱۵۔ (س)تُوں شریر تے پاپی دی بانہہ پن دے تُوں اوہدی شرارت دا بدلہ لَویں گا تے اوہ باقی نہ رہوے گا ¹⁶ ۱۶۔ رَب سدا تیک بادشاہ اے اوہدے دیس وچوں اوپریاں قوماں مر گئیاں نیں ¹⁷ ۱۷۔ (ت)یا رَبا تُوں غریباں دی مِنت سُن لئی اے تُوں اوہناں دا دِل ودھیا اے تُوں کَن لا کے سُنیا اے ¹⁸ ۱۸۔ تاں جو یتیم تے ظلم سہن والے دا حق بچاویں تے بندہ جیہڑا بس مِٹی اے فیر غُصیلہ نہ ہووے۔