1
-تے رَب نیں موسیٰ نال کلام کر کےآکھیا۔
2
-پئی ہارونؔ نال گَل کر تے اوہنوں آکھ ۔پئی جدوں تُوں دِویاں نُوں رکھیں تے ستوں دِوے اپنی لَو دِوے دے بھانڈے دے سامنے نُوں پاؤن۔
3
- تد ہارونؔ نیں اینج ای کیتا ۔تے اوہنے دِوے دے بھانڈے دے سامنے پاسے دیوے جلائے ۔جیویں پئی رَب نیں موسیٰ نُوں حکم دِتا سی۔
4
-تے دِوے دے بھانڈا اینج بنیا سی پئی جیوں اوہ تنے تَوں لے اپنیاں شاخاں تیک سونے دا گھڑیا ہویا سی ۔اوہ اوس شکل دا گھڑیا ہویا سی ۔جیہڑی رَب نیں موسیٰ نُوں وکھا ئی سی ۔تےاوہنے دِوے دا بھانڈا اونج ای بنایا۔
5
-تے رَب نیں موسیٰ نال کلام کر کے آکھیا ۔
6
-پئی اسرائیل دے وچکار وں تُوں لاویاں نُوں لے تےاوہناں نُوں پاک کر ۔
7
-تے اوہناں نُوں پاک کرن لئی تُوں اوہناں نال اینج کر ۔تُوں اوہناں اُتے پاکیزگی دا پانی چھڑک ۔تے اوہ اپنے سارے بدن اُتے اُسترہ مرواؤن تے اپنے لیڑے دھون ۔تےاوہ پاک ہو جان گے ۔
8
-تد اوہ اِک وَچھا تے نَذر دی قربانی لئی میدہ تیل نال مِلیا ہویا لین ۔تے تُوں اِک دوجا وَچھا بھُل چُک دی قربانی لئی لے۔
9
-تے تُوں لاویاں ؔ نُوں حضُؤری دے خیمے دے سامنے لیا تے بنی اسرائیل ؔ دی ساری جماعت نُوں اَکٹھیاں کر۔
10
- تے تُوں لاویاں نُوں رَب دے اَگے لیا ۔تے بنی اسرائیل اپنے ہتھ اوہناں اُتے رکھن۔
11
-تے ہارون ؔ لاویاں ؔ نُوں بنی اسرائیل ؔ وَلوں ہِلاؤن دی قربانی وانگ رَب دے اَگے چڑھاؤن۔تد اوہ رَب دی خدمت کرن لئی چُنے جان گے ۔
12
-تد لاوی ؔ اپنے ہتھ دونواں وَچھیاں دے سِراں اُتے رکھن۔تد تُوں اوہناں وچوں اِک نُوں بھُل چُک دی قربانی لئی تے دوجے نُوں رَب دی سوختنی قربانی لئی لاویاں ؔ دے کفارے لئی چڑھا۔
13
-تے تُوں لاویاں ؔ نُوں ہارونؔ تے اوہدے پُتراں دے سامنے کھرا کر ۔تے رَب دی ہِلاؤن دی قربانی وانگ اوہناں نُوں چڑھا۔
14
-تے تُوں لاویاں ؔ نُوں بنی اسرئیلؔ دے وچکار وں وَکھ کر ۔تے اوہ میرے ہون گے ۔
15
-تے ایس تَوں بعد لاویؔ اندر جان تاں جو حضُوری دے خیمے دی خدمت کر ن ۔تے تُوں اینج اوہناں نُوں پاک کریں گا ۔تے ہِلاؤن دی قربانی وانگ اوہناں نُوں چڑھا۔
16
-کیوں جو بنی اسرائیل دے وچکار وں مینوں چڑھاوے چڑھائے گئے نیں ۔میں ویں بنی اسرائیلؔ دے سببو ں پہلوٹھیاں دے بدلے جیہڑے رِحِم دے کھولن والے ہون اوہناں نُوں اپنے لئی لیا اے۔
17
یوں جو بنی اسرائیل ؔ وچوں سارے پلیٹھی دے بھاویں اوہ انسان دے ہون بھاویں جانور دے میرے نیں ۔کیوں جس دِن میں مِصر ؔ دی زمین و چ سارے پلیٹھیاں دیاں نُوں ماریا تے اوہناں نُوں میں اپنے لئی پاک کیتا ۔
18
تے میں بنی اسرئیل ؔ دے سارے پلٹھیاں دے بدلے لاویاں ؔ نُوں لے لیا۔
19
تے میں بنی اسرائیل ؔ وچوں سارے لاویاں ؔ ہارونؔ تے اوہدے پُتراں نُوں دے دِتے ۔تاں جو حضُوری دے خیمے وچ اوہ بجائے بنی اسرائیل ؔ دی خدمت کرن ۔تے بنی اسرائیل ؔ وَلوں کفارہ دین تاں جو بنی اسرائیلؔ اُتے بلا نازل نہ ہووے ۔جدوں اوہ مَقدِس دے نیڑے آؤن دی جرات کرن۔
20
تد موسیٰ ؔ تے ہارونؔ تے بنی اسرائیل ؔ دی ساری جماعت نیں لاویاں ؔ نال اینج ای کیتا ۔جینج رَب نیں اوہناں دے حق چہ موسیٰ ؔ نُوں حکم دِتا اونج ای بنی اسرائیل ؔ نیں اوہناں نال کیتا ۔
21
تد لاوی ؔ پاک کیتے گئے ۔تےاوہناں نیں اپنے لیڑے دھوتے تے ہارونؔ نیں اوہناں نُوں ہِلاؤن والی قربانی دے طور تے رَب دے اَگے چڑھائے تے اوہناں نُوں پاک کرن لئی اوہناں وَلوں کفارہ دِتا ۔
22
تےایس تَوں بعد اوہ اندر آئے ۔تاں جو حضُوری دے خیمے وچ اوہ ہارونؔ تے اوہدے پُتراں دے سامنے خدمت کرن ۔جیویں رَب نیں موسیٰ نُوں اوہناں دے حق وچ آکھیا ۔اوہناں نیں اوہناں نال کیتا۔
23
تے رَب نیں موسی ٰ ؔ نال کلام کر کے آکھیا۔
24
پئی لاویاں ؔ بارے ایہہ حکم اے۔پئی پنجھیویں ورھے تَوں لے کے خدمت کرن چہ داخل ہون ۔تاں جو حضُوری دے خیمے دی خدمت کرن ۔
25
تے پنجھاہ ورھے دی عمر دے بعد اوہ خدمت کرن تَوں نکل جان تے فیر خدمت نہ کرن ۔
26
تے حضوری دے خیمے وچ اپنے بھراواں دے نال چیزاں دا دھیان کرن دے کم وچ مدد کرن۔پر خدمت نہ کرن۔ایسے طراں تُوں لاویاں دے نال اوہناں دے سانبھ دی گل کر۔