1
-تے اینج ہویا پئی جس دِن موسی ٰ مَسکِن دے اَگے کھڑا کرن تَوں ویہلا ہویا تے اوہنوں اوہدے بھانڈیاں تے سامان سنھے مَسح کیتا تے پاک کیتا ۔
2
-تے اسرائیل ؔ دے سردار دے نیڑے آئے ۔یعنی اوہ سردار جیہڑے پیوا دادیاں ٹبراں دے سردار تے گنتی کیتے ہوئے قبیلیاں اُتے مِتھے سَن۔
3
-تے اپنیاں قربانیاں رَب دے اَگے لیائے ۔چھ گڈیاں ڈھکیاں ہوئیاں تے بارہ وچھے دو دو سرداراں وَلوں اِک گڈی تے ہر اِک سردار وَلوں اِک وَچھا ۔اوہناں نُوں اوہ مَسکِن دے اَگے لیائے۔
4
-تے رَب نیں موسیٰ نال کلام کر کے آکھیا ۔
5
-پئی تُوں ایہہ اوہناں کولوں لے۔پئی حضُوری دے خیمے دی خدمت وچ کام آؤن۔تے لاویاں ؔ دی خدمت دے حساب انل اوہناں نُوں دے۔
6
-تد موسیٰ ؔ نیں گڈیاں تے وَچھے لے کے لاویاں ؔ نُو ں دِتے۔
7
-اوہنے دو گڈیاں تے چار وَچھے بنی جیرشونؔ نُوں اوہناں دی خدمت دے حساب نال دِتے ۔
8
-تے چار گڈیاں تے آٹھ وَچھے اوہنے بنی مراریؔ نُوں دِتے ۔جیہڑے اپنی خدمت دے مطابق ہارونؔدے پُتر ایتا مارؔ دے ماتحت سن۔
9
-تے اوہنے بنی قہاتؔ نُوں کُجھ ناں دِتا ۔کیوں جو پاک شیواں دے دی خدمت اوہناں دی سی جنہاں نُوں اوہ اپنے مونڈھیاں اُتے چُکدے سن۔
10
-تے سردار اپنے ہدئیےمَذبح نُوں پاک کرن لئی لیائے ۔اوہدے مَسح دے دِن سردارا ں نے مَذبح دے اَگے اپنے ہدئیے چڑھائے۔
11
-تے رَب نیں موسیٰ نُوں آکھیا پئی اِک دِن چہ اِک سردار اپنا چڑھاوا مَذبح نُوں پاک کرن لئی لیائے۔
12
-سو جس نے پہلے دِن اپنا چڑھاوا چڑھایا۔اوہ یہودہؔ دے قبیلے دا رئیس نحثونؔ بِن عمی نادابؔ سی۔
13
-تے اوہدا ہدیہ ایہہ سی اِک چاندی دا قا ب جہدا وزن اِک سو تریہہ مِثقال تے اِک چاندی دا جام جہدا وزن ستر مِثقال مَقدِس دے مثقال دے مطابق ایہہ دونویں نَذ ر دی قربانی لئی تیل رَلے ہوئے میدے نال بھرے سَن۔
14
-تے اِک سونے دا بخوردان جہدا وزن دَس مثقال سی بخور نال بھریا ہویاسی ۔
15
-تے اِک وَچھا تے اِک لیلا تے اِک دُنبہ اِک سالاسوختنی قربانی لئی۔
16
-تے اِک بکرا بھُل چُک دی قربانی لئی ۔
17
-تے سلامتی دی قربانی لئی دو وَچھے ۔پَنج دُنبےتے پَنج بکرے تے پَنج لیلے اِک اِک سال دے ۔نحثونؔ بِن عمی نادابؔ ایہہ چڑھاوا سی۔
18
-تے دوجے دِن صوعرؔ داپُتر یَساکرؔ دا سردار نتن ایل ؔ چڑھاوا لیایا۔
19
-اوہدا چڑھاواایہہ سی۔اِک چاندی دا قا ب جہدا وزن اِک سو تریہہ مِثقال تےاِک چاندی دا جام جہدا وزن ستر مِثقال مَقدِس دے مِثقال دے مُطابق ۔ایہہ دونویں چڑھاوے دی قربانی لئی تیل نال رَلے ہوئے میدے نال بھرے سَن۔
20
-تے سونے دا ِک بخور دان جہدا وزن دَس مِثقال سی بخور نال بھریا ہویا سی۔
21
-تے اِک وَچھا تے اِک دُنبہ تے اِک نَرلیلااِک سالا سوختنی قربانی لئی۔
22
-تےاِک بکرابھُل چُک دی قربانی لئی ۔
23
-تے سلامتی دی قبربانی لئی دو وَچھے تے پَنج دُنبے تے پَنج بکرے تے مَنج لیلے اِ کاِک سال دے ۔ایہہ صورؔ دے پُتر نِتنایلؔ دا چڑھاوا سی۔
24
-تے تیجے دِن بنی بنی زبلُونؔ دا سردارحیلونؔ دا پُتر الی آبؔ چڑھاوا لیایا۔
25
-اوہدا چڑھاوا ایہہ سی۔اِک چاندی دا قاب جہدا وزن اِک سَو تریہہ مِثقال تے اِک چاندی دا جام جہدا وزن ستر مِثقال مَقدِس دے مِثقال دے مطابق ایہہ دونویں نَذر دی قربانی لئی تیل نال رَلے ہوئے میدے نال بھرے سَن۔
26
-تے اِک سونے دا بخور دان جہدا وزن دَس مِثقال سی بخور نال بھریا ہو یا سی۔
27
-تے اِک وَچھا تے اِک دُنبہ تے اِک لیلا اِک سالا سوختنی قربانی لئی ۔
28
-تے اِک بکرا بھُل چُک دی قربانی لئی ۔
29
-تے سلامتی دی قربانی لئی دو وَچھے تے پَنج دُنبے تے پَنج بکے تے پَنج لیلے اِک اِک سا ل دے ایہہ حیلونؔ دے پُتر الی آب ؔ دا چڑھاوا سی۔
30
-تے چوتھے دِن بنی رُؤبِین ؔ دا سردارشدےؔ اُوردا پُتر الی صورؔ چڑھاوا لیایا۔
31
-اوہداچڑھاوا ایہہ سی۔اِک چاندی دا قاب جہدا وزن اِک سو تریہہ مِثقال تے اِک چاندی دا جام جہدا وزن ستر مِثقال مَقدِس دے مِثقال دے مطابق ۔ایہہ دونویں نَذر دی قربانی دے تیل نال رَلے ہوئے میدے نال بھرے سَن۔
32
-تے اِک سونے دا بخور دان جہدا وزن دَس مِثقال سی بخور نال بھریا ہویاسی ۔
33
-تے اِک وَچھا تےا ِک دُنبہ تے اِک لیلا اِک سالا سوختنی قربانی لئی ۔
34
-تے اِک بکرا بھُل چُک دی قربانی لئی ۔
35
-تے سلامتی دی قربانی لئی دو وَچھے تے پَنج دُنبے تے پَنج بکرے تے پَنج لیلے اِک اِک سال دے ۔ایہہ شدےؔاُور دے پُتر الی صورؔ دا چڑھاوا سی۔
36
-تے پنجویں دِ ن بنی شمعونؔ دا سردار صُوری شیدائی دا پُتر شملی ایلؔ چڑھاوا لیایا ۔
37
-اوہدا چڑھاوا ایہہ سی ۔اِک چاندی دا قاب جہدا وزن اِک سو تریہہ مِثقال تے اِک چاندی دا جام جہدا وزن ستر مِثقال مَقدِس دے مِثقال دے مطابق۔ایہہ دونویں نَذر دی قربانی لئی تیل نال رَلے ہوئے میدے نال بھرے سَن۔
38
-تے سونے دا اِک بخور دا ن دس مِثقال سی بخور نال بھریا ہویا سی۔
39
-تے اِک وَچھا تے اِک دُنبہ تے اِک لیلا اِک سالا سوختنی قربانی لئی ۔
40
- تے اِک بکرا بھُل چُک دی قربانی لئی ۔
41
-تے سلامتی دی قربانی لئی دو وَچھے تے پَنج دُنبے تے پَنج بکرے تے پَنج لیلے اِک اِک سال دے۔ایہہ صُوری شدائی دے پُتر شملی ایلؔ دا چڑھاوا سی۔
42
-تے چھیویں دِن بنی جاد ؔ دا سردار رعوئیلؔ دا پُتر الی آساف چڑھاوا لیایا۔
43
-اوہدا چڑھاواں اِک چاندیدا قاب جہدا وزن اِک سو تریہہ مِثقال تے اِک چاندی دا جام جہدا وزن ستر مِثقال مَقدِس دے مِثقال دے مطابق ۔ایہہ دونویں نَذر دی قربانی لئی تیل نال رَلے ہوئے میدے نا ل بھرے سَن۔
44
-تے سونے دا اِک بخُور دان جہدا وزن دَس مِثقال سی بخور نال بھریا ہویا سی۔
45
-تےاِک وَچھا تےا ِک دُنبہ تے اِک لیلا اِک سالا سوختنی قربانی لئی ۔
46
-تے اِک بکرا بھُل چُک دی قربانی لئی۔
47
-تے سلامتی دی قربانی لئی دو وَچھے تے پَنج دُنبے تے پَنج لیلے اِ ک اِک سال دے۔ایہہ رعوئیلؔ دے پُتر الی آساف دا چڑھاوا سی۔
48
-تے ستویں دِن بنی افرائیم ؔ دا سردار عمی ہُودؔ دا پُتر شامعؔ چڑھاوا لیایا۔
49
-اوہد چڑھاواایہہ سی۔چاندی دا اِک قاب جہدا وزن اِک سو تریہہ مِثقال تے چاندی دا اِک جام جہدا وزن ستر مِثقال مَقدِس دے مِثقال دے مطابق ۔ایہہ دونویں نَذر دی قربانی لئی تیل نال رَلے ہوئے میدے نال بھرے سَن۔
50
-تے سونے دااِ ک بخور دان جہد ا وزن دس مِثقال سی بخور نال بھریا ہویا سی۔
51
- تے اِک وَچھا تے اِک دُنبہ تے اِک لیلا اِک سالا سوختنی قربانی لئی ۔
52
-تے اِک بکرا بھُل چُک دی قربانی لئی ۔
53
-تے سلامتی دی قربانی لئی دو وَچھے تے پَنج دُنبے تے پَنج بکرے تے پَنج لیلے اِک اِک سال دے ۔ایہہ عمی ہُود ؔ دے پُتر الی شامعؔ دا چڑھاوا سی۔
54
-تے اَٹھویں دِ ن بنی مَنسےؔ دا سردار فِدا صُور ؔ دا پُتر جملی ایل ؔ چڑھاوا لیایا ۔
55
-اوہدا چڑھاوا ایہہ سی۔چاندی دا اِک قاب جہدا وزن اِک سو تریہہ مِثقال تے چاندی دا ِک جام جہدا وزن ستر مِثقال مَقدِس دے مِثقال دے مطابق۔ایہہ دونویں نَذر دی قربانی لئی تیل نال رَلے میدے نال بھرے سَن۔
56
-تے سونے دا ِک بخور دان جہدا وزن دس مِثقال سی بخور نال بھریا ہویا سی۔
57
-تے اِک وَچھا تے اِک دُنبہ تے اِک لیلا اِک سالا سوختنی قربانی لئی ۔
58
-تے اِک بکرا بھُل چُک دی قربانی لئی ۔
59
-تے سلامتی دی قربانی لئی دو وَچھے تے پَنج دُنبے تے پَنج بکرے تے پَنج لیلے اِک اِک سال دے ۔ایہہ فِدا صُور ؔ دے پُتر دا چڑھاوا سی۔
60
-تے نَوویں دِن بنی بِنیامین ؔدا سردار جد عُونیؔ دا پُتر اَبی دانؔ چرھاوا لیایا۔
61
-اوہدا چڑھاوا ایہہ سی۔چاندی دا اِک قا ب جہدا وزن اِک سو مِثقال تے چاندی دا اِک جام جہدا وزن ستر مِثقال مَقدِس دے مِثقال دے مطابق ۔ایہہ دونویں نَذر دی قربانی لئی تیل نال رَلے میدے نال بھرے سَن۔
62
-تے سونےدا اِک بخور دان جہدا وزن دَس مِثقال سی بخور نال بھریا ہویا سی ۔
63
-تے اِک وَچھا تے اِک دُنبہ تے اِک لیلا اِی سالاسوختنی قربانی لئی ۔
64
-تے اِک بکرا بھُل چُک دی قربانی لئی ۔
65
-تے سلامتی دی قربانی لئی دو وَچھے تے پَنج دُنبے تے پَنج بکرے تے پَنج لیلے اِک اِک سال دے۔ایہہ جِد عُونی دے پُتر اَبی دانؔ دا چڑھاوا سی۔
66
-تے دَسویں دِ ن بنی دانؔ دا سردار عمی شدائیؔ دا پُتر احی ؔعازر چرھاوا لیایا۔
67
- تے اوہداچرھاوا ایہہ سی۔چاندی دا اِک قاب جہدا وزن اِک سو تریہہ مِثقال ۔تے چاندی دا اِک جام جہدا وزن ستر مِثقال مَقدِس دے مِثقال دے مطابق۔ایہہ دونویں نَذر دی قربانی لئی تیل نال رَلے ہوئے میدے نال بھرے سَن۔
68
-تے سونے دا اِک بخور دا ن جہدا وزن دَس مِثقال سی بخورنال بھریا ہویا سی ۔
69
-تے اِک وَچھا تے اِک دُنبہ تے اِک لیلا اِک سالا سوختنی قربالی لئی ۔
70
-تے اِک بکرا بھُل چُک دی قربانی لئی ۔
71
-تے سلامتی دی قربانی لئی دو وَچھے تے پَنج دُنبے تے پَنج بکرے تے پَنج لیلے اِک اِک سال دے ۔ ایہہ عمی شدائی ؔ دے پُتر احی ؔ عازر دا چڑھاوا سی ۔
72
-تے گیارہویں دِن بنی آشر ؔ دا سردا ر عکران ؔ دا پُتر فجی ایل ؔ چڑھاوا لیایا۔
73
-تےاوہدا چڑھاوا ایہہ سی ۔چاندی دا اِک قاب جہدا وزن اِک سو تریہہ مِثقال تے چاندی دا اِک جام جہدا وزن ستر مِثقال مَقدِس دے مِثقال دے مطابق ۔ایہہ دونویں نذر دی قربانی لئی تیل نال رَلے ہوئے میدے نال بھرے سَن۔
74
-تے سونے دا اِک بخور دا ن جہدا وزن دس مِثقال سی بخور نال بھریا ہویا سی۔
75
-تے اِک وَچھا تے اِک دُنبہ تے اِک لیلا اِک سالال سوختنی قربانی لئی ۔
76
-تے اِک بکرا بھُل چُک دی قربانی لئی ۔
77
-تے سلامتی دی قربانی لئی دو وَچھے تے پَنج دُنبے تے پَنج بکرے تے پَنج لیلے اِک اِک سال دے ۔ایہہ عکرا ن دے پُتر فجی ایلؔ دا چڑھاوا سی۔
78
-تے بارھویں دِن بنی نفتالی ؔدا سردار عینان ؔ دا پُتر احی رعؔ چڑھاوا لیایا۔
79
-تے اوہدا چڑھاوا ایہہ سی ۔چاندی دا اِک قاب جہدا وزن اِ ک سو تریہہ مِثقال تے چاندی دا اِک جام جہداوزن ستر مِثقال سی مَقدِس دے مِثقال دے مطابق۔ایہہ دونویں نَذر دی قربانی لئی تیل تیل نال رَلے ہوئے میدے نال بھریا سی ۔
80
-تے سونے دا اِک بخور دا ن جہدا وزن دس مِثقال سی بخور نال بھریا ہویا سی۔
81
-تے اِک وَچھا تے اِک دُنبہ تے اِک لیلا اِک سالا سوختنی قربانی لئی ۔
82
-تے اِک بکرا بھُل چُک دی قربانی لئی ۔
83
-تے سلامتی دی قربانی لئی دو وَچھے تے پَنج دُنبے تے پَنج لیلے اِک اِک سال دے ۔ایہہ عینانؔ دے پُتر احی رعؔ دا چڑھاوا سی ۔
84
-مَذبح دی تَقدِیس تے اوہدے مَسح دے دِن اسرائیلؔ دے سرداراں وَلوں ایہہ چڑھاوے سَن۔چاندی دے بارہ قاب تےچاندی دے بارہ جام تے سونے دے بارہ بخور دان۔
85
-ہر اِک قاب دا وزن چاندی دے اِک سو تریہہ مِثقال تے ہر اِک جام دا وزن چاندی دے ستر مِثقال سی ۔تے ساے بھانڈیاں دی چاندی مَقدِس دے مِثقال دے مطابق دو ہزار چا ر سو مِثقال سی ۔
86
-تے سونے دے بارہ بخور دان بخور نا بھرے ہوئے ہر اِک بخور دا ن مَقدِس دے مِثقال دے مطابق دس مِثقا ل دا سی۔تے سارے بخور داناں دا سونا اِک سو وِیہہ مِثقال سی۔
87
-تے سوختنی قربانی لئی بارہ وَچھے بارہ دُنبے تے اِک اِک سال دے بارہ لیلے،اوہناں دیاں نَذر دیاں قربانیاں سنھے ۔تے خطا دی قربانی لئی بارہ بکرے سَن۔
88
- تے سلامتی دی قربانی لئی چَویّ وَچھے تے سَٹھ دُنبے تے سَٹھ بکرے تے اِک اِک ورھے دے سَٹھ لیلے ۔ایہہ مَذبح دی تَقدِس لئی سَن جدوں اوہ مَسح کیتا گیا ۔
89
-تےا ینج ہویا پئی جدوں موسیٰ رَب دا کلام نازل ہون لئی حضوری دے خیمے وچ وڑیا ۔تے اوہنے رحم گاہ دےاُتوں جیہڑا گواہی دے صندو ق اُتے سی ۔دونواں فرشتیاں دے وچوں واج سُنی۔جیہڑی اوہدے نال گل کر دی سی ۔تےاوہنے اوہدے نال کلام کیتا ۔