1
۔ تے خُداوند نے مُوسیٰ ؔ نُوں کلام کرکے آکھیا ۔
2
۔ بنی اسرائیلؔ نال خطابکَر تے اوہناں نُوں دَس ۔ جیِہدوں کوئی مرد یاں زِنانی نذیر دی مَنّت مَنے پئی اَپنے آپ نُوں خُداوند دے لئی نذیر بناوے ۔
3
۔تے شراب تے نشے والے شے توں پراں رہوے تے شراب دا سِرکہ یا نشے والا سِرکہ ناں پیِوے ۔ تے انگوُر داکوئی رَس ناں پیِوے تے ناں تازہ تے ناں سُکے انگُور کھا وے ۔
4
۔ تے اَپنی نذراں دے سارے دیہاڑیاں چہ کوئی شے جیہڑی باغ چوں نِکلدی اے کِشمِش توں لے کے چھِل تیِکر ناں کھاوے ۔
5
۔ تے اوہدیاں نذراں دی مَنّت دے سارے دیہاڑیاں چہ اوہدا سِر ناں مُنیا ناں جاوے جیہدوں تیِکر پئی اوہ دیہاڑے جیِہناں چہ اوہ خُداوند دے لئی نذیر بنایا گیا مَنیا گیا اے ، مُک ناں جان ۔ تے اوہ پاک رہوے تے اوہ اَپنے والاں دیاں زُلفاں نُوں ودھن دیوے ۔
6
۔ تے خُداوند لئی نذیر ہون دے سارے دیہاڑیاں چہ اوہ مُردے دی لاش دے کول اوہ ناں جاوے ۔
7
۔اوہ اَپنے پیو تے اَپنی ماں تے اَپنے بھرا تے اَپنی بھین دی موت تے اَپنے آپ نُوں ناپاک ناں کرے ۔ کیوں جو اوہدے خُدادیاں نذراں اوہدے سِر تے ہون گئیاں ۔
8
۔ اوہ اَپنیاں نذراں سارے دیہاڑیاں چہ خُداوند دے لئی وَکھ کیِتا ہویا اے ۔
9
۔ جیکر کوئی بندہ اوہدے نیڑے اِک دَم مَر جاوے ۔ تے اوہدیاں نذراں دے سِر نُوں پلیت کرن ۔ تے اوہ اَپنے پاک ہون دے اوسے دیہاڑے اَپنا سِر مُنوائیں تے فیر ستویں دیہاڑے مُنوائے ۔
10
۔ تے اَٹھویں دیہاڑے دو قُمریاں یاں کبُوتر دے دو بچے حضوُری دے خیمے دے بُوہے تے کاہن کول لیاوے ۔
11
۔ تے کاہن اوہناں چوں خطا دی قُربانی تے دوُسرے نُوں سوختنی قُربانی د یوے تے اوہدے لئی اوس بھُل چُک دا جیہڑی مُردے دے سببوں ہوئی کفارہ دیوے ۔ تے اوہدے سِر نُوںاوسے دیہاڑے پاک کرے ۔
12
۔ تَد اوہ اَپنیاں نذراں دے دیہاڑیاں چہ خُداوند دے لئی نذر مَنّے ۔ تے خطا دی قُربانی لئی اِک اِک سال دا نَر بکرہ لیاوے ۔ تے اوہدے پہلے دیہاڑے گِنے ناں جان گے ۔ ایس لئی پئی اوہدیاں نذراں پلیِت ہو گئیاں سَن ۔
13
۔ تے ایہہ نذر دین والے لئی شریعت اے ۔ تے جیہِدوں اوہدیاں نذراں دے دیہاڑے مُک جان تے حضُوری دے خیمیاں دے بُوہے تے لیاندا جاوے ۔
14
۔ تے اوہ خُداوند لئی اَپنی قُربانی دیوے ۔ سوختنی قُربانی لئی اِک بے عیب اِک سال دا بکرا تے خطا دی قُربانی دے لئی اِک بے عیب اِک سال دی بکری تے سلامتی دی قُربانی دے لئی اِک بے عیب چھترا ۔
15
۔ تے میدے دیاں تازہ روٹیاں تے تیل چہ رَلے ہوئے تازی کُلچیاں تے تیل نال چوپڑی ہوئی روٹیاں دی اِک چنگیر تے نذر دی قُربانی تے تپاوَن ۔
16
۔ تَدّ کاہن اوہنوں خُداوند دے اَگے لیاوے ۔ تے اوہدی خطا دی قُربانی تے اوہدی سوختی قُربانی دیوے ۔
17
۔ تے چھترے نُوں تازہ روٹیاں دی چنگیر سنھے خُداوند دی قُربانی دے لئی سلامتی دی قُربانی دیوے ۔ تد کاہن اوہدی نذر دی قُربانی تے اوہدا تپاوَن دیوے ۔
18
۔ فیر نذر دین والا حضُور دے خیمے دے بُوہے دے کول اَپنیاں نذراں دا سِر مُنوائے ۔ تے اَپنی نذراں دے سِر دے والاں نُوں سلامتی دے ذبیحے دے ہیِٹھاں اَگ چہ پاوے ۔
19
۔ تے کاہن وَچھے دا ریِنیا ہویا موہڈا تے چنگیر وِچ اِک تازہ کُلچہ تے اِک تازہ روٹی لوے۔ تے اوہنوں نذر دین والے دے ہَتھاں تے اوہدیاں نذراں دے وال مُنوان دے مگر رَکھے ۔
20
۔ تے کاہن اوہنوں ہِلان دی قُربانی دے لئی خُداوند دے اَگے ہلائے ایہہ کاہن دے لئی ہلان دے سیِنے تے چُکن دے موہڈے سنھے پاک اے ۔ ایہدے مگروں نذر چڑھان والا مَے پی سکدا اے ۔
21
۔ جیہڑا کوئی نذر چڑھان لئی مَنّت مَنھے ۔ اوہ تے اوہدیاں نذراں دے لئی خُداوند دے حضُور اوہدی قُربانی دِتی ۔ بناں ایہدے جِس نذر دی اوہنوں اَپنی منّت دے حساب نال تو فیق مِلی اے۔ ایہہ شریعت اے اینج ای اوہ اَپنیاں نذراں دی شریعت دے حِساب نال عمل کرے ۔
22
۔ تے خُداوند نے مُوسیٰ ؔ نال کلام کرکے آکھیا ۔
23
۔ پئی ہارون ؔتے اوہدے پُتراں نال خطاب کر۔ تے اوہناں نُوں آکھ پئی تُسیں بنی اسرائیلؔ نُوں ایس طراں بَرکت دیو ۔ تے اوہناں نُوں آکھو ۔
24
۔ خُداوند تینوں بَر کت دیوے تے تیری حِفاظت کرے ۔
25
۔ خُداوند اَپنے مُکھ دا نُور تیرے اُتے چمکاوے تے تیرے اُتے رَحم کرے ۔
26
۔ خُداوند اَپنا مُکھ تیرے وَل پھیرے تے تینوں سلامت رَکھے ۔
27
۔ تے اوہ میرا ناں بنی اسرائیلؔ وِچ لین تے میں اوہناں نُوں بَرکت دیواں ۔