1
۔ تدھ مُوسیٰ ؔ نُوں خُداوند نےکلام کردیاں آکھیا۔
2
۔ بنی اسرائیلؔ نال کلام کَر تےاوہناں نُوں آکھ ۔ جیہدوں تُسیں کنعان دے دیس چہ وڑوتے ایہہاوہو دیس اے جیہڑا تُہانُوں میراث چہ مِلے گا ۔ تے کنعانؔ دے دیس دیاں حداں ایسراں ہوم گئیاں ۔
3
۔ صینؔ دے اُجاڑ توں جیہڑا داومؔ دے کنڈے تیِک جنوبی حد شروع ہووے گی ۔ تے ملحؔ دا سمُندر اوہدے پُرب چہ ہووے گا ۔
4
۔ فیر اوہ دکھن چہ عقربیمؔ دی چڑھائی پھِر کے صینؔ تیِک اَپڑے گی ۔ فیر دکھن توں نِکل کے قادِؔس برنیعؔ نُوں جائے گی ۔ تے حصرادارؔ توں ہُندی ہوئی عصمونؔ تیِک اَپڑے گی ۔
5
۔ تد ایہہ حد عصمونؔ توں پھر کے مِصر دی نہر تیِک جائے گی ۔ تے سمُندر دےکنڈے تیِک مُک جاوے گئی ۔
6
۔ تے ایہہ وادی تُہاڈی بحیرہ روم ؔ تیِک پچھمی حَد ہووے گی ۔
7
۔ تُہاڈی اُتری حَد ایہہ ہووے گی ۔ بحیرہ روم توں ہنوز ؔ دے پہاڑ تیِک اَپنی حد رکھیا جے ۔
8
۔ تے ہنوزؔ دے پہاڑ توں حمات ؔ دی حَد تیِک رکھیا جے ۔ تے ایس حَد دا کنڈا صدادؔ نا ل جا مِلے گا ۔
9
۔ فیر اوہ حَد اوتھوں زفرونؔ نُوں جاوے گی تے حضر عیناں ؔ تے جا مُکے گی ۔ ایہہ تُہاڈی اُتری حَد ہووے گی ۔
10
۔ تے پُوربی حَد دا تُسیں اپنے لئی حضر عیناں ؔ توں سفام ؔ تیِک نشان لاؤ۔
11
۔ فیر ایہہ حَد سفاؔ م توں رَبلہ تیِک عینؔ دے پُورب نُوں اُترے گی ۔ اوتھوںہُندی ہوئی پُورب وَل کنرتؔ دی وادی جھیل نال جا رَلےگی ۔
12
۔ فیہر اوہ یردن ؔ دے کنڈےکنڈے تھلے نُوں جا کے بحیرہ ملح ؔ تے مُکے گی ۔ اَپنیاں حَداں اندر ای تُہاڈا دیس ہووے گا ۔
13
۔ فیر مُوسیٰ ؔ نے بنی اسرائیلؔ نُں حُکم دےکے آکھیا ۔ ایہہ ساڈےنو قبیلیاں نُوں دِتا جائے گا۔
14
۔ کیوں جو بنی روبنؔ دے قبیلے تے بنی جَدؔ دے قبیلے تے منسیؔ ادھے قبیلے نے اَپنے جَدی خانوادیا ں دے مُطابق میراث لے لئی اے ۔
15
۔ ایہناں ڈھائی قبیلیاں نے یردن ؔ دے پار یریحُوؔ دے پُورب وَل میراث لئی اے ۔
16
۔ تے تد مُوسیٰؔ نال خُداوند نے کلام کرکےآکھیا ۔
17
۔ پئی اوہناں بندیاں دے نال جیہڑے دیس دی وَنڈ کرن گے اوہ ایہہ نیں ۔ الیعزر ؔ کاہن تے نُون ؔ دا پُتر یشوعؔ ۔
18
۔ تے تُوں ہر قبیلے چوں سردار لے ۔ تاں جو اوہ دیس دی وَمڈ کرن ۔
19
۔ اوہناں دے ناں ایہہ نیں ۔ یہوداہؔ دے قبیلے چوں یُفنہ ؔ دا پُتر کالبؔ ۔
20
۔ بنی شمعون ؔ دے قبیلے چوں عمی ہودؔ دا پُتر سیموئیلؔ ۔
21
۔ تے بنیامین ؔ دے قبیلے چوں کِسلوُن ؔ دا پُتر الیدادؔ ۔
22
۔ بنی دان ؔ دے قبیلے چوں اِک سردار یجلیؔ دا پُتر بَقی ۔
23
۔ بنی یُوسف ؔ چوں بنی منسیؔ دے قبیلے چوں اِک سر دار افودؔ ندا پُتر حِتی ایل ؔ
24
۔ تے افرائیم ؔ دے قبیلے چوںاِک سر دار سِفطان دا پُتر قصوایلؔ ۔
25
۔ بنی زبُو لُون ؔ دے قبیلے وِچوں اِک سردار فرناک ؔ دا پُتر سافاؔن
26
۔ تے بنی یساکؔر دے قبیلے وِچوں اِک سردار عزانؔ دا پُتر فطلی ایلؔ۔
27
۔ بنی آشر ؔ دے قبیلے چوں اِک سردار شلوُمیؔ دا پُتر اَخی ہوُد۔
28
۔ تے بنی نفتالیؔ دے قبیلے چوں اِک سردار عمّی ہُوؔ دا پُتر فدا ہیلؔ ۔
29
۔ ایہہ اوہ لوک سَن جیہاں نُوںخُداوندنے حُکم دِتا پئی کنعانؔ دا دیس بنی اسرائیلؔ چہ ونڈ دین۔