1
۔ تے بنی اسرائیلؔ دے ٹھکانے نے جیہدوں اوہ مُوسیٰ ؔ تے ہارون ؔ دی مَن ّ دے اَپنے لشکراں سنھے مِصرؔ دے دیس چوں نِکلے ۔
2
۔ تے مُوسیٰؔ نے خُداوند دے حُکم دے مُطابق اوہناں دے سفر دے ٹھکانے لِخے ۔ سو اوہناں دے سفر کرن دے ٹھکانے ایہہ نیں ۔
3
۔ پہلی مہینے دی پندراں تریخ نُوں فسح دی عید دے دوُجے دیہاڑے بنی اسرائیلؔ دعمیسؔ توں نِکلے ۔ اوہو فتح مند ہو کے مِصریاںؔ دیاں اکھاں دے اِگے نِکلے ۔
4
۔جیہڑے ویلے اوہ اَپنے پلیٹھی دے بالاں نُوں دبّن ڈئے سَن۔ جیہناں نُوں خُداوند نے ماریا سی ۔ تے اوہناں دے بُتاں تے ای خُداوند نے حُکم لائے سَن ۔
5
۔ تے بنی اسرائیلؔ رعمیسؔ توں نِکلے تے سُکاتؔ چہ اُترے ۔
6
۔ تے سِکات ؔ چوں نِکلے تے ایتامؔ چہ جیہڑا اُجاڑ دے کنڈھے تے وے اُترے ۔
7
ایتامؔ توں نکل کے فی ہیخیروت ؔ جیہڑا نعل صفُون ؔ دے سامنےاے مُڑے تے مجدال ؔ دے سامنے ڈیرے لائے
8
۔ تے فی ہیخیروت ؔ دے اگیوں نِکل کےسمنر دے وِچوں ہو کے مارہؔ چہ ڈیرے لائے ۔
9
۔ تے مارہؔ چوں نِکل کے ایلیم ؔ اَپڑے تے ایلیمؔ جِتھے پانی دے باراں چشمے تے کھجور دے ستر رُکھ سَن ، ڈیرے لائے ۔
10
۔ تے ایلیمؔ توں نِکل کے بحیرہ قُلزم ؔ دے کنڈے دے لَتھے تے بحیرہ قُلزم توں نِکلے ۔
11
۔ تے صینؔ دے اُجار چہ لَتھے ۔
12
۔ تے صینؔ دے اُجاڑ چوں نِکلے تے دُفتہؔ چہ ڈیرے لائے ۔
13
۔ تے دُفتہ ؔ توں نِکل کے اُنُوس ؔ چہ ڈیرے گڈے۔
14
۔ تے انُوس ؔ چو ں نِکل کے دفیدیم ؔ چہ جا اَپڑے ۔ تے اوتھے لوکاں دے پیِن لئی پانی نئیں سی ۔
15
۔ تے افیدیمؔ چوں نِکل کے سیِنا دے اُجاڑ چہ اَپڑ گئے ۔
16
۔ سیناؔ دے اُجاڑ توں نِکل کے قبروُت ہتادہ ؔ چہ ڈیرے لائے ۔
17
۔ تے قبرو ت ہتادہ ؔ توں نِکل کے حصیروت ؔ چہ جا اُترے ۔
18
۔ تے حصیروت ہتادہ ؔ توں حصیروت ؔ چہ اُترے ۔
19
۔ تے رِتمہ توں نِکل کے دِمون فارص ؔ چہ لتھے ۔
20
۔ تے رِمون فارص ؔ توں نِکل کے لِبنہؔ چہ آئے ۔
21
۔ تے لِبنہ ؔ چوں نِکل کے دیسہ ؔ چہ ڈیرے لائے ۔
22
۔ تے دیسہؔ چوں نِکل کے قہلاتہ ؔ چہ ڈیرے لائے ۔
23
۔ تے قہلاتہؔ چوں نِکل کے سفرؔ دے پہاڑ کول جا نِکلے ۔
24
۔ سفرؔ دے پہاڑ چوں نِکل کے حیرادہ ؔ چہ خیمے گڈے ۔
25
۔ حرادہ ؔ چوں نِکل کے مقہیلُوت ؔ چہ ٹھکانہ لایا ۔
26
۔ تے مقہیلوتؔ چوں نِکل کے تحتؔ چہ ڈیرے لائے ۔
27
۔ تحتؔ توں چلے تے تارحؔ چہ جا ڈیرے لائے ۔
28
۔ تے تارحؔ چوں نِکل مِتقہ چہ ڈیرے لائے۔
29
۔ تے مِتقہ ؔ چوں نِکل کے متصونہؔ چہ ٹھکانہ کیِتا ۔
30
۔ تے مصونہؔ توں ٹُر ے تے موسیروتؔ چہ ڈیرے لائے ۔
31
۔ موسیروت ؔ چوں نِکلے تے بنی یُعقان ؔ چہ اُترے ۔
32
۔ بنی یُعقان ؔ توں نِکل کے ہجہ جادؔ چہ جا لتھے ۔
33
۔ تے حُور ہجہ جاد ؔ چوں نِکل کے یُوطبا ؔ چہ خیمے گڈے ۔
34
۔ یُطباتہ ؔ چوں نِکل کے عیرُوتہ ؔ جا اَپڑے ۔
35
۔ تے عبرونہؔ توں نِکل کے عیصونؔ جابر چہ جا لتھے ۔
36
۔ عیصون ؔ جابر توں ٹُرے تے صینؔ دے اُجار چہ جیہڑا قادسؔ اے ڈیرے لائے ۔
37
۔ تے قادسؔ توں نِکل کے ہبورؔ دے پہاڑ دے کول جیہڑی ادومؔ دے مُلک دی سرحد اے آ کے ڈیرے لائے ۔
38
۔ تد ہارون ؔ کاہن خُداوند دے حُکم تے ہُور دے پہار تے چڑھیا ۔ تے اوتھے ای بنی اسرائیل ؔ دے مِصرؔ توں نِکلن دے چالہویں ورھے ، پنجویں مہنیے دی پہلی تریخ نُوں اوہنے وفات پائی ۔
39
۔ تے جِس ویلے ہارونؔ ہورؔ دے پہار تے فوت ہویا تے اِک سو ترئی ورھے دا سی ۔
40
۔ تے عرادؔ جیہڑا کنعانی ؔ بادشاہ سی جیہڑا کنعان ؔ دے دیس دے دَکھن چہ رہندا سی ۔ سُنیا پئی بنی اسرائیلؔ آگئے نیں ۔
41
۔ تےفیر اوہ ہور ؔ دے پہاڑ توں نِکل کے ضلمُونہ ؔ چہ جا لتھے ۔
42
۔ تے ضِلمُونہ ؔ چوں نِکل کے فوُنون ؔ چہ آئے ۔
43
۔ فونونؔ چوں نِکل کے اوبوت ؔ چہ ڈیرے لا ئے۔
44
۔ تے اوبوتؔ چوں نِکل کے عّی عباریم ؔ چہ آئے ۔ جیہڑا موآبؔ دیاں حداں چہ اے جا لتھے ۔
45
۔ عّی عباریمؔ چوں نِکل کے دیِبُون ؔ جدّ چہ ڈیرے لائے ۔
46
۔ دیبون جدؔ چوں نِکل کے عَلمُون دَبلا ئم ؔ چہ جالتھے ۔
47
۔ تے علمون دَبلا تائمؔ توں نِکل کے عباریمؔ دے پہاڑ جیہڑا بنُوّ دے سامنے اے جا اَپڑے ۔
48
۔ عباریمؔ توں نِکل کے موآبؔ میدان چہ ۔ جیہڑا یریحوؔ دے سامنے یردنؔ دے کنڈے تے اے آ گئے ۔
49
۔ تے موآب ؔ دے میدان چہ یردنؔ دے کنڈے بیت سیموت ؔ توں لے کے آبیل شطیمؔ تیِک ڈیرے لائے ۔
50
۔ تے موآب ؔ دے میدان پیلیاں تے یریحوؔ دے سامنے یردؔ ن تے خُداوند نے مُوسیٰؔ نال کلام کیِتا تے آکھیا ۔
51
۔ بنی اسرائیلؔ نال خطاب کردے اوہناں نُوں آخ پئی جیہدوں تُسیں یردنؔ دے پار کنعانؔ دے دیس چہ جاؤ ۔
52
۔ تے اوس دیس دے سبھے واسیاں نُوں اَپنے اگوں کَڈھ دیو ۔ اوہناں دیاں سبھ گھڑیاں ہوئیاں مُورتیاں تے اوہناں دے گھڑے ہوئے بُتاں نُوں فنا کر دیو ۔ تے اوہناں دیاں اُچیاں تھاواں نُوں ڈھا دیو ۔
53
۔ تے دیس دے مالک بنو تے اوہدے چہ وَسو ۔ کیوں جو میں اوہنوں تُہاڈی میراث ہوون لئی دِتا اے ۔
54
۔ اَپنے خانوادیاں دے مُطابق دیس دی میراث قُرعہ پا کے لوؤ۔ بوہتیاں نُوں بوہتا حصہ تے تھوڑیاں نُوں تھوڑ حصہ دیو ۔ جیہڑا قُرعے چہ ہر اِک دے لئی نِکلے ۔ اوہو ای اوہدا ہووے گا ۔ اَپنے جَدّی قبیلیاں دے مُطابق اَپنی میراث دے مالک بنو ۔
55
۔ جے تُساں اوس دیس دے واسیاں نُوں اَپنے اَگوں دفع ناں کیِتا تے جیہڑے اوہناں چوں تُسیں باقی رہن دیو گے ۔ اوہو تُہاڈی اَکھ چہ کنڈے وانگوں تے تُہاڈیاں پسلیاں چہ نیزے وانگوں ہوون گے ۔ اوہو تُہانوں اوس دیس چہ جِتھے تُسیں وسو گے ۔ تنگ کر دین گے ۔
56
۔ تے ایس طرحاں ہووے گا پئی جو کُجھ میں اوہناں نال کرنا چاہنا واں ۔ اوہو تُہاڈےنال کراں گا ۔