1
۔ تے بنی روبن ؔ تے بنی جَدّ ؔ دے کول یشوواں دے وڈے وڈے اِجڑ سی۔ ایس لئی جیہدوں اوہناں نے یعزیرؔ تے جلعادؔ دے دیساں نُوں ویکھیا پئی اے تھاں یشوواں دے لئی بڑیاں چنگیاں نیں ۔
2
۔ تے اوہناں نے مُوسیٰ ؔ تے الیعزرؔ کاہن تے جماعت دے سرداراں نُوں جاکے آکھیا پئی ۔
3
۔ عطاراتؔ تے دیبون ؔ تے یعزیر ؔ تے نمرہ ؔ تے حسبون ؔ تے الیعابی ؔتے شبامؔ تے نبوُؔ تے بعونؔ
4
۔ یعنی اوہ دیس جِس تے خُداوند نے اسرائیل ؔدی جماعت نُوں فتح بخشی اے یشوواں لئی بوہت ودھیا اے ۔ تے تیرے خادماں دے کول پَشوُ نیں ۔
5
۔ ایس لئی جے ساڈے تے تیرے رحم دی نظر اے تے اوسے دیس نُوں اپنے خادماں دی میراث کر دے تے ساہنوں یردنؔ دے پار لے کے ناں جا ۔
6
۔ مُوسیٰؔ نےآکھیا پئی تُہاڈ بھرا بنی روبنؔ تے بنی جَدّؔ تے لڑائی تے جان تے تسیں ایتھے ای بیٹھے رہوؤ؟
7
۔ تُسیں بنی اسرائیل ؔ توں پار اُتر کے اوس دیس چہ جیہڑا خُداوند نے اوہناں نُوں دِتا اے ۔ کیوں جی کھٹاکر دے او؟
8
۔ تُہاڈے پیو دادے تے وی اِینج کیتا سی ۔ جیہدوں میں اوہناں نُوں قادِس برنیعؔ توں اوس دیس دا حال پتا کرن لئی گھلیا سی ۔
9
۔ کیوں جو جیہدوں اوہو اِسکالؔ دی وادی چہ اَپڑے تے اوس دیس نُوں ویکھیا تے اوہناں نے بنی اسرائیلؔ دا جی کھٹیا کیِتا ۔ پئی او ہ دیس جیہڑا خُداوند نے اوہناں نُوں بخشیا اے نا ں جان ۔
10
۔ اوسے دیہاڑے خُداوند دا قِہر بھڑکیا تے اوہنے سونہہ چُک کے آکھیا پئی
11
۔ اوہ لوک جیہڑے مِصر ؔ چوں نِکل آئے ویہہ ورھے توں اوہناں توں اُتے دی وعُمر دا کوئی بندہ اوس دیس نُوں ناں ویکھے گا ۔ جیہدے دین دا وعدہ میں ابرہام ؔ تے اِضحاقؔ تے یعقوُب ؔ نال کیِتا سی ۔ کیوں جو ایہناں نے میری پُوری پیروی نئیں کیِتی ۔
12
۔پَر یُفنہ ؔ کِنزی ؔ دا پُتر کالب تے نُونؔ دا پُتر یشوعؔ اوہنوں ویکھن گے ۔ کیوں جو اوہناں نے خُداوند دی پُوری پیروی کیتی اے ۔
13
۔ تے خُداوند دا قِہر بنی اسرائیلؔ تےبھڑکیا ۔ تے اوہنے بنی اسرائیلؔ نُو ں چالیہ ورھے اُجاڑ چہ آوارہ پھرایا جیہدوں تیِک پئی اوہ اوس پیِڑھی دے سبھے لوک جیہناں نے خُداوند دے اَگے پاپ کمایا سی فنا ناں ہو گئے ۔
14
۔ ویکھو تُسیں اَپنے پیو دا دیاں دی تھاں پاپی بندیاں دی اولاد اُٹھے او۔ پئی اسرائیلؔ دے اُتے خُداوند دے قِہر نُوں ودھایا دیو ۔
15
۔کیوں جو تُسیں اوہدی پیروی تون پھِر جاؤ۔ تے اوہو فیر اوہناں نُوں اُجاڑ چہ چھڈ دے تے تُسیں ایہناں ساریاں لوکاں دے مرن دا کارن ہو گئے ۔
16
۔ تد اوہ اوہدے نیہڑے ہووے تے آکھیا ۔ پئی اسیں ایتھے اَپنے ڈنگراں لئی ایِجڑ خانے تے اَپنے مُنڈیاں لئی شہر بناواں گے
17
۔ تے اسیں ہتھیار بَن کے تے تیار ہو کے بنی اسرائیلؔ دے اگے لڑاں گے ۔ جیہدو ں تیِک پئی اسیں اوہناں نُوں اوہناں دیاں تھاواں دے وِچ ناں واڑ لیئے۔ تے ساڈے بال بچے سوہنے شہراں چہ وسن گے تے ایس مُلک دے واسیاں تُوں محفوظ رہن گے ۔
18
۔ اسیں اَپنے گھراں چہ مُڑ کے ناں آواں گے ۔ جیہناں چِر بنی اسرائیلؔ اَپنی میراث ناں پا لین۔
19
۔ تے اسیں اوہناں دے نال یردؔن دے پار کوئی میراث ناں لواں گے ۔ کیوں جو اساں یردنؔ دے پُورب دے اسیں پاسے میراث نے لئی اے ۔
20
۔ تد مُوسیٰؔ نے اوہناں دے نال جے تُسیں ایہہ کم کرو گے ۔ پئی خُداوند دے اَگے لڑائی چہ جان لئی ہتھیا ر بنو ۔
21
۔ تے تُسیں سارے ہتھیار بھَن کے خُداوند دے سامنے یردنؔ دے پار چلو ۔ جیہدوں تیِک اوہ اَپنے ویریاں نُوں اَپنے اَگوں دفع ناں کر دین ۔
22
۔ تے جیہدوں اوہ دیس خُداوند دےاَگے لِف جاوے تے اوہدے مگروں تُسیں پِشاں پرت آیا جے ۔ تے تُسیں خُداوند دے نیہڑے تے بنی اسرائیلؔ دے نیہڑے بے الزام ہوؤ گے ۔ تے خُداوند دے اَگے تُسیں ایس ساری دھرتی تے مالک ہوو گے ۔
23
۔ جے تُسیں ایس طرحاں ناں کرو ۔تے خُداوند دے اَگے تُسیں پاپی ہوو گے ۔ تے ایہہ پکّکی گَل اے پئی تُہاڈا پاپ ای تُہانوں پھڑے گا ۔
24
۔ تُسیں اَپنے مُنڈیاں لئی شہر تے اَپنے ڈنگراں لئی ایجڑ خانے بناؤ گے ۔ تے جو کُجھ تُہاڈے مُونہہ چوں نِکلیا اے اوہو پُورا کرو ۔
25
۔ تد بنی جَدؔ تے بنی ہارونؔ نے مُوسیٰؔ نُوں آکھیا پئی جِس طرحاں سادا مالک حُکم دیندا اے ۔ تیرے بندے اوس طرحاں ای کرن گے ۔
26
۔ ساڈے مُنڈے تے ساڈیاں زِنانیاں ۔ ساڈے ڈنگر تے سَبھے بِشو ایتھے ایتھے ای جلعادؔ دےشہراں چہ رہن گے ۔
27
۔تے تیرے خادم سبھ ہتھیار بَن کے خُداوند دے سامنے لڑائی دے لئی پار جان گے ۔ جِس طرحاں ساڈے مالک نے آکھیا اے ۔
28
۔ تَد موُسیٰؔ نے اوہناں دے بارے الیعزرؔ کاہن نُوں تے نُون دے پُتر یشوعؔ نُوں تے بنی اسرائیلؔ دے قبیلیاں دے خانوادیاں دے سرداراں نُوں حُکم دِتا ۔
29
۔ تے مُوسیٰؔ نُوں اوہناں نے آکھیا ۔ جے بنی روبن ؔ تے بنی جَدّؔ خُداوند دے سارے سبھے ہتھیار بَن کے تُہاڈے نال یردنؔ دے پار جان تے تُہادے سامنے دیس فتح ہو جائے ۔ تے تُسیں ایہناں نُوں جلعادؔ دی ساری دھرتی دا مالک بناؤ۔
30
۔ تے جے اوہو ہتھیار بَن کے تُہاڈے نال پار ناں جان ۔ تے او ہ کنعانؔ دے دیس چہ تُہاڈے نال میراث پان گے ۔
31
۔ تد بنی جَدّؔ تے بنی روبنؔ نے جواب دِتا ۔ پئی خُداوند نے جِس طرحاں تیرے خادماں نُوں آکھیا اے ۔ اسیں کراں گے ۔
32
۔ اسیں ہتھیار بن خُداوند دے سامنے کنعانؔدے دیس توں اوس پار جاواں گے پَر اسیں یردنؔ دے پار میراث دے مالک ہوواں گے ۔
33
۔ تَد مُوسیٰ ؔ نے بنی جَدّ ؔ تے بنی روبنؔ تے یُوسف دے پُتر منسیؔ دے اوسے قبیلے نُوں اموریاں ؔ دے بادشاہ سیحون ؔ دا دیس تے بسن ؔ دے بادشاہ عوجؔ دے دیس دی دھرتی تے اوہناں دیاں شہراں دیاں حداں تےے اوہناں دے آسے پاسے دے علاقیاں سنھے دے دِتے ۔
34
۔ تد بنی جَدّ ؔ نے دیبُون ؔ تے عطارات ؔ تے عیروعیر ۔
35
۔ تے عطاراتؔ سُوفان تے یعزیر ؔ یجبہاؔ ۔
36
۔ تے بیت نمرہؔ تے بیت ہاران ؔ ۔ سوہنے شہر تے ایِجڑاں دے لئی ایِجڑ خانےبنائے ۔
37
۔ تے بنی روبنؔ نے حسبونؔ تے الیعالی ؔ تے قریتمؔ ۔
38
۔ تے نبو ؔ تے بعل معون ؔ ! جیہناں دے ناں بدلے گئے تے سِمبہ ؔ بنائے ۔ تے جیہڑے شہر اوہناں نے بنائے ۔ اوہناں نُوں ہورت ناں دِتے ۔
39
۔ تد منسیؔ دا پُتر بنی مکیِر ؔ جلعاد ؔ نُوں گئے اوہنوں فتح کیِتا ۔ تے اوموریاں ؔ نُوں جیہڑے اوتھے ہے سَن ۔ کڈھ دِتا ۔
40
۔ تے مُوسیٰ ؔ نے مکیرؔ دے پُتراں بنی مکیِرؔ نُوں جلعاد ؔ دِتا تے اوہ اوتھے وَسے ۔
41
۔ تے منسیؔ دا پُتر یائیر ؔ گیا تے اوہنے اوتھوں دے پِنڈ لے لئے تے اوہناں دا ناں حوت یائرؔ رکھیا۔
42
۔ تے بوبحؔ گیا تے اوہنے قناتؔ تے اوہدا پِنڈ فتح کیِتا ۔ تے اَپنے نا ں تے اوہدا ناں نو بح ؔ رکھیا۔