1
۔تے خُداوند نے مُوسیٰؔ نُوں کلام کردیاں ہویاں آکھیا ۔
2
۔ پئی مدیانیاں ؔ توں بنی اسرائیلؔ دا بدلہ لے ۔ تے اوہدے مگر تُوں اَپنے لوکاں نال جا ملیں گا ۔
3
۔ تد مُوسیٰ ؔ نے لوکاں نال کلام کرکے آکھیا تُسیں اَپنی فوج دے لئی بندے تیار کرو ۔ تاں مدیانؔ نال جنگ کرن ۔ تے مدیان ؔ خُداوند دے بدلہ لین نُوں شروع کرن ۔
4
۔ بنی اسرائیلؔ دے بھُلیاں وِچوں ہر اِک قبیلہ اِک ہزار لڑائی دے لئی گھلے ۔
5
۔ تے اسرائیلؔ دے ہزاراں وِچوں اِک ہزار ہر قبیلے توں وکھرے کیِتے گئے ۔ سو لڑائی لئی بارہ ہزار تیار کیتے گئے ۔
6
۔ سو مُوسیٰؔ نے ہر قبیلے چوں اِک ہزار لڑائی لئی گھلے ۔ تے اوہناں دے نال لیعزرؔ کاہن دےپُتر فنحاس ؔ نُوں تت اوہدے پاک بھانڈے تے پھوُکن لئی نرسنگے سَن۔
7
۔ تے جِس طرحاں خُداوندنے آکھیا ۔ اوہناں مدیانؔ نال لڑائی کیِتی ۔ تے سارے مرداں نُوں قتل کیِتا ۔
8
۔ اوہناں نے قتل ہوون والیاں دے نال مدیانؔ دے پَنج بادشاہ محویؔ تے رقم ؔ تے صوُر ؔ تے حوُرؔ تے ربعؔ قتل کیِتے ۔ تے بعورؔ دے بلعام ؔ نُوں وی تلوار نال قتل کیِتا ۔
9
۔ بنی اسرائیل ؔ نے مدیان ؔ دیاں زنانیاں تے بچیاں نُوں قیدی بنا لیا تے اوہناں سبھے ڈنگر تے بھیڈ بکریاں تے مال لُٹ لیا ۔
10
۔ تے اوہناں دے سبھے شہراں ، پِنڈاں تے قعلیاں نُوں اَگ نال ساڑ دِتا ۔
11
۔ اوہناں نے سار ا لُٹیا مال تے قیدی ۔ کیہ انسان کیہ پشوُ لے لئے ۔
12
۔ تے اوہو قیدیاں تے لُٹے ہوئے مال دے نال ، یردنؔ دے کنڈے ، یریحُو ؔ دے سامنےموآبؔ دے میدان چہ خیمہ گا ہ چہ موُسیٰؔ تے الیعزرؔ کاہن تے بنی اسرائیلؔ دی ساری جماعت کول پَرت آئے ۔
13
۔ تد مُوسیٰ ؔ نے الیعزر ؔ کاہن تے جماعت دے سارے سردار اوہناں نُوں مِلن لئی خیمہ گا ہ توں باہر گئے ۔
14
۔ تے مُوسیٰؔ فوج دے سرداراں تے ہزاراں ، سینکڑیاں دے سرداراں تے جیہڑے لڑائی توں آئے سَن غُصے ہویا ۔
15
۔تے مُوسیٰؔ نے آکھیا ۔ تُساں کیوں سبھے زنانیاں نُوں جیوندا رکھیا ۔
16
۔ کیوں جو اوہناں نے ای بلعام ؔ دی صلاح تے بنی اسرائیل ؔ نُوں دھوکا دِتا ۔ پئی اوہناں نے فعورؔ دے بارے خُداوند دے خلاف پاپ کیِتا تے خُداوند دی جماعت چہ وباآئی ۔
17
۔ ایس لئی ایسے ویلے بچیاں چوں سبھے مُنڈیاں نُوں تے سبھے زنانیاں نُوں جیہڑیاں ویاہیاں ہوئیاں نیں قتل کر دیو ۔
18
۔ پَر ایانیاں چوں کُڑیاں جیہڑیاں کنواریاں نے اوہناں نُوں اَپنے لئی جیوندا رکھو ۔
19
۔ تُسیں سَت دیہاڑے خیمہ گا ہ توں باہر رہوؤ۔ سبب جیہناں نے کِسے بندے نُوں قتل کِیتا تے سب جیہناں نے کِسے قتل کیِتے گئے نُوں ہَتھ لایا ۔ تے تُسیں تے تُہاڈے قیدی اَپنے آپ نُوں تیِجے تے ستویں دیہاڑے پاک کرو ۔
20
۔ تے سبھے کپڑے تے چمڑے دے بھانڈے تے سبھ کُجھ جیہڑا بکری دے والاں نال مُنیا ہووے تے لکڑی ، سبھ بھانڈے پاک کرو ۔
21
۔ تےالیعزر ؔ کاہن نے فوج دے بندیاں نُوں جیہڑے لڑائی چہ گئے سَن آکھیا ۔ پئی ایہہ شریعت دا حُکم اے ۔ جیہڑا خُداوند نے مُوسیٰ ؔ نُوں دِتا ۔
22
۔ سونا تے چاندی تے پیتل تے لوہیا تے قلعی تے سیسہ۔
23
۔ تے اوہو سب کُجھ جیہڑا اَگ سہہ سکدااے ۔ اوہو اَگ چہ پاؤ ۔ تے اوہو پاک ہووے گا ۔ تے فیر و اوہنو ں پاک پانی دے نال پاک کرو تے جو کُجھ اَگ نئیں سہہ سکدا اوہنوں پاک پانی نال پاک کرو ۔
24
۔ تے ستویں دیہاڑے اَپنے کپڑے دھوؤ ۔ تے تُسیں پا ک ہوؤ گے ۔ تے اوہدے مگروں تُسیں خیمہ گاہ چہ آیا جے ۔
25
۔ تے خُداوند نے مُوسیٰؔ نُوں رَکھیا ۔
26
۔ الیعزر ؔ کاہن تے جدّی خانوادے دے سرداراں دی مدد نال اوہناں قیدیاں دا کیہ انسان ، کیہ بِستوُ جیہڑے جیہڑے لوکی آئےنیں گنتی کر ۔
27
۔ تد اوہناں دی اِکو جیہی وَنڈ کر ۔ ادھا تُوں اوہناں نُوں دے جیہناں جنگ چہ لڑائی کیِتی تے باقی ادھا جماعت نُوں ۔
28
۔ تے اوہناں جنگی بندیاں چوں جیہڑے لڑائی چہ گئے سَن ، انساناں تے گاواں تے ڈھگے تے بھیڈ بکریاں چوں پنج پنج سو مگر اِک اِک خُداوند دے لئی حصہ لویں ۔
29
۔ اوہناں چوں ادھا لے کے الیعزرؔ کاہن نُوں دیویں ۔ تاں جو خُداوند لئی نذرانہ ہووے۔
30
۔ تے بنی اسرائیلیاں ؔ دے اَدھ وِچوں تُوں پنجاں بندیاں مگر اِک اِک لویں ۔ تے ایسے حساب نال گاواں تے ڈھگیاں یا کھوتیاں یا بھیڈ بکریاں یعنی ہر طرحاں دے یشووں چوں لویں تے اوہناں نُوں لاویاں ؔ نُو ں دیویں ۔ جیہڑے خُداوند تے رہن دی تھاں دی رکھوالی کردے نیں ۔
31
۔ تے مُوسیٰؔ تے الیعزرؔ کاہن نے جِس طرحاں خُداوند نے آکھیا سی کیِتا ۔
32
۔ تے سبھے لُٹ دا مال جیہڑا جنگی بندیاں نے لُٹیا سی ۔ چھے لَکھ پنچتر ہزرا بھیڈ بکریاں ۔
33
۔ تے بہتر ہزار گاواں تے ڈھگے ۔
34
۔ تے اکاٹھ ہزار کھوتے
35
۔ تے انساناں چوں بَتی ہزار کُڑیاں جیہڑیاں کنواریاں سَن ۔
36
۔ سو ادھا حصہ اوہناں دا جیہڑے لڑائی لئی گئے سَن ، ایہہ سی ۔ تِن لکھ سینتی ہزار بھیڈاں بکریاں ۔
37
۔ جیہناں چوں خُداوند دا حصہ چھے سو پنچہتر بھیڈاں بکریاں ہویاں ۔
38
۔ تے گاواں تے ڈھگے چھتی ہزار جیہناں چوں خُداوند دا حصہ بہتر گاواں تے ڈھگے ۔
39
۔ تے کھوتے تریہہ ہزار پنج سو ۔ ایس لئی خُداوند دا حصہ اوہناں چوں اکاٹھ سی ۔
40
۔ تے انساناں چوں سولاں ہزار ۔ ایس لئی خُداوند دا حصہ بَتی جاناں سَن ۔
41
۔ تے مُوسیٰؔ نے ایہہ حصی جیہڑا خُداوند دے لئی سی وکھرا کیِتا ۔ الیعزرؔ کاہن نُوں دِتا ۔ جِس طرحاں کہ خُداوند نے مُوسیٰ ؔ نُوں آکھیا سی ۔
42
۔ بنی اسرائیلؔ دا اَدھا جیہڑا مُوسیٰ ؔ نے جنگی بندیاں چوں جتھے چوں وکھرا کیِتا ۔
43
۔ ایس لئی جماعت دا حصہ ایس طرحاں سی ۔ تِن لَکھ سینتی ہزار ، پَنج سو بھیڈ بکریاں ۔
44
۔ چھتی ہزار گاواں تے ڈھگے ۔
45
۔ تریہ ہزار کھوتے
46
۔ تے سولاں ہزار انسان۔
47
۔ تے مُوسیٰ ؔ نے بنی اسرائیلؔ دےحصے چوں اِنساناں تے یشووں چوں پنجا دے مگر اِک لیا تے لاویاں ؔ نُوں دِتا جیہڑے خُداوند دے رہن دی تھاں دی رکھوالی کردے سَن ۔ جِس طرحاں کہ خُداوند نے مُوسیٰؔ نُوں آکھیا سی ۔
48
۔ تد لشکر دے سردار تے جیہڑے ہزراں تے سوواں تے سردار سَن مُوسیٰ ؔ دےکول آئے ۔
49
۔ پئی تیرے خادماں نے جنگی بندیاں جیہڑے ساڈے نال نیں گِنیا اے ۔ تے اوہناں چوں اِک وی بندہ گھٹ نئیں ۔
50
۔ ہر اِک بندے نُوں جہڑا کُجھ مِلیا تے اسیں خُداوند لئی ہدیہ لے کے آئے ہاں ۔ سونے دیاں شیواں وِچوں ۔ باہواں دے کڑے تے ہتھاں دے کڑے تے چھاپاں تے کناں دیاں والیاں تے پنجنگالے ۔ تاں جو خُداوند دے اَگے ساڈیاں جاناں دا کفارہ دِتا جاوے ۔
51
۔ تد مُوسیٰ ؔ تے الیعزرؔ کاہن تے اوہناں توں سبھ گھڑے ہوئے زیور لئے ۔
52
۔ تے اوس ہدیہ دا سبھ سونا جیہڑا ہزاراں تے سوواں دے سرداراں تے خُداوند نُوں نذر کیِتا ۔ سولاں ہزار ست سو مثقال سی ۔
53
۔ تے جنگی بندیاں چوں جیہڑا کُجھ ہر اِک نے لُٹیا سی اوہو اوہناں دا ای ہویا ۔
54
۔ تد مُوسیٰ ؔ نے الیعزر ؔ کاہن نے ہزاراں تے سوواں توں اوہو سونا لیا تے اوہنوں حضوُری دے خیمے دے اندر لے کے آئے ۔ تا ں جو خُداوند دے اَگے بنی اسرائیلؔ دی یاد گار ہوئے ۔