1
۔ تے مُوسیٰ ؔ نے بنی اسرائیلؔ دے قبیلیاں دے سرداراں نال خطاب کرکے آکھیا پئی خُداوند اینج آکھدا اے ۔
2
۔ جے کوئی بندہ خُداوند دی مَنّت منّے یاں سونہہ کھا کے کوئی گَل اَپنی جان تے پکی ٹھہرا کے تے اوہ اَپنے قول توں ناں پھِرے ۔ سگوں جیہڑا کُجھ اوہدے مُونہ چوں نِکلیا اے پُورا کرے ۔
3
۔ تے جوکوئی زنانی خدا دے لئی منّت منّے تے اَپنے کُڑی پَن چہ ہُندیاں ہویاں کوئی گَل اَپنے تے پکی ٹھہرائے ۔ تے اوہدے پیو نے اوس منّت نُووں تے اوس گَل نُوں جیہڑی اوہنے اَپنے تے پکی ٹھہرائی سی سُنیا تے چُپ ر ہیا ۔ تے اوہدیاں سبھے مِنتّاں اَپنی تھاں تے رہن گئیاں ۔
4
۔ تے جیہڑا کُجھ اوہنے اَپنے تے پکّا ٹھہرا یا اے او ہ قائم رہوے گا ۔
5
۔ پر جے اوہدے پیو نےجِس دیہاڑے سُنیا تے اوہنوں موڑیا ہووے ۔ تے اوہناں سبھے منّتاں تے اوہ سبھے کُجھ جیہڑا اوہنے اَپنی جان تے پکّا ٹھہرایا سی قائم ناں رہوے گا ۔ تے خُدواند اوس زنانی نُوں مُعا ف کرے گا ۔ کیوں ؟ اوہدے پیو نے اوہنوں موڑیا سی ۔
6
۔ تے جے اوہ خسم والی ہو جاوے ۔ جیہدوں کہ اوہدیاں منّتاں یا اوہدے مُونہہ دی کوئی گَل جیہنوں پُورا کرنا اوہنے پکّا ٹھہرایا سی ۔ اوہنوں پُورا کرنا اوہدی ذمہ داری سی ۔
7
۔ تے اوہدے خسم نے سُنیا ےتے جیہڑے دیہا ڑے اوہنے سُنیا تے چُپ رہیا ۔ تے اوہدیاں منّتاں قائم رہن گئیاں ۔ تے جو کُجھ اوہنے اَپنی جان تے پکّا ٹھہرایا سی قائم رہے گا ۔
8
۔ تے اوہدے خسم نے جیہڑے دیہاڑے سُنیا تے اوہنوں موڑیا تے اوہدی منّت جیہڑی اوہنے منّی سی تے اوہدے مُونہہ دی گَل جیہڑی اوہنے اَپنی جان تے پکّی ٹھہرائی سی ٹل گئی۔ تے خُداونداوہنوں کُجھ ناں آکھے گا ۔
9
۔ پرَ بیوہ یا طلاق لئی منّت جو کُجھ اوہنے اَپنی جانتے پکّا ٹھہرایا سی قائم رہے گی ۔
10
۔ تے جے اوہنے اَپنے خسم دے گھر چہ منّت منّیہ ہووے یا سونہہ کھا کے کوئی گَل اَپنے تے پَکی ٹھہرائی ہووے ۔
11
۔ تے اوہدے خسم نے سُنیا تےچُپ رہیا ےے اوہنوں ناں موڑیا ۔ تے اوہدیاں منُتاں قائم رہن گئیاں تے ج کُجھ اوہنے اَپنی جان تے پکّا ٹھہرایا اوہ قائم رہے گا ۔
12
۔ تےجے اوہدے خسم نے جیہڑے دیہاڑے سُنیا تے موڑیا ہووے تے سبھے منّتاں جیہڑیاں اوہدے مُونہہ چوں نِکلیاں تے جو کُجھ اوہنے اَپنی جان تے پکّا ٹھہرایاسی ۔ کیوں جو اوہدے خسم نے اوہنوں موڑیا سی ۔ خُداوند اوہنوں بخشی دئے گا ۔
13
۔ سب منّتاں یاں اپنی جان نُوں دُکھ دیاں سونہاں جو وی ہوناوہناں نُوں اوہدا خسم قائم رکھے گا یا مُکا دئے گا ۔
14
۔ تے جے اوہدا خسم سُن کے چُپ کیتا رہوئے تے اوہدیاں ساریاں مَنتّاں قائم رہن گئیاں تے سبھ فرض جو اوہدے تے ہوون قائم رہن گے ۔ ؎
15
۔ تے جے اوہ اوہناں نُوں سُنن توں کُجھ چِر مگروں اوہناں نُوں مُکا دے تے پاپ اوہدے ای سِر تے ہووے گا ۔
16
۔ خسم تے گھر والی چہ تے پیو دی دھی چہ جَد تیِک اوہ نِکی عُمر دے دیہاڑیاں چہ اَپنے پیو دے گھر ہووے ۔ ایہہ حُکم نیں جیہڑے خُداوند نے موُسیٰ ؔ نوں دِتے ۔