¹ ۔تے ستویں مہینے دے پہلے دِن تُہاڈی مُقدس محفِل ہووے گی ۔کوئی غُلامی والا کم ناں کرو ۔ ایہہ تُہاڈے لئی نرسنگے پھُونکن دا دِن ہووے گا ۔ ² ۔ تے تُسیں خُداوند دے لئی ودھیا خُوشبُو والی قُربانی گُزارو۔ اِک وچھا تے اِک بھیڈو تے اِک اِک سال دے سَت لیلے ۔ ³ ۔ تے اوہدے نال نذر دی قُربانی دے لئی ایفہ دسویں دا تیِجا حصہ تیل رَلیا ہویا میدہ ہر اِک وَچھے دے لئی تے ایفہ دا پنجواں حصہ بھیڈو دے لئی ۔ ⁴ ۔ تے سَتاں لیلیاں مگر ہر اِک لیلے دے لئی ایفہ دا دسواں حصہ ۔ ⁵ ۔ تے خطا دی قُربانی دے لئی اِک بکرا جیہڑا تُہاڈے کفارے دے لئی قُربان کیتا جاوے ۔ ⁶ ۔ سوختنی قُربانی تے اوہدی نذر دی قُربانی دے تے دائمی سوختنی قُربانی دے تے اوہدی نذر دیاں قُربانیاں دے علاوہ دستوُر دے مطابق اوہناں دے تپاوندی ایہہ ودھیا خُوشبُو والی اَگ دی قُربانی تُسیں خُداوند دے لئی گُذرانو ۔ ⁷ ۔ تے اوسے ستویں مہینے دے دسویں دِن تُہاڈی مُقدس محفل ہووے گی ۔ تے تُسیں اَپنے آپ نُوں دُکھ دیا جے تے کوئی غُلامی والا کم ناں کرو ۔ ⁸ ۔ تے تُسیں خُداوند دے لئی ودھیا خُوشبُو والی قُربانی گُزرانو ۔ اِک وچھا تے اِک بھیڈو تے اِک اِک سال دے بے عیب ست لیلے ۔ ⁹ ۔ تے اوہدے نال نذر دی قُربانی ایفہ دے دسویں دا تیِجا حِصہ تیل رَلیا میدہ ہَر وَچھے لئی تے ایفہ دا پنجواں حصہ ہر اِک بھیڈو دے لئی ۔ ¹⁰ ۔ تے ستاں لیلیاں لئی ہر اِک لیلے دے لئی ایفہ دا دسوں حصہ ۔ ¹¹ ۔ تے اِک بکرا خطا دی قُربانی لئی ۔ ایہہ خطا دی قُربانی جیہڑی کفارہ دین لئی اے تے دائمی سوختنی قُربانی تے ایہدی نذر دی قُربانی تے اوہدے ساڑن توں علاوہ اے ۔ ¹² ۔تے اوہدے پندرھویں دِن تُہاڈی پوتر محفل ہووے گی ۔ کوئی غُلامی دا کم ناں کرو تے سَت دِن خُداونددے لئی عید کرو ۔ ¹³ ۔ تے تُسیں خُداوند دے لئی سوختنی قُربانی ودھیا خُوشبُو والی اَگ دی قُربانی گُذرانو ۔ تیراں وَچھے تے دو بھیڈو تے اِک اِک سال دے بے عیب چودہ ¹⁴ ۔ تے اوہدے نال نذر دی قُربانی ۔ تیران وَچھیاں توں ہَر وَچھے لئی ایفہ دے دسویں دا تیِجا حصہ تیل رَلیا ہویا میدہ ۔ دوُں بھیڈوواں چوں ہر بھیڈو لئی تیل رَلیا ہویا ایفہ دا پنجواں حصہ ۔ ¹⁵ ۔ تے چواں لیلاں چوں ہر لیلے لئی ایفہ دا دسواں حصہ ۔ ¹⁶ ۔ایہہ دائمی قُربانی تے اوہدی نذر دی قُربانی تے اوہدے ساڑن توں علاوہ اے ۔ ¹⁷ ۔ تے دوُجے دِن بارہ وَچھے تے دو بھیڈو تو چودہ بے عیب لیلے ۔ ¹⁸ ۔ تے اوہناں دی نذرد ی قُربانی تے اوہدے ساڑن لئی ۔ ہر وچھے تے بھیڈو تے لیلے دے لئی دستور تے اوہناں دی گِنتی دے مطابق ۔ ¹⁹ ۔ اِک بکرا خطا دی قُربانی دے لئی سوائی دائمی سوختنی قُربانی تے اوہدی نذر دی قُربانی تے اوہدے ساڑن ولے ۔ ²⁰ ۔ تے تیِجے دیہاڑے یاران وچھے تے دو بھیڈو تے چودہ اِک اِک سال دے بے عیب لیلے ۔ ²¹ ۔ تے اوہناں دی نذر دیاں قُربانیاں اوہناں دے تپاون ، وچھیاں ، بھیڈوواں تے لیلیاں دے لئی دستور تے گِنتی دے مطابق ۔ ²² ۔ اِک بکرا خطا دی قُربانی دے لئی ۔ سوائے دائمی سوختنی قُربانی تے اوہدی نذر دی قُربانی تے اوہدے ساڑن دے لئی ۔ ²³ ۔ تے چوتھے دیہاڑے دَس وَچھے تے دو بھیڈو تے چودہ اِک اِک سال دے بے عیب چودہ لیلے ۔ ²⁴ ۔ اوہناں دیاں نذر دیاں قُربانیاں اوہناں دے تپاون ، وچھیاں تے بھیڈاں تے لیلیاں دے دستور تے گِنتی دے مُطابق ہون ہو گیاں ۔ ²⁵ ۔ اِک بکرا خطا دی قُربانی دے لئی سوائے دائمی سوختنی قُربانی تے اوہدی نذر دی قُربانی تے تپاون دے ۔ ²⁶ ۔ تے پنجویں دیہاڑے نو وچھے تے دو بھیڈو تے اِک اِک سال دے بے عیب چودہ لیلے ²⁷ ۔ تے اوہناں تپاون ، وچھیاں تے بھیڈوواں تے لیلیاں دے دستور ے گنتی دے مُطابق ۔ ²⁸ ۔ تے اِک بکرا خطا دی قُربانی دے لئی سوائے سوختنی قُربانی تے اوہدی نذر دی قُربانی تے اوہدے تپاون دے ۔ ²⁹ ۔ تے چھیویں دیہاڑے اَٹھ وَچھے تے دو بھیڈو تے اِک اِک سال دے بے عید چودہ لیلے ۔ ³⁰ ۔ تے اوہناں دے تپاون ، وچھیاں تے بھیڈو واں تے لیلیاں دے دستور تے گِنتی دے مُطابق ۔ ³¹ ۔ تے اِک بکرا خطا دی قُربانی دے لئی سوائے دائمی سوختنی قُربانی تے اوہدی نذر دی قُربانی تے اوہدے تپاون دے ۔ ³² ۔ تے ستویں دیہاڑے سَت وَچھے تے دو بھیڈو تےاِک اِک سال دے بے عیب چوداں لیلے۔ ³³ ۔ اوہناں دی نذر دی قُربانی تے اوہناں دے تپاون ، وچھیاں ، بھیڈوواں تے لیلیاں دے دستور تے گِنتی دے مطابق ۔ ³⁴ ۔ تے اِک بکرا خطا دی قُربانی دے لئی ۔ سوائے دائمی سوختنی قُربانی تے اوہدی نذر دی قُربانی تے تپاون دے ۔ ³⁵ ۔ تے اٹھویں دیہاڑے تُہاڈی عید ہووے گی ۔ تے کوئی غلامی والا کم ناں کرو ۔ ³⁶ ۔ تے سوختنی قُربانی خُداوند دے ودھیا خُوشبُو اَگ دی قُربانی گُذرانو ۔اِک وچھا تے اِک بھیڈو تے اِک اِک سال دے بے عیب سَت لیلے ³⁷ ۔ اوہناں دیاں نذر دیاں قُربانیاں تے اوہناں دے تپاون ، وچھیاں تے بھیڈوواں تے لیلیاں دے دستور تے گِنتی دے مُطابق ۔ ³⁸ ۔ تے اِک بکرا خطا دی قُربانی دے لئی سوائے دائمی سوختنی قُربانی تے اوہدی نذر دی قُربانی تے اوہدے تپاون دے ۔ ³⁹ ۔ تُہاڈیاں منتّاں تے تُہاڈی خُوشی دیاں قُربانیاں تے تُہاڈی سوختنی قُربانیاں تے تُہاڈی نذر دیاں قُربانیاں تے تُہادےتپاون تے تُہاڈی سلامتی دیاں قُربانیاں دے علاوہ ایہہ ای شیواں نے جیہڑے تُسیں خُداوند دے لئی اَپنے مِتھیاں عیداں چہ گُزرانو گے ۔ ⁴⁰ ۔تد مُوسیٰ ؔ جو کُجھ خُداوند نے اوہنوں آکھیا سی بنی اسرائیلؔ نُوں کیہا۔