1
۔جیہدوں بلعامؔ نے ویکھیا پئی اوہدا سرائیلؔ نوں برکت دینا خُداوند نُوں چنگا لگا تے اوہو جیویں پہلاں دو واری پُچھن گیا سی ۔ اوہدے وَل ناں گیا ۔ سگوں اُجار وَل اپنا مُونہہ کیتا ۔
2
۔ تے بلعامؔ نے کئیاں تے اسرائیل ؔ نُوں قبیلیاں دے حساب نال ڈیرے لائیاں ویکھیا ۔ تدھ خُدا دی روُح اوہدے ے اُتری ۔
3
۔ تے اوہنے اپنی تمثیل شروع کیِتی تے آکھیا بعورؔ دے پُتر بلعام ؔ دا کلام اوس بندے دا کلام جیہدیاں اَکھاں میٹیاں سی ۔
4
۔ اوہدا کلام جیہڑا خُدا دیاں گلاں سُندا اے ۔ تے قادرِمُطلق دی رویا ویکھدا اے ۔
5
۔ ائے یعقوبؔ تیرے تنبُو کِڈے سوہنے نیںتے تیرے ڈیرے دے اسرائیل ؔ ۔
6
۔اوہو وادیاں وانگوں کھِلرے ہوئے نیں تے دریا دے کنڈیاں تے باغاں وانگوں جِس طرحاں عُودؔ دے رُکھ جیہناں نُوں خُداوند نےلایا تے دیو دارں وانگوں جیہڑے پانیاں دے لاگے ہوون۔
7
۔ اوہناں دیاں چرنیاں توں پانی وَگے گا ۔ تے وتریاں پیلیاں چہ اوہناں دا بیہ پورے گا ۔ اوہناں دا بادشاہ اَججؔ توں اُچا ہووے گا تے اوہناں دی مُملکت وڈی ہووے گی ۔
8
۔ خُدا دیاں مِصرؔ چو ں کڈھ کے باہر لےآیا ۔ اوہناں دے سینگ جنگلی ساھن وانگوں نیں ۔ اوہ قوماں چوں اپنے ویریاں دا شکار کرن گے ۔ تے اوہناں دیاں ہڈیاں بھنے گا ۔ اوہناں دے لکاں نُوں پاڑے گا۔
9
۔ اوہ شیر وانگوں چھئی لا کے بیٹھا اے۔ سگوں شیرنی وانگوں اوہنوں کون چھیڑے۔ لعنتی ہووے ، جہڑا تینوں لعنتی آکھے۔ مُبارِک ہووے جیہڑا تینوں مُبارِک آکھے ۔
10
۔ تدھ بلقؔ دا قہر بلعامؔ تے بھڑکیا ۔ تے اوہنے اپنے ہتھاں تے ہَتھ مارے تے بَلق نے بلعام ؔ نوں آکھیا پئی میں تینوں سدیا پئی میرے دُشمناں تے لعنت کر ۔ پَر ویکھ تُو ں تِن واری اوہناں نُوں برکت دِتی ۔
11
۔ تُوں اَپنے گھَر وَل جا ۔ میں تے ایہہ ارادہ کیتا سی پئی تینوں عِزت بخشاں گاپر خُداوند نے تینوں عِزت توں روک لیا ۔
12
۔ تدھ بلعامؔ نے بلقؔ نُوں آکھیا ۔ کیہ میں تیرے نوکراں نُوں جیہڑے تُوں میرے وَل گھلے سَن۔ آکھدا نئیں سی ؟
13
۔ پئی بھانویں بلقؔ اپنا گھر مینوں چاندی تے سونے نال بھریا ہوئیا دیوے ۔ مینوں ایہہ جُرات نئیں پئی خُداوند دے حُکم توں اَگاں جا کے اَپنی مرضی دا چنگا یا بھیڑا کراں ۔ سگوں جو کُجھ خُداوند مینوں آکھے میں اوہو کُجھ آکھاں گا ۔
14
۔ ہُن تے میں اَپنے لوکاں چہ چلا واں ۔ آ۔ میں تینوں دساں گا پئی ایہہ لوک اخیری دیہاڑیاں چہ تیرے لوکاں نال کیہ کرن گے ۔
15
۔ تدھ اوہنے اَپنی تمثیل شروع کیِتی تے آکھیا ۔ بعورؔ دے پُتر بلعام ؔ دا کلام یعنی اوس بندے دا کلام جیہدیاں اکھاں میِٹیاں سَن ۔
16
۔ اوہدا کلام جیہڑا خُداوند دیاں گلاں سُندا اے ۔ تے سچے خُدا دا عرفان رکھدا اے۔ جیہڑا قادرِمُطلق دی رویا ویکھدا اے ۔ تے دِگ کے اَپنیاں اَکھاں کھولدا اے ۔
17
۔میں اوہنوں ویکھنا واں پر اَجے نئیں میں اوہدے اَکھ رکھنا واں پر نیڑیوں نئیں۔ یعقُوبؔ چوں اِک تارا نِکلےگا اوہ موآبؔ دے سرداراں نُوں مارے گا تے سبھّے پھُٹ پوان والے پُتراں نُوں برباد کرے گا ۔
18
۔ ادومؔ اوہدی میراث ہووے گا ۔ سعیرؔ اوہدی ملکیت ہو جاوے گا ۔ تے اسرائیلؔ بہادری کرے گا ۔
19
۔ یعقوُبؔ چوں اوہ نِکلے گا۔ جیہڑا راج کرے گا۔ تے اَپنے ویریاں نُوں مار مُکائےگا۔ یعنی سعیرؔ دے باقی بچن والیاں نوُں ۔
20
۔ تدھ اوہنے عمالیقیاں ؔ نُوں ویکھیا ۔ تے اَپنی تمثیل شروع کر کے آکھیا ۔ عمالیقؔ قوماں وچوں پہلا سی ۔ پر اوہدا اخیر موت ہووے گا۔
21
۔ تدھ قینیاں ؔ وَل اَکھ کیتی تے اَپنی تمثیل زور نال آکھی ۔ تیرا ڈیرا ڈاہڈا اے ۔ تُوں پہاراب چہ اَپنا آہلنا بنا یا ۓ ۔
22
۔پَر قینؔ اُجڑے گا ۔ اسوُر ؔ تینوں قیدی کر کے لے جائے گا ۔
23
۔ فیر اوہنے اپنی تمثیل زور نال آکھی۔ افسوس ! اوہدے تے جیہڑا جیوندا ہووے ۔ جِس ویلے قادرِمُطلق ایہہ گلاں پُوریاں کرے گا ۔
24
۔ کُتیمؔ دے ساحلاں توں جہازآؤن گے ۔ جیہڑے اسورؔ نوں ہرا دین گے تے عبرؔ نُوں ذلیل کرن گے اخیر توڑیں اوہ وی ماریا جاوے گا ۔
25
۔ تدھ بلعامؔ اُٹھیا تے اَپنے ٹھکانے تے مُڑ گیا تے بلقؔ وی اَپنی راہ نُوں پَرت گیا ۔
25
۔ تدھ بلعامؔ اُٹھیا تے اَپنے ٹھکانے تے مُڑ گیا تے بلقؔ وی اَپنی راہ نُوں پَرت گیا ۔