¹ ۔ تے اسرائیل ؔ نے شطیمؔ چہ ڈیرے لائے تے لوکاں نے موآبؔ دیاں دھیاں نال زِنا کاری شروع کر لئی ۔ ² ۔ تے اوہناں نے لوکاں نُوں اَپنے بُتاں دیاں قُربانیاں تے سَدیا ۔ تے لوکاں نے کھاہدا ۔ تے اوہناں دے بُتاں اَگے متھا ٹیکیا ۔ ³ ۔تے اسرائیل ؔ بعل ؔ فغورؔ وَل گیا ۔ تدھ خُداوند دا قہر اسرائؔیل تے بھڑکیا ۔ ⁴ ۔ تے خُداوند نے موسیٰ ؔ نُوں آکھیا پئی قوم دے سبھے سرداراں نُوں پھَڑ تے اوہناں نُوں خدواند دے لئی ڈھنڈورا پِٹ کے پھانسی تے ٹنگ دے ۔ تاں جو خُداوند دا قہر اسرائیلؔ توں ٹَل جاوے ۔ ⁵ ۔ تدھ مُوسیٰؔ نے بنی اسرائیلؔ دے قاضیاں نُوں آکھیا پئی قوم چوں جیہڑا وی بعل فغورؔ نال رلدا اے قتل کر دیو۔ ⁶ ۔ تے ویکھو بنی اسرائیل ؔ دے وچوں اِ ک بندہ اَپنے بھراواں تے مُوسیٰؔ تے بنی اسرائیلؔ دی جماعت دیاں اَکھاں دے اَگے اِک مدیانی ؔ زنانی لے کے آیا جیہڑے خُداوند دے خیمہ دے دروازے دے اگے رہن ڈِٹھے سَن ۔ ⁷ ۔ تدھ ہارونؔ دے پُتر الیعزرؔ دے پُتر فینحاسؔ نے آکھیا تے اوہنوں جماعت چوں اُٹھیا تے اَپنے ہَتھ چہ نیزہ لیا۔ ⁸ ۔ تے اوس اسرائیلیؔ بندے دے مگر اوہدے کمرے چہ وڑھیا تے اوہناں دونواں نُوں یعنی اسرائیلیؔ بندے نُوں تے زنانی نُوں اوہناں دے ڈھڈاں چہ نیزہ کھوب دِتا تے بنی اسرائیلؔ تے وَبا مُک گئی۔ ⁹ ۔ تے جیہڑے وَبا نال مرے اوہ چوّی ہزار سَن ۔ ¹⁰ ۔ تے خُداوند نے موُسیٰ ؔ نال کلام کرکے آکھیا ۔ ¹¹ ۔ کیوں جو ہارون ؔ کاہن پوترے یعنی الیعزرؔ دے پُتر دے پاروں اوس غیرت دے لئی جیہڑی اوہناں وِچ میرے لئی اے قہر نُوں بنی اسرائیلؔ توں ہٹا دِتا اے ۔ پئی میں اَپنی غیرت وِچ بنی اسرائیلؔ نُوں فنا نئیں کر دِتا ۔ ¹² ۔ ایس لئی تُوں آکھ ۔ ویکھو میں اوہنوں اَپنی صُلح دا عہد بخشنا واں ۔ ¹³ ۔ پئی اوس غیرت دے اَجر چہ جیہڑی اوہنوں اَپنےخُدا دے لئی اے ۔ تے بنی اسرائیل ؔ دے لئی کفارہ دین دے لئی کہانت دا عہد اوہدے لئی تے اوہدے مگروں اوہدی نسل دے لئی ہمیشاں تیِک ہووے گا ۔ ¹⁴ ۔ تے اوس اسرائیلیؔ بندے دا ناں جیہڑا مدیانی ؔ زنانی دے نال ماریا گیا۔ اوہو شمعونیاں ؔ چوں اِک جَدّی خانوادے دا سردار نے سالوؔ دا پُتر زِمری دی سی ۔ ¹⁵ ۔ اوس مدیانی ؔ زنانی دا ناں جیہڑی ماری گئی کزبیؔ سی تے اوہو صورؔ دی دھی سی ۔ جیہڑا مدیان ؔ دے گردہ اِک جَدّی خانوادے دا سردار سی ۔ ¹⁶ ۔ تے خُداوند نے مُوسیٰ ؔ نال کلام کرکے آکھیا ¹⁷ ۔ پئی مدیانیاں ؔ نُوں تنگ کرو تے اوہناں نُوں مارو۔ ¹⁸ ۔ کیوں جو اوہناں تُہانوں اپنیاں چالاں تے فریباں نال تنگ کیِتا ۔ فغورؔ دے وَلوں تے کزبی ؔ دے وَلوں جیہڑی اوہناں دی بھین تے مدیان ؔ دے سردار دی دھی سی ۔ جیہڑی اوس دیہاڑے ماری گئی جیہدوں وبا فغورؔ دے پاروں آئی سی ۔