¹ ۔تے پہلے مہینے وِچ اسرائیلؔ دی ساری گروہ صینؔ دے صحرا وِچ آئی ۔ تے لوکی قادِس ؔ وِچ ٹھہر گئے ۔ ت مریم ؔ اوتھے مَر گئی تے اوتھے ای دَفن کیتی گئی ۔ ² ۔ تے جماعت لئی پانی نئیں ای ۔ سو اوہ مُوسیٰ ؔ تے ہارونؔ لئی اکٹھے ہوئے ۔ ³ ۔ تے لوکاں نے جھگڑا کرکے آکھیا ۔ کاش ! پئی جِتھے ساڈے بھرا خُداوند اَگے مَرے ۔ اسیں وی مَر جاندے ۔ ⁴ ۔ تُسیں خُداوند دی جماعت نُوں ایس صحرا وِچ کیوں لیاندا ؟ تان جو اسیں تے ساڈے چوپائے ایتھے مَر جان ۔ ⁵ ۔ تے تُسیں کیوں سانوں مِصرؔ وِچوں کڈھیا ۔ پئی ساہنوں اوس تھاں وِچ لیاندا ؟ اجیہی بھیڑی تھاں وِچ جِہدے وِچ ناں پیلیاں نیں تے ناں انجیر ناں انگُور ناں اَنار، سگوں پیِن دا پانی تَک وی نئیں ۔ ⁶ ۔ تَد مُوسیٰؔ تے ہارونؔ جماعت دے اَگے حضُوری دی خیمے دے بُوہے تے مُونہہ پَرنے جھُک گئے ۔ تَد خُداوند دا جلال اوہناں اُتے ظاہر ہویا ۔ ⁷ ۔ تے خُداوند نے مُوسیٰؔ نال کلام کرکے حُکم دِتا ۔ ⁸ ۔ پئی سوٹی پھَڑ لے تے جماعت نُوں اکٹھا کر ۔ تُوں تے تیرا بھرا ہارونؔ تے اوہنان دیاں اَکھیاں دے سامنے تُسیں چٹان نُوں آکھو ۔ تے فیر اوہ اَپنا پانی دیوے گی ۔ تے چٹان وِچوں پانی نِکلن دے مگروں جماعت تے اوہناں دے چوپائے پین ۔ ⁹ ۔ تے مُوسیٰؔ نےخُداوند دے سامنیوں جیویں ¹⁰ ۔ تے مُوسیٰ ؔ تےہارونؔ نے جماعت نُوں چٹان دے سامنے اِکٹھا کیتا ۔ تے اوہناں نے آکھیا ۔ سُنو ! اے باغیو! کیہ اسیں تُہاڈے لئی ایس چٹان چوں پانی کڈھیئے ؟ ¹¹ ۔ تے مُوسیٰ ؔ نے اَپنا ہَتھ اُتے چُکیا تے اَپنی سوٹی نُوں دو واری چٹان نُوں ماریا تے فیر اوہدے وِچوں بوہت پانی نِکلیا ۔ تے جماعت نے تے اوہناں دے چوپان نے پیِتا ۔ ¹² ۔ تَد خُداوند نے مُوسیٰ تے ہارونؔ نُوں آکھیا ۔ ایس لئی پئی تُسیں میرے اُتے ایمان ناں لیائے تے بنی اسرئیل ؔ دی گروہ دے سامنے میری پاکیزگی دا اقرار ناں کیتا ۔ ایس لئی تُسیں اوس گروہ نُوں اوس دیس وِچ نئیں لے جاؤ گے ۔ جیہڑا میں اوہناں نُوں دِتا اے ۔ ¹³ ۔ اے مریبہؔ دے پانی نیں ۔ جِنہاں لئی اسرائیل ؔ نے خُداوند نال جھگڑا کیِتا ۔ تے اوس نے اوہناں دے درمیان تقدیس کیِتی ۔ ¹⁴ ۔ تے مُوسیٰؔ نے قادِسؔ توں ادومؔ دے بادشاہ کول ہرکارے گھَل کے آکھیا ۔ سو تریرے بھرا اسرائیل ؔ نے ایویں آکھیا اے ۔ پئی ساری مُصیبت جیہڑی ساڈے اُتے آئی تُوں اوہنوں جاننا ایں۔ ¹⁵ ۔تے پئی ساڈے پیو دادے مِصرؔ وِچ گئے تے اسیں بوہت مُدت تیِک اوتھے رہے ۔ تَد مصریاں ؔ نے ساڈے نال تے ساڈے پیو دادیاں نال بدی کیتی۔ ¹⁶ ۔ تے اَسیں خُداوند دے اَگے روئے تے واویلا کیِتا ۔ تے فیر اوہنے ساڈیاں چیِکاں دی واج سُنی ۔ تے اَپنا فرشتہ گھلیا ۔ تے ساہنوں مِصر توں کڈھیا ۔ تے ویکھ ! ہُن اسیں قادِسؔ شہر وِچ جیہڑا تیری سرحد دے کنڈے اُتے وے ۔ ¹⁷ ۔ سو ساہنوں اَپنے دیس وَچوں لنگھن دے ، تے تے پیلیاں تے انگُوراں دے وِچوں نئیں جاواں گا ۔ تے ناں کھواں دا پانی پیواں گے ۔ پَر اسیں وڈی شرکو شرک چَلے جاواں گے ۔ سَجے تے ناں کھبے مُڑاں گے ۔ جِہدوں تیِکر پئی تیری سَرحد توں لَنگ نئیں جاندے ۔ ¹⁸ ۔ تے فیر ادومؔ نے جواب دِتا ۔ تُوں میری سَرحد توں پار ناں جا ۔ تاں جو میں تیرئ خلاف تلوار لے کے ناں نِکلاں ۔ ¹⁹ ۔ بنی اسرائیلؔ نے اوہنوں آکھیا ۔ پئی اسیں تے راہ اُتے ای جاواں گے ۔ تے جیکر اسیں یاں ساڈا ڈنگر وَچھا تیرا پانی پیِن تے فیر اسیں تینوں اوہدا مُل دیواں گے ۔ تے اسیں تے کُجھ کرن توں بغیر ای پیدل پیدل لَنگ جاواں گے ۔ ²⁰ ۔ تے فیر اوس نے جواب دِتا ۔ نئیں تُوں ناں لَنگ تے ادومؔ اوہناں دے خِلاف بوہت سارے لوک لے کے بڑی طاقت نال نِکلیا ۔ ²¹ ۔ تے ادومؔ نے بنی اسرائیلؔ نُوں اَپنی سَرحد توں لنگن توں انِکار کیِتا ۔ تے فیر اسرائیلؔ اوہناں وَلوں مُڑ گیا ۔ ²² ۔تے بنی اسرائیلؔ نے قادسؔ توں ہوئے تے ساری گروہ ہور ؔ دے پہاڑ اُتے آئی ۔ ²³ ۔ تے خُداوند نے ہورؔ دے پہاڑ اُتے جیہڑا ادومؔ دی سَرحد دے نیڑے وے ۔ مُوسیٰؔ تے ہارونؔ نال کلام کرکے حُکم دِتا ۔ ²⁴ ۔ پئےی ہارون ؔ اَپنے لوکاں وِچ جا مِلے گا ایس لئی پئی اوہ اوس دیس وِچ جیہڑا میں اسرائیلؔ نُوں دِتا اے ، داخل نئیں ہووے گا ۔ ایس لئی پئی تُساں دونواں نے مریبہؔ دے پانی دے کول میرے حُکم دی نافرمانی کیِتی ۔ ²⁵ ۔ تے فیر ہارونؔ تے اوہدے پُتر الیعزر ؔ نُوں لے تے ہورؔ وَل اوہناں نُوں اُتے لے چَل ۔ ²⁶ ۔ تے ہارونؔ دا لِباس لا ہ کے اوہدے اوہدے پُتر الیعزرؔ نُوں پوا۔ تےہارونؔ اَپنے لوکاں وِچ جا ملے گا ۔ تے اوتھے فوت ہو جائے گا ۔ ²⁷ ۔ تے فیر مُوسیٰؔ نے جیویں خُداوند نے اوہنوں حُکم دِتا ، کیِتا ۔ تے اوہ ساری جماعت دے ویکھدیاں ہوئیاں ہورؔ دے پہاڑ اُتے گئے ۔ ²⁸ ۔ تے مُوسیٰ ؔ نے ہارونؔ دا لِباس لاہ کے اوہدے پُتر الیعزرؔ نُوں پوایا۔ تے اوتھے پہاڑی سَب توں اُچی تھاہ اُتے ہارونؔ فوت ہویا ۔ تے مُوسیٰؔ تے الیعزر ؔ پہاڑ توں تھلے اُتر آئے ۔ ²⁹ ۔ سو جیہدوں ساری جماعت نے ویکھیا، پئی ہارونؔ فوت ہوگیا ۔ تے فیر تمام بنی اسرائیل ؔ نے اوہدے لئی تییہ دیہاڑیاں لئی سوگ کر دے رہے ۔