1
۔تے خُداوند نے موُسیٰ نال کلا م کرکے حُکم دِتا ۔
2
۔ بنی اسرائیلؔ نُوں آکھ ، پئی اوہناں ہَر حاکم دے خاندان توں اوہناں دے پیو دادیاں حِساب نال اِک اِک سوٹی لَے ۔ باران سوٹیاں ہون ۔ تے ہَر اِک دا ناں اوہد ی اوٹی تے لِکھ۔
3
۔ تے لاویؔ دی سوٹی اُتے ہارونؔ دا ناں لِکھ ۔ ایس لئی پئی اوہناں دے پیو دادیاں دے گھرانیاں دے ہَر اِک حاکم لئی اِک اِک سوٹی ہووے گی ۔
4
۔ تے اوہناں نُوں حضُوریدے خیمہ وِچ شہادت دے صندوق دے اَگے رَکھ ۔ جِتھے میں تُہاڈے نال مُلا قات کرناواں ۔
5
۔ تے فیر جیہڑے بندے نُوں میں اوہناں وِچوں چُن لواں ، اوہدی سوٹی اُتے پھُل نِکلن گے ۔ تان جو میں بنی اسرائیلؔ دیاں شکایتاں نُوں جیہڑیاں اوہ تُہاڈے دونواں دے خلاف کردے نیں ، دوُر دفع کراں گا ۔
6
۔ تَد مُوسیٰؔ نے بنی اسرائیلؔ نُوں آکھیا ۔ تے فیر ہَر اِک حاکم نے اِک اِک سوٹی اَپنیاں پیو دادیاں دے گھرانیاں دے حساب نال اوہنوں دِتی ۔ سو باراں سوٹیاں ہو گئیاں، تے ہارونؔ دی سوٹی دی اوہناں دے وِچ ای سی ۔
7
۔ تَد مُوسیٰؔ نے ساریاں سوٹیاں شہادت دے خیمہ وِچ خُداوند دے اَگے رَکھیاں ۔
8
۔ تے دوُجے دیہاڑے جِہدوں مُوسیٰؔ شہادت دے خیمے دے اند ر گیا ۔ تے ویکھو! ہارونؔ دی سوٹی جیہڑی لاویؔ دے گھر دے لئی سی ۔ اوہدے اُتے کلیاں پھُٹیاں ہوئیاں سَن ۔ اوہدے اُتے کونپلاں تے کھِڑے ہوئے پھُل تے پکّے ہوئے بادام سَن ۔
9
۔ تَد مُوسیٰ ؔ ساریاں سوٹیاں نُوں خُداوند دے اَگیوں بنی اسرائیلؔ دے کول باہر کڈھ لیایا ۔ تے اوہناں نے ویکھیا ۔ تے ہَر اِک نے اَپنی سوٹی لَے لئی ۔
10
۔ تے خُداوند نے مُوسیٰؔ نُوں آکھیا ۔ پئی ہارونؔ دے شہادتدے عَصا نُوں سامنے لَے جا ۔ تاں جو بغاوت کرن والیاں دے لئی اِک نشان اوتھے رکھیا رہوے ۔ تے میرے خلاف اوہناں دیاں شکایتاں بند ہون۔ تے مَر ناں جان ۔
11
۔ تئ مُوسیٰؔ نے جیویں خُداوند نے حُکم دِتا سی اونویں ای ہویا ۔
12
۔ تَد بنی اسرائیل ؔ نے ہنگامہ کیِتا ۔ تے مُوسیٰؔ نُوں آکھیا ۔ اَسیں مَرے۔ اَسیں ہلاک ہو گئے ۔ اَسیں سارے دے سارے فنا ہو گئے ۔
13
۔ جیہڑا کوئی خُداوند دےمَسکن دے نیڑے آؤندا اے ۔ مَر جاندا اے ۔ کیہ اَسیں سارے مَر جاواں گے ۔