1
۔تے خُداوند نے مُوسیٰ ؔ نال کلام کرکے آکھیا ۔
2
۔ پئی اپنے لئی چاندی دے دو نر سنگے بنوا ۔ دونویں گھڑئے ہوئے ہون ۔ تے اوہ تیر ے لئی جماعت نُوں سدھن تے ڈیریاں دے ٹُرن لئی ہون گے ۔
3
۔ تے جیِہدوں اوہ دونویں وجائے جان تے ساری جماعت تیرے کول حضُوری دے خیمے دے بُوہے د ے نیڑے کٹھے ہو جان ۔
4
۔ تے جیِہدوں اَک وجایا جاوے تے کلّے امیِر بندے جِس طراں پئی بنی اسرائیل ؔ دے قبیلیاں دے سردا ر تیرے کول اکٹھے ہون ۔
5
۔ تے جیِہدوں لمی واج نال تھوٹی ڈیر مگروں وجائے جان تے اُتر وَلوں ڈیرے ٹُر پین ۔
6
۔ تے جیِہدوں ا جیہی واج دوُجی واری وجائے جان تد جنوب وَل ڈیرے جان ۔ تے جیہِدوں تیِجی واری وجائے جان ۔ تدوں مغرب وَل ڈیرے ٹُر جان ۔ ت ے جیِہدوں چوتھی واری وجائے جان تے شمال وَل ڈیرے ٹُر پین ۔اوہناں دے ٹُرن دے ویلے اوہ تھوڑی ڈیر بعد وں وجائے جان ۔
7
۔ تے جماعت نُوں کٹھیاں کرن لئی اوہ بِناں ڈیر لائیاں واج نال واجائے جان ۔
8
۔ تے ہارون ؔ دے پُتر جیہڑے کاہن نیں ۔ نَرسنگے وجاؤن گے، تے ایہہ سدا تیِکر فرض تُہاڈیان پُشتاں چہ ہووے گا ۔
9
۔ تے جیِہدوں تُسیں اَپنے دیس چہ ویریاں دے خِلاف جیہیڑا تُہاڈے تے حملہ کرے ۔ لڑائی لئی نِکلو ۔ تے لمی واج نال تھوڑی ڈیر بعدوں نَرسنگے وجاؤ ۔ تے تُسیں اَپنی خُداوند دے اَگے یاد کیِتے جاؤ گے ۔ تے تُسیں اَپنے ویریاں توں چُھڈائے جاؤ گے ۔
10
۔ تے تُسیں اَپنی خُوشی دے دیہاڑے تے اَپنی عیداں چہ تے اَپنی مہیِنیاں دے شروع چہ اَپنی سوختنی قُربا نیاں تے اَپنی سلامتی دی قُربانیاں تے نَرسنگے وجاؤ ۔ تے اوہ تُہاڈے لئی تُہاڈے رَبّ دے اَگے یاد گار ہووے گی ۔ میں خُدا وند تُہاڈ ا خُدا واں ۔
11
۔ تے اینج ہو یا پئی دوُجے ورھے دے دوُجے مَہینے ویویں دیہاڑے شہادت دے مَسکِن دے بَدّل ا ُچا ہو گیا ۔
12
۔ تے بنی اسرائیلؔ سیناؔ دے پہاڑ توں اَپنی اَپنی راہ وَل ٹُرے۔ تے بَدّل فاران ؔ دے پہاڑ اُتے کھلو گیا ۔
13
۔ خُداوند دے حُکم نال جیہڑا مُوسیٰ ؔ دے دی زبانی سی ۔ اوہناں نے پہلا درجہ ٹُرے ۔
14
۔ تے پہلے بنی یہوداہؔ دے لشکر دا جھنڈا اَگے ودھیا ۔ تے اوہ اَگے پَچھے اگاں نُوں ودھے ۔ تے یہوداہ ؔ دے لشکر اُتے ابی ناداب ؔ دا پُتر تے عمی دا پُتر پرنحثون ؔ سردار سی ۔
15
۔ تے بنی یساکرؔ دے قبیلے دے لشکر اُتے صوعر ؔ دا پُتر نتن ایلؔ سی ۔
16
۔ تے بنی زبلُون ؔ دے قبیلے دے لشکر اُتے حیلون ؔ دا پُتر الیابؔ سی۔
17
۔ فیر مَسِکن لایا گیا ۔ تے بنی جیرسون ؔ تے بنی مراریؔ مَسکن چُک کے ٹُرے ۔
18
۔ تَد بنی روبنؔ دے لشکر دا جھنڈا اَگے ودھایا ۔ تے اوہ اَگے پِچھے اگاں ودھے ۔ تے اوہدے لشکر اُتے شدےؔ دا پُتر الیصوُر ؔ سردار سی ۔
19
۔ تے بنی شمعون ؔ دے قبلے دا لشکر صوُریشیدائیؔ دا پُتر شَلمی ایلؔ سردار سی ۔
20
۔ تے بنی جَد دے لشکر رعوؔ دا پُتر الی آسفؔ سی ۔
21
۔ فیر قہاتیاں ؔ نے پاک شیواں چُک کے اَگاں ودھے تے اوہ اوہناں دے آؤن تیِکر مَسکِن نُوں کھلار دیندے سَن ۔
22
۔ تد بنی افرائیم ؔ دے لشکر دا جھنڈا ہلایا تے اوہ اِگے پِچھے اگاں ودھے ۔ تے اوہناں دے لشکر عمی ؔ دا پُتر پرالی شامعؔ سردا ر سی ۔
23
بنی مَنسے ؔ دے قبیلے دے لشکر اُتے فِدا صُور دا پُتر بضلی ایل ؔ سی ۔
24
تے بنی بنیامینؔ دے قبلے دے لشکر جد عولیؔ دا پُتر ابیدانؔ سی ۔
25
اخیر تے بنی دان ؔ دے لشکر دا جھنڈا اَگے ودھایا تے اوہ اَگے پِچھے اگاں ودھے ۔ دانؔ دے لشکر دا سردار عمی شدائی ؔ دا پُتر احیعزرؔ سردار سی ۔
26
تے بنی آشرؔ دے قبلیے دے لشکر اُتے عکران ؔ دا پُتر جبعی ایلؔ سی ۔
27
تے بنی نفتالی ؔ دے قبیلے دے لشکر اُتے عینانؔ دا پُتر احی رَعؔ سی ۔ ایہہ بنی اسرائیلؔ دی ٹُرن دا طریقہ ہُندا سی ۔ جیِہدوں اوہ اَپنی اَپنے لشکراں دے حِساب نال اَگے پِچھے ٹُردے سَن ۔
28
تے مُوسیٰؔ نے حُوباب ؔ توں جیہڑا مُو سیٰؔ دے سوہرے رعوئیل ؔ مدیانی ؔ دا پُتر سی، آکھیا پئی اسیں اوس تھاں وَل جانے آں ۔ جیِہدے بارے خُداوند نے آکھیا اے۔ پئی میں تُہانوں دیواں گا ۔ ایس لئی تُوں ساڈے نال آ۔ اسیں تیرے نال بھلیائی کراں گے ۔ کیوؐں جو خُداوند نے اسرائیلؔ دے نال بھُلیائی دا قول قرار کیِتا اے ۔
29
تے اوہنے اوہنوں جواب دِتا ۔ نئیں میں تیرے نال نئیں جاواں گا ۔ سگوں میں اُپنے دیس تے اَپنے ٹبر دے وَل جاواں گا ۔
30
تے اوہنے آکھیا تُو ساہنو ں ناں چھَڈ ۔ کیوں جو تُوں اُجاڑ چہ رُکن دی تھاواں نُوں جاننا ایں ۔ ایس لئی تُوں ساڈے لئی اکھاں وانگر ہوویں گا ۔
31
تے جیکر تُوں ساڈے نال ٹُریں تے جیہڑی بھُلیائی خُداوند ساڈے نال کرے ۔ اسیں تیرے نال کراں گے۔
32
ایس لئی اوہناں نے خُداوند دے پہاڑ توں تِن دیہاڑیاں دی راہ تے سفر کیِتا ۔ تے خُداوند دے عہد دا صندُوق تینوں دِن دے سفر چہ اوہناں دے نال ٹُردا رہیا ۔ کیوں جو اوہناں دے نال وسن والی تھاں لبھے ۔
33
سو اوہناں نے خُداوند دے پہاڑ توں ٹُر کے تِن دِن دا سفر کیتا تے خُداوند دے عہد دا صُندوق کُل تِن دِن ایس سفر دے وِچ اوہناں دے نال نال ٹُر دا رہیا تاں جو اوہ اوہناں لئی رُکن دی تھاں لبھے۔
34
تے جہدوں اوہ ڈیرے وِچوں کُوچ کر دے سَن تے دِن دے ویلے خُداوند دا بَدل اوہناں دے اُتے ہوندا سی۔
35
تے صندوُق دے نِکلن دے ویلے مُوسیٰؔ ایہہ آکھدا سی ۔ اے خُداوند اُٹھ ۔ تیرے ویری نَس جان ۔ تے تیرے ویری تیرے اِگوں نَسن۔
36
تے اوہدے رہن دے ویلے اوہ آکھ دا سی ۔ اے خُداوند تُوں جیہڑا بدّلاں تے سو اری کردا سی ۔ اِسرائیل ؔ دئ لشکراں دے کول فیر آ۔