1
۔ تد واورولے چوںکلام کرکے خُداوند نے ایوبؔ نُوں آکھیا پئی ۔
2
۔ ایہہ کون اے جیہڑا ناسمجھی دیاں گلّاں کرکے صلاح نُوں چھڈ دیندا اے ؟
3
۔ اَپنا لَک بھن تے تگڑا ہو۔ میں تیرے نال سوال کراں گا ۔ ایس لئی تُوں مینوں دَس ۔
4
۔ تُوں کِتھے جیہدوں میں دھرتی دی نیو رکھی سی ؟ تیرے چہ عقل ہے اے تے دَس ۔
5
۔ کیہ تینوں پتا اے کِنے ایہنوں میچیا ؟ تے کِنے ایہدے تے ڈوری کھِچی ؟
6
۔ کیہڑی شے تے اوہدی نیہِ نئیں رکھی گئی تے کِنے اوہدے سِرے دا پتھر رکھیا ؟
7
۔ جیہدوں سویر تارے رَل کے گاؤندے سَن ۔ تے خُدا دے پُتر خُوشی نال نعرے لاندےسَن۔
8
۔ کِنے سمُندر نُوں بوہویاں نال بند کیِتا ۔ جیہدوں اوہ اینج پھُٹ پیا ۔ جِس طرحاں کُکھ چوں ؟
9
جیِدوں میں بدلاں نُوں اوہد ا لِباس تے ہنیرے نُوں ولیٹن دا کپرا بنایا ۔
10
۔ تے اوہدے لئی میں اَپنیاں حِدیاں مِتھیاں تے اوہنوں بوُہے لائے ۔
11
۔ تے آکھیا ایتھوں تیِکر تُوں آویں گا تے اَگے ناں ودھیں گا ۔ تے ایتھے تیریاں لہراں دا زور ٹُٹے گا ۔
12
۔ کیہِ تُوں اَپنے دیہاڑیاں چہ صبح تے حُکم چلایا اے ۔ یا فجر ویلے اوہدی تھاں دسی اے ۔
13
۔ پئی اوہ دھرتی تے کنڈیاں پھڑ لے تے بدکار اوتھوں نسائے جان گے ۔
14
۔ اوہ اینج بدلدی اے جِس طرحاں مُہر دے تھلے چیِکنی مِٹی ۔ تے اینج جیویں کپڑے پائے ہوئے ظاہر ہو جاندی اے ۔
15
۔ تے بدکاراں توں اوہناں دی لو لے لئی جاوے گی ۔ تے تے ودھائی ہوئی بانہہ بھن دِتی جاوے گی ۔
16
۔ کیِہ تے سُمند ر دے سوتیاں چہ وڑھیا ایں یا ٹوئیاں دے تہہ خانیاں چہ چلیا ایں ؟
17
۔ کیِہ موت دے بُہے تیرے لئی کھولے گئے نیں ۔ یا تُوں موت دے پرچھاویں دیاں برُوہاں نُوں ویکھیا اے؟
18
۔ کیِہ تُوں دھرتی دی ڈوُنگھیائی نُوں جان لیا اے ؟ ایہہ سرا کُجھ جاننا ایں تے دَس؟
19
۔ پئی لو دی تھاں دا کیہڑا راہ اے تے ہنیرے دی تھاں کِتھے آ؟
20
۔ کیوں جو تُوں ہر شے اوہدی حَد تیِکر لے جا سکنا ٰایں ۔ تے تُوں اوہدے گھر دیاں راہواں جاننا ایںَ
21
۔ بناں شَک تُوں جاننا ایں کیوں جو تدھ تُوں جمیا سی تے تیرے دیہاڑیاں دی گِنتی بوہت اے ۔
22
۔ کیِہ تُوں برف دے گوداماں چہ وڑھیاں ایں یا تُوں گڑھیاں دے گوداماں نُوں ویکھیا اے ؟
23
۔ جہنوں میں دُکھ دے ویلے دے لئی تے لڑن تے جنگ دے دیہاڑے لئی رکھیا ہوئیا اے۔
24
۔ کِس راہ وَلوں لو ودھددی تے چڑھدے وَلوں واہ دھرتی تے ونڈی جاندی اے ؟
25
۔ کِہنے میِنہہ دے ہَڑ دے لئی نالیاں تے بجلیاں دی گرج دیاں راہواں مِتھیاں نیں ؟
26
۔ تاں جو اوس دھرتی تے میِنہہ وَسے جِتھے لوکی نئیں ۔ تے اُجاڑ چہ جِِتھے بندے نئیں ۔
27
۔ پئی اُجاڑ تے سُنجی دھرتی تَر ہو جاوے تے سبزیاں ، گھا ہ سُکی دھرتی اُتے اَگ وَسے ۔
28
۔ کیِہ میِنہہ دا کوئی پیو اے ۔ یا کِہنے تریل دے تُمکیاں نُوں جمیا اے ؟
29
۔ ٹھنڈ کیِہدی کُکھ چوں نِکلی اے تے اَسمان د ی بَرف کیِہدے توں جمیا اے ؟
30
۔ جیِہدوں پانی پتھر وانگر ہو کے لُک جاندے نیں تے سمُندر دی حَد جَم جاندی اے ۔
31
۔ کیِہہ تُوں ستاریاں دے گُچھے بنھ سکنا ایں ؟ یا زور آور دا کَمر بَند کھلو سکنا ایں ؟
32
۔ کیِہ تُوں ویلے تے زُہرہؔ ستارے نُوں کڈھ سکنا ایں ۔ یا دُب ؔ سترے دیاں دھیاں سنھے نُوں مَت دینا ایں ؟
33
۔ کیِہ تُوں اسماناں دے قانوناں نُوں جاننا ایں ۔ یا ں اوہناں دا راج وھرتی تے قائم کر سکنا ایں؟
34
۔ کیِہ تُوں اَپنی واج بدلاں تیِکر اُچی کر سکنا ایں ۔ کیوں جو پانی داودھنا تینوں لُکا دیوے ؟
35
۔ کیِہ تُوں بِجلیاں نُوں گھل سکنا ایں ؟ پئی اوہ چلدی جاوے ۔ تے تینوں آکھے پئی اسیں تیرے اَگے حاضر آں
36
۔ کِہنے اَندر عَقل پائی اے یا کِہنے عَقل نُوں ودھایا اے ؟
37
۔ کیہڑا اَپنی عَقل نال بدلاں نُوں گِن سکدا اے ۔ تے کیہڑا اَسمان دیاں مشکناں نُوں روہڑ سکدا اے ؟
38
۔ گھٹا رِل کے تے ڈھیلا بَن جاندا اے ۔ تے ڈھیلے کٹھے ہو جاندے نئیں ۔
39
۔ کیِہ تُوں شیرنی لئی شکار ماریں گا ۔ تے شیر بچیاں دی بُھکھ نُوں پُورا کر دے گا ؟
40
۔ جیِہدوں اوہ اپنیاں غاراں چہ لُکے رہندے نیں ۔ یا جھاڑیاں چہ چھئی لا کے بہندے نیں ۔
41
۔ جنگلی کاں لئی کون کھانا پینا گھلدا اے؟ جِہدوں اوہدے بال خُدا دے کول نسے آندے نیں تے کھانا پیِنا ناں ہون دے سببوں ایدھر اودھر پھردے نیں ۔