¹ ۱۔ایس لئی اے مقدس بھراؤ تُسی آسمانی بُلاوے چہ شریک او۔ تے یسوع دے بارے وچ غور کرو جیڑا رسول تے مُغنی (کاہن) اعظم اے، جِدا اسی اقرار کردے آں۔ ² ۲۔او خُدا دا، جِنے اوہنوں مقرر کیتا وفادار رہیا۔ اُسے طرح جیویں موسیٰ خُدا دے گھر وِچ وفادار رہیا۔ ³ ۳۔تے یسوع، موسیٰ توں ودھ جلال دے لائق ٹھیریا کیوں جو گھر بنان والے دی گھرتوں بُہتی عزّت ہوندی اے۔ ⁴ ۴۔تے ہر اک گھر نوں کوئی نہ کوئی بناندا اے پر ساریاں شیواں نوں رب (خدا) بناندا اے۔ ⁵ ۵۔تے خدا دے سارے گھر وچ موسیٰ وفادار خادم سی نالے اوہ ہون والی شیواں دا گواہ سی۔ ⁶ ۶۔پر یسوع پُتّر وانگوں وفادار اے جیڑا خُدا دے گھر دا اختیار رکھدا اے۔ اَسی اوہدے گھر ہاں جے اَسی اُہنوں جدے تے فخر کرنے آن دلیری تے اُمید نال پھڑ کے رکھیے۔ ⁷ ۷۔ایس لئی، پاک روح ایس طرح فرماندا اے ’’ اج جے تسی اوہدی آواز سندے او، ⁸ ۸۔تے غصے (نافرمانی) وچ اپنے دل سخت نہ کرو۔ جیس طرح اَزمائش دے ویلے غُصّے وچ بیبان چہ کیتے سن۔ ⁹ ۹۔اے اوس ویلے سی جدوں تہاڈے پُرکھاں نے مینوں آزمایا تے جدوں چالی سال تک اوہناں نے میرے کم ویکھے۔ ¹⁰ ۱۰۔ایس لئی میں اُس پیڑھی تو خفا ہو کے کہیا (انسان دے دل ہمیشہ گمراہ) کہ اے اینے دِلاں چہ ہمیشہ برباد ہوئے نئیں، انسان نے میری راہواں نو نہ جانیا۔‘‘ ¹¹ ۱۱۔اے ایسے طرح ای اے کہ اپنے غُضّے چہ میں قسم کھادی کہ اے میرے آرام چہ داخل نہ ہون گے۔ ¹² ۱۲۔بھائیو ہوشیار روؤ کے تہاڈے وچوں کوئی وی بے ایمان تے دل چہ بدی رکھن والا نہ ہووے۔ اوہ دِل جیڑا زندہ خدا توں پِھر جاوے۔ ¹³ ۱۳۔پر تُسی ہر روز اِک دوجے دا حوسصلہ ودھاندے رؤو، جدوں تیک اَج کہلاندا اے، تا ں جو تہاڈے وچوں کوئی وی گناہ دے فریب دی وجہ توں ڈھیٹ (سخت دل) نہ ہووے۔ ¹⁴ ۱۴۔تے اسی مسیح دے ساتھی بن گئے آن جے اسی شُروع توں آخیر تک اوہدے تے اعتقاد رکھیئے۔ ¹⁵ ۱۵۔ایہدے بارے چہ ایہ کہیا گیا اے کہ ’’ اج، جے تُسی اُہدی آواز سُندے او تے آپنے دِل سخت نہ کرو جیویں تلخی تے اشتعال وِچ کیتے سن۔‘‘ ¹⁶ ۱۶۔او کون سن جنہاں نے خُدا دی آواز سُنی تے اشتعال وچ آگئے؟ تے اے اوہ سارے نئیں سن جنہاں نوں موسیٰ نے مصر توں کڈھیا سی؟ ¹⁷ ۱۷۔ اَتے اوہ کیہڑیاں لوکاں توں چالی وریاں تیک رِنج رہیا؟ کیِہ اوہناں توں نئیں جِنھاں نیں پاپ کیِتا اَتے اوہناں دیاں لاشاں اُجاڑ وِچ پئیاں رہیاں؟ ¹⁸ ۱۸۔اَتے کیہڑے لوکاں بارے اوہنے قسم کھادی پئی اوہ میرے آرام وِچ داخل نئیں ہوسکن گے سوائے اوہناں دے جِنھاں نے اِک نا سُنی؟ ¹⁹ ۱۹۔سو اَسیں ویکھنے آن پئی اوہ بے ایمانی دے سببوں داخل نہ ہوسکے۔