¹ ۱۔ایس لئی سانوں ہور دھیان کرنا چہیدا اے اوہدے اُتے جو اسی پہلوں سُنیا اے۔ تاں جو اسی اوہدے توں مُڑ نہ جائے۔ ² ۲۔جے فرشتیاں تھیں دِتا گیا سنہھا بھروسے والا ثابت ہندا تے ہر قصور تے حکم نہ منن دی سزا ہُندی۔ ³ ۳۔اسی کیویں بچ سکنے آن جے اسی وڈی مکتی تو غافل رہیے۔ اے او مکتی اے جیڑی پہلے خداوند نے دسی تے جنہاں نے سُنی اوہاناں نے (پکی کِیتی) ساہڈے لئی تصدیق کیتی۔ ⁴ ۴۔ایہدی خُدا نے نشانیاں، عجیب تے کئی زور آور کماں نال اہدی گواہی دِتی، تے اپنی مرضی نال روحِ پاک دے تحفے ونڈے۔ ⁵ ۵۔کیوں جو رب نے آن والی دنیا فرشتیاں دے (قبضے) اختیار چ نہیں کِتی، جدے بارے اسی گل کر رہے آن۔ ⁶ ۶۔بلکہ کِسے ہور نے کِسے ہور تھاں ایدی گواہی دتی اے، اے کہہ کہ ’’ انسان کی اے، کہ تُوں اوہدے تے دھیان کریں؟ ‘‘ یا آدمی دا پُتر کہ تُوں اوہدا خیال کریں؟ ⁷ ۷۔تُوں انسان نوں فرشتیاں توں ذرا جیاں گھٹ بنایا۔ تُوں اونوں جلال تے عزت دا جاف پایا۔ نوٹ:’’ تے اونوں اپنے ہاتھاں دی کاری گری دا ذمہ دِتا۔‘‘ کُجھ پرانیاں کتاباں چ لکھیا۔ ⁸ ۸۔تُوں ہر شے اوہدے پیران تھلے کر دِتی۔ کیوں جو ایہہ اوہ اے جدے قبضے وچ رب نے ساریاں شےواں دِیتاں۔ اوہنے کوئی شے نہیں چھڈی جیڑی اوہدے تھلے تے اوہدی مرضی تھلے نہ ہووے۔ پر ہن اسی ہر شے اوہدے قبضے تھلے نہیں ویکھدے۔ ⁹ ۹۔پر اسی اوہنوں ویکھایا جنہوں تھوڑی دیر لئی فرشتیاں تو گھٹ بنایا گیا سی، یسوع، جنہوں دُکھاں تے موت دی وجہ توں جلال تے عزت دا تاج پوایا گیا۔ تاں جو رب دے فضل نال او ساریاں لئی موت دا مزہ چکھے۔ ¹⁰ ۱۰۔پر خُدا لئی اے ٹھیک سی، کیوں جو سب کُجھ اوہدے لئی ای بنیا سی تے اوہدے وچوں ہی بنیا سی تاکہ بتھیرے پُتراں نوں جلال چ لے جا سکے۔اے اوہدے لئی ٹھیک سی کہ اوہناں دی مکتی جیڑی دُکھاں نال پوری ہوئی۔ اوہدا سردار اوہنوں بنائے۔ ¹¹ ۱۱۔ کیوں جو اوہوں جیہڑا پاک کردا اے تے اور جیڑے پاک کئے گئے نے، اوہناں دا اِک ہی سوتا (منبع) اے۔ ایس لئی او اوہناں نو پرا کہن تو شرماندا نئی۔ ¹² ۱۲۔ او (یسوع) کہندا اے ’’ میں اپنے پیراواں نوں تیرا ناں دساں گا۔ میں مجمع وچ تیرے گیت بارے گاواں گا۔‘‘ ¹³ ۱۳۔تے فیر ’’ میں اوہدے تے یقین (بھروسہ) دکھاواں گا۔ تے فیر، ویکھو، میں تے جیڑے بچے رب (خُدا) نے مینوں دِتے نے ایتھے نے۔ ¹⁴ ۱۴۔ایس لئی، جیویں خُدا دے بچے خون تے گوشت وچ نئیں، یسوع وی اوسی طرح اوہناں نال شے واں ونڈ دا اے، تاں جو موت چوں ہو کے اوجت سکے اوہدے کولوں جدھے کول موت او تے اختیار اے، تے او، شیطان اے۔ ¹⁵ ۱۵۔ایہ ایس لئی ہویا جو او (یسوع) اوہناں ساریاں نوں موت دے ڈر دی غلامی توں آزاد کرلے۔ ¹⁶ ۱۶۔بے شک اوہنوں فرشتیاں (نال کوئی سروکار) دی فکر نہیں، بلکہ، او ابراہام دے بیج نے، جدی اونہوں فِکر اے۔ ¹⁷ ۱۷۔ایس لئی اے ضروری سی کہ وہ ہر طرح نال اپنے پراواں وانگوں ہر طرح بنے، تاکہ او خدا دے سامنے اک رحم دل تے وفادار (کاہن) وڈا امام خدا دے کماں لئی بنے تے لوکاں دے پاپاں لئی معافی حاصل کرے۔ ¹⁸ ۱۸۔کیوں جو یسوع آپ آزمایا گیا تے اونے دُکھ جَریا، ایس لئی او اوہناں دی مدد کر سکدا اے جیڑے آزمائے جاندے نے۔