1
. تے خداوند نے نوح نوں آکھیا پئی توں اپنے سارے خنوادے نال کشتی وچ آ کیو ں جے میں صرف تینوں ای ایس زمانے وچ نیک و کھیا اے۔
2
. سارے پاک جانوراں وچوں ست ست نر تے اوہنا ں دی مادہ تے اوہناں وچوں جیہڑے پاک نئی نے دو دو نر تے اوہناں دی مادہ اپنے نال رکھ لویں ۔
3
. تے ہوا دے پرندیاں وچوں وی ست ست نر تے مادہ لویں تاں جے دھرتی اتے اوہناں دی نسل باقی روے۔
4
. کیوں جے ست دناں دے مگروں میں دھرتی اتے چالی دیہاڑے تے چالی راتاں پانی وساواں گا تے ہر جان دار شے نوں جیہڑی میں بنائی اے دھرتی توں مٹا دواں گا۔
5
. تے نوح نے اوہ سب کیتا جدا خدا نے حکم دتا سی ۔
6
. تے نوح چھ سو ورہیاں دا سی جدوں پانی دا طوفان آیا۔
7
. تد نوح تے اوہدے پتر تے اوہدی کار والی تے اوہدے پتراں دیاں کاروالیاں ا وہناں دے نال طوفان دے پانی توں بچن لئی کشتی وچ گئے۔
8
. تے پاک جانوراں وچوں تے اوہناں وچوں جیہڑے پاک نئی سن تے پرندیاں تے دھرتی اتےرہڑن والے جان داراں وچوں۔
9
. دو دو نر تے مادہ کشی وچ نوح دے کول گئے جینوے خدا نے نوح نوں حکم دتا سی۔
10
. تے ست دیہاڑں مگروں انج ہویا پئی طوفان دا پانی دھرتی اتے آگیا۔
11
. نوح دی عمر دا چھ سو ورا سی تے اوہدے دوجے مہینے دی ٹھیک ستارہویں تاریخ نوں وڈے سمندر دے سارے سوتےپاٹ گئے تے اسمان دیاں باریاں کھل گیئاں۔
12
. تے چالی دیہاڑے تے چالی رات دھرتی اتےمینہ وسدا رہیا۔
13
. اوسے د یہاڑے نوح تے نوح دے پتر سم،حام تے یافت تے نوح دی کار والی تے اوہدے پتراں دیاں کار والیاں ۔
14
. تے ہرنسل دا جانور تے ہر طرح دا چوپا یہ تے ہرطرح دا دھرتی اتےرہڑن والا جان دار تے ہر طرح دا پرندہ تے ہر نسل دیاں چڑیاں سارے کشتی وچ وڑے۔
15
. تے اوہ جیہڑے جیون دا ساہ رکھدے نیں اوہناں وچوں دو دو نوح دے کول کشتی وچ آئے۔
16
. تے جیہڑے اندر آئے اوہ جیویں خدا نے حکم دتا سی سارے جانوراں دے نر تے مادہ سن۔ فیر خداوند نے اوہنوں باروں بند کر دتا۔
17
. تے چالی دیہاڑے تیکر دھرتی تے طوفان رہیاتے پانی ودھیا تے کشتی نوں اتے چک دتا۔سو کشتی دھرتی توں اتے چکی گئی۔
18
. تے پانی دھرتی اتے چڑدا ای گیاتےبتھیرا ودھ گیا تے کشتی پانی دے اتے تر دی رئی۔
19
. تے پانی دھرتی تے بتھیرا چڑ گیا تے سارے پہاڑ جیہڑے دنیا وچ نے لک گئے۔
20
. پانی اوہناں توں پندرہ ہتھ ہور اتے چڑھیا تے پہاڑ ڈوب گئے ۔
21
. تے سارے جانور جیہڑے دھرتی تے ٹردے سن پرندے تے چوپائے تے جنگلی جانور تے دھرتی تے سارے رہڑن والے جان دار تے سارے بندے مر گئے۔
22
. تے خشکی دے سارے جان دار جناں چہ جیون دا ساہ سی مر گئے۔
23
.سگوں ہر جیوندی شے جیہڑی ساری دھرتی تے سی مر گئی ۔کی انسان تے کی حیوان تے کی رہڑن وا ے جان دار تے کی ہوا دے پرندے سارے دے سارےدھرتی توں مک گئے۔صرف اک نوح ہی باقی بچیاتے او ہ جیہڑے اوہدے نال کشتی وچ سن۔
24
. تے پانی دھرتی تے اک سو پنجا د یہاڑے تیکر چڑھ دا رہیا۔