1
. جدوں ساری دھرتی تے آدمی بتھیرے ودھن لگے تے اوہناں توں دھیاں جمیاں۔
2
. تے خدا دے پتراں نے آدمی دیاں دھیاں نوں ویکھیا پئی اوہ بتھیریاں سوہنیاں نیں تے جیہڑیاں اوہناں نوں جچیاں اوہناں نوں ویاہ لیا ۔
3
. تد خداوند نے آکھیا پئی میری روح انسان دے نال سدا سختائی نہ کر دی روے گی کیوں جے اوہ وی تے جیوندی جان نئیں تے فیر وی اوہدی عمر اک سو وی ورے ہووے گئی۔
4
. اوہناں دیہاڑیاں چہ دھرتی تے ا چے لمے تے زور والے لوکی سن ۔تے جدوں خدا دے پتر انسان دیاں دھیاں کول گئے تے اوہناں لئی اولاد ہوئی تے ایہی پرانے وقتاں دے لڑاکو سن جیہڑے بتھیرے ناں والے ہو ئے۔
5
. تے خداوند نے وکھیا پئی دھرتی اتے انسان دی بریائی بتھیری ودھ گئی اے تے اوہدے من دے وچار سدا پیڑے رہندے نیں۔
6
. تد خداونددھرتی تے انسان نوں بنان توںمن وچ دکھی ہویا۔
7
. تے خداوند نے آکھیاپئی میں انسان نوں جنوں میں بنایا ساری دھرتی توں مٹا دواں گا۔ تے انسان توں لے کے حیوان تے ر ہڑن والے جانداراں تے ہوا دے پرندیاں تیکر ساریاں نوں کیوں جے میں اوہناں دے بنان توں دکھی ہاں۔
8
. پر نوح خدا نوں پسند آیا۔
9
. نوح دا شجرہ اے وے۔نوح اک سچا تے اپنے دور دے لوکاں وچ بدی توں پاک بندہ سی تے نوح خدا دےنال نال ٹر دا سی۔
10
. تے اوہدے تین پتر سم،حام تے ییافت جمے۔
11
. پر دھرتی خدا دے اگے پلیت ہوگئی سی تے ظلم نال بھر گئی سی۔
12
. تے خدا نے دھرتی تے نظر کیتی تے و کھیا او ہ پلیت ہوگئی اےکیوں جے ہر بندے نے دھرتی اتے اپنا طریقہ وگاڑ لیا سی ۔
13
. تے خدا نے نوح نوں آکھیا پئی ساریاں انساناں دا خیر میرے سامنے آ گیا اے کیوں جے اوہناں دی وجہ توں دھرتی ظلم نال بھر گئی اے سو ویکھ میں دھرتی دے نال اوہناں نوں مار دواں گا۔
14
. تو ں گوپھر دی لکڑ دی اپنے لئی اک کشتی بنا ۔اوس کشتی وچ کوٹھڑیاں بنائیں تے اوہدے اندر تے بار رال لاویں۔
15
. تے اوس کشتی دی لمبائی تن سو ہتھ،تے چوڑائی پنجاہ ہتھ، تے اونچائی تی ہتھ ہووے۔
16
. تے اوس کشتی وچ اک باری بنایں تے اوْپروں اک ہتھ چھڈ کے اوہنوں مکا دویں تے اوس کشتی دا بوہا اوہدے اک پاسے رکھیں تے ا وہدیاں تین منزلاں بنایں۔ تھلڑا،دوجا تے تیجا۔
17
. تے ویکھ میں آپ دھرتی تے پانی دا طوفان لیان والا ہاں تا ں جے سارے انسان جناں وچ جیون دا ساہ وے جگ توں مکا دواں تے سارے جیہڑے دھرتی تے نیں مر جان گے ۔
18
. پر تیرے نال میں اپنی سوہ منگاں گا تے توں کشتی وچ جایں۔تے توں تے نال تیرے پتر تے تیری کار والی تے تیرے پتراں دیاں کار والیاں۔
19
. تے جانوراں دیاں ساریاں قسماں وچوں دو دو اپنے نال کشتی وچ لئیں تاں جے اوہ تہاڈے نال جیوندے رہن۔او ہ نر تے مادہ ہون۔
20
. تے پرندیاں دی ہرنسل وچوں تے چرندیاں دی ہر نسل وچوں تے زمین تے رہڑن والیاں دی ہر اک نسل وچوں دو دو تیرے کول آن تاں جے جیوندے رہن۔
21
. تے توں ہر طرح دی کھان والی شے اپنے کول کٹھی کر لئیں کیوں جے ایہی تیرے تے اوہناں دے کھان لئی ہوئے گا۔
22
. تے نوح نے انج ای کیتا۔ جیویں خدا نے اوہنوں حکم دتا سی اونج ای اوہنے کیتا۔