1
. سپ ساریاں جانوراں وچوں جیہڑے خدا نے بنائے چاتر سی تے اوہنے عورت نوں آ کھیاپئی کی سچ مچ خدا نے آ کھیا وے پئی باغ دے کسی درخت دا پھل تو نہ کھائیں؟
2
. عورت نے سپ نوں آکھیا پئی باغ دے در ختاں دا پھل تے اسی کھانے ہاں۔
3
. پر جیہڑا درخت باغ دے وچکار اے اوہدے پھل لئی خدا نے آکھیا اے پئی تسی نہ تے اوس پھل نوں کھانا تے ناای ہتھ لانا نئی تے مر جاو گے۔
4
. تد سپ نے عورت نوں آکھیا پئی تسی کدی نہ مرو گے۔
5
. سگوں خدا جانداوے پئی جدوں تسی اوہنوںکھاو گے تیہاڈیاں اکھاں کھل جان گیاں تے تسی خدا دی وانگوں چنگا تے مندا سیان والے بن جاو گے۔
6
. عورت نے جدوںوکھیا پئی اوہ درخت کھان لئی چنگا تے اکھاں نوں سوہنا لگدا وےتے سیانے ہون لئی چنگا وے تے اوہنے پھل لئیا تے کھادا تے اپنے کار والے نوںوی دتا تے اوہنےوی کھادا۔
7
. تد دوواں دیاں اکھاں کھل گئیاں تے اوہناں نوں پتا لگیا پئی اوہ ننگے نئیں ۔ اوہناں نے انجیر دیاں پتیاں سی کے اپنے لئی لنگیاں بنایاں۔
8
. تے اوہناں نے خداوند خدا دی واج جیہڑا ٹھنڈےویلے باغ وچ پھر دا سی سنی تے آدم تے اوہدی کار والی نے اپنے آپ نوں خداوند خدا توں باغ دے درختاںوچ لکا لیا۔
9
. تد خداوند خدا نے آدم نوں بلایا تے پچھیا توں کتھےویں ؟
10
. اوہنےآکھیا میں باغ وچ تیری واج سنی تے میں کابر گیا کیوں جے میں ننگاساں تے میں اپنے آپ نوں لکایا۔
11
. اوہنےآکھیا تینوں کنےدسیاپئی توں ننگاویں ؟ کی توں اوس درخت دا پھل کھاداوےجدا میں تینوں حکم دتا سی پئی ناکھاوئیں ؟
12
. آدم نے آکھیاجیہڑی عورت نوں توں میرے نال کیتاوےاوہنےمنوں اوس درخت دا پھل دتا تے میں کھادا۔
13
. تد خداوند خدا نے عورت نوں آکھیا پئی توں اے کی کیتا ؟ عورت نے آکھیا پئی سپ نے منوں گلاں اچ لیاندا تے میں فیر کھادا۔
14
. تے خداوند خدا نے سپ نوں آکھیا پئی کیوں جےتوں اے کیتا تے توں ساریاں جانوراںوچ لعنتی ہویا ۔توں اپنے ڈھڈ پرنے ٹریں گا تے اپنی ساری عمر مٹی چٹیں گا۔
15
. تے میں تیرے تے عورت دے وچ تے تیری نسل تے عورت دی نسل وچ ویر پاواں گا۔اوہ تیرے سر نوں پھین گے تے توں اوہدی اڈی نوں ڈنگ ماریں گا۔
16
. فیر اوہنے عورت نوں آکھیا پئی میں تیرے بچہ جمن دی پیڑ نوں چوکھا ودھاواںگا۔توں پیڑ نال بچہ جمیں گی تے تیرے کار والے ول تیری چاہ ہووے گی تے اوہ تیرے اتے حکومت کرے گا۔
17
. تے آدم نوں آکھیا کیوں جے توں اپنی کار والی دی گل منی تے اوس درخت دا پھل کھاداجدا میں تینوں حکم دتا سی پئی نہ کھاویں ایس لئی دھرتی تیرے وجہ توں لعنتی ہو ئی توں ساری عمر کشٹ کر کے اوہدی اگائی کھاویں گا۔
18
. اوہ تیرے لیی کنڈے اوگائے گی تے توں پیلی دا ساگ پت کھاویں گا۔
19
. توں اپنے منہ دے پسینے دی روٹی کھاویں گا جدو ں تیکر توں پرت زمین وچ مڑ نہ جاویں ۔کیوں جے توں اوہدے وچوں کڈیا گیا ویں۔ کیوں جے توں مٹی ایں تے فیر پرت مٹی وچ جایں گا۔
20
. تے آدم نے اپنی کار والی داناں حوا رکھیاایس لئی پئی اوہ ساریاں جینودیاں دی ماں وے۔
21
. تے خداوند خدا نے آدم تے اوہدی کار والی لئی چمڑے دے کرتے بنا کے اوہناں نوں پوائے۔
22
. تے خداوند خدا نے آکھیاویکھو انسان چنگے تے مندے دی پچھان وچ ساڈےچوں اک ورگا ہو گیا اے ہن انج نہ ہو ئے پئی اوہ اپنا ہتھ ودھائے تے جیون دے درخت وچوں کجھ کھا لوے تے ساری حیاتی جیونداروے۔ٓ
23
. ا یس لئی خداوند خدا نے اوہنوں باغ عدن وچوں بار کڈ دتا تاں جے اوہ اوس زمین دی جدےوچوں او ہ لیا گیا سی واہے۔
24
. تاں فیر اوہنے آدم نوں بار کڈدتاتے باغ عدن دے پورب دی ول فرشتیاں نوں تے آلے دوالےگھمن والی اگ دیاں تلواراں نوں رکھیا پئی اوہ جیون دے درخت دی راہ دی راکھی کرن۔