¹ . تے آدم اپنی کاروالی حوا دے کول گیا تے اوہ امید چوں ہوئی تے قائن جمیا ۔ تد اوہنے آکھیامینوں خداوند کولوں اک مرد ملیا۔ ² . فیر قائن دا بھرا ہابل جمیا تے ہابل اجڑاں دا پالی تے قا ئن زمین دا ہاڑی سی۔ ³ . کجھ دیہاڑیاں مگروں انج ہویا پئی قائن اپنی پیلی دے پھل دا ہدیہ خداوند دے لئی لیایا۔ ⁴ . تے ہابل وی کجھ اپنے اجڑ دے پلو ٹھیاں تے اوہناں دی چربی دا ہدیہ لیایا تے خداوند نے ہابل نوں تے اوہدے ہدیے نوں قبول کیتا۔ ⁵ . پر قائن تے اوہدےہدیےنوں قبول نہ کیتاایس لئی قائن بتھیرا غصے وچ آیا تے منہ لتھ گیا ۔ ⁶ . تے خداوند نے قائن نوں پچھیا پئی توں کیوں غصہ کرنا وئیں تے تیرا منہ کیوں لتھیا ہویا وے؟ ⁷ . جے توں بھلیائی کریں تے کی پسند نہ کیتا جاوئیں گا؟تے جے توں بھلانہ کریں تے بریائی بوہےاتے بیٹھی تے تیری تاڑ وچ وے پر توں اوہدےاتے بھاراہو۔ ⁸ . تے قا ئن نے اپنے بھرا ہابل نوں کجھ آکھیا تے جس و یلےاو ہ پیلی وچ سن تے انج ہویا پئی قا ئن نے اپنے بھرا ہابل نوں ماریا تے اوہنوں قتل کر دتا۔ ⁹ . تد خداوند نے قائن نوں آکھیاپئی تیرا بھرا ہابل کتھےوے؟ اوہنے آکھیا مینوں نئی پتا ۔کی میں اپنے بھرا دا راکھا ہاں؟ ¹⁰ . فیر اوہنے آکھیا اے توں کی کیتا ؟ تیرے بھرا دا لہو زمین چوں مینوں سد رہیا وے۔ ¹¹ . ہون توں زمین ولوں لعنتی ہویا جنے اپنا منہ کھولیا پئی تیرے ہتھوں تیرے بھرا دا لہو لئے۔ ¹² . جدوں توں زمین دی واہی کریں گا تے اوہ تیرے لئی اپنی پوری فصل نئی دوے گی تے توں دھرتی اتے ذلیل تے بگوڑہ ہویں گا۔ ¹³ . تدقائن نے خداوند نوں آکھیا پئی میری سزا برداشت توں ودھ وے۔ ¹⁴ . ویکھ اج توں دھرتی وچوںمینوں کڈ دتا وے تے میں تیرےاگوں ٹر جاوں گا تے ز مین تےذلیل تےبگوڑہ رہواں گا تے انج ہو ئے گاپئی جیہڑا کوئی مینوں لبھے گا اوہ مینوں وڈ سٹے گا۔ ¹⁵ . تد خداوند نے اوہنوں آکھیا نئی پئی جیہڑاقائن نوں قتل کرے اوہدے کولوں ست گنابدلہ لئیا جاوے گا تے خداوند نے قائن لئی اک نشان ٹھہرایا تاں جے کوئی اوہنوں لبھ کے مار نہ دوے۔ ¹⁶ . تے قائن خداوند دے اگوں ٹر گیا تے عدن دے مشرق ول نور دے تھاں وچ و س گیا ۔ ¹⁷ . تے قائن اپنی کاروالی دے کول گیا تے اوہ امید توں ہوئی تے حنوک جمیا تے اوہنے اک شہر وسایاتےاوہداناں اپنے پتر دے ناں اتےحنوک رکھیا۔ ¹⁸ . تے حنوک توں عیرادجمیا تے عیراد توں محو یا ایل جمیا تے محویاایل توں متوساایل جمیا تے متوسا ایل توں لمک جمیا۔ ¹⁹ . تے لمک دو عورتاں ویاہ لیایا ۔اک داناں عدہ تے دوجی داناں ضلہ سی۔ ²⁰ . تے عدہ توں یایل جمیا ۔ اوہ تمبواں وچ رہن والے تے اجڑاں نوں پالن والیاں دا پیو سی ۔ ²¹ . تے اوہدے بھرا داناں یابل سی او ہ بین تے بانسلی وجان والیاں دا پیو سی ۔ ²² . تے ضلہ توںوی توبلقائن جمیا جیہڑا پیتل تے لوہے دے سارے تیز ہتھیاراں دا بنان والا سی تے نمعہ تو بلقائن دی بھین سی۔ ²³ . تے لمک نے اپنیاں کاروالیاں نوں آکھیا پئی عدہ تے ضلہ میری گل سنو! لمک دی کاروالیومیری گل تے دھیان لاو۔ میں اک مرد نوں جنے مینوں زخمی کیتا ، قتل کیتا تے اک جوان نوں جنے میرے سٹ لائی قتل کر دتااے ۔ ²⁴ . جے قائن دا بدلہ ست گنا لئیا جائے گا تے لمک دا ستر تے ست گنا۔ ²⁵ . تے آدم فیر اپنی کاروالی دے کول گیا تے اوہدا اک ہور پتر ہویا اوہداناں سیت رکھیا تے اوہ کہن لگی پئی خداوند نے ہابل باجوں جیہڑاقائن نے قتل کر دتا سی مینوں دوجا پتر دتا وے۔ ²⁶ . تے سیت دے وی اک پتر ہویا جداناں اوہنے انوس رکھیا۔ اوس ویلےتوں لوک یہوواہ داناں لے کے دعا منگن لگ پئے۔