1
. تے اسمان تے دھرتی تے اوہناں دے سارے لشکر دا بنانا مکیا ۔
2
. تے خدا نے اپنے کم نوں جیہڑا اوہ کر دا سی ستوئیں دیہاڑے مکایا تے اپنے سارے کم توں فارغ ہویا۔
3
. تے خدا نے ستوئیں دیہاڑے نوں برکت دتی تے اوہنوں مقدس ٹھہرایا کیوں جے اوس دیہاڑے خدا ساری کا ئنات نوں جنوں اوہ بنا رہیا سی بنا کے فارغ ہویا۔
4
. اے وے اسمان تے دھرتی دا سارا خلق کیتا جانا جدوں اوہ بنے تے جیہڑے دیہاڑے خدا نے اسمان تے دھرتی نوں بنایا۔
5
. تے دھرتی تے کھیت دا کوئی بوٹا نئی سی تے نہ ای کوئی میدان وچ ساگ پت اگی سی کیوں جے خدا نے دھرتی اتے مینہ نئی سی وسایا تے نہ کو ئی دھرتی تے بندہ سی جیہڑا کھیتی باڑی کردا۔
6
. جد کے دھرتی توں دھند اٹھ کے ساری زمین نوں سینجدی سی ۔
7
. تے خدا نے دھرتی دی مٹی توں آدمی نوں بنایا تے اوہدیاں ناساں وچ جیون دا ساہ پھوکیا تے فیر آدمی جیوندی جان ہویا۔
8
. تے خداوند نے پورب ول عدن وچ اک باغ لایا تے جیہڑے آدمی نوں اوہنے بنایا سی اوتھےرکھیا۔
9
. تے خدا نے ہر درخت نوں جیہڑاویکھن تے کھان وچ چنگا سی دھرتی تے اگایاتے باغ دے وچکار جیون دا درخت تے چنگے مندے دی سیان دا درخت وی اگایا ۔
10
. تے عدن وچوں اک دریا باغ نوں سنجن لئی نکلیا جیہڑااوتھوں چار ندیاں وچ ونڈیا گیا۔
11
. پہلی داناں فیسون وےجیہڑی حویلہ دی ساری دھرتی نوں گھیرےہوئےسی جتھے سونا ہندا اے ۔
12
. تے اوس دھرتی دا سونا چوکھا سی تے اوتھے موتی تے سلیمانی پتھر وی ہےنے۔
13
. تے دجی ندی داناں جیحون وےجیہڑی کوش دی ساری دھرتی نوں گھیرے ہوئے اے۔
14
. تے تیجی ندی دانا دجلہ وےجیہڑی اسور دے پورب نوں جاندی اے تے چوتھی ندی دانا فرات وے۔
15
. تے خداوند خدا نے آدم نوں لے کے باغ عد ن وچ رکھیاپیئ اوہ باغ دی راکھی کرے۔
16
. تے خدا نے آدم نوں حکم دتا تے آکھیاپئی توں باغ دے ہر درخت دا پھل بنا روک ٹوک کھا سکنا وے۔
17
. پر چنگیائی تے مندیائی دی سیان والے درخت دا پھل کدی نہ کھاوئیں کیوں جے جیہڑےدیہاڑے توں اوہدا پھل کھادا توں مر جاوئیں گا۔
18
. تے خدا نے آکھیا پئی آدم دا کلا رہنا چنگا نئی۔ میں اوہدےلئی اک مددگاراوہدےوانگوں دابناواں گا۔
19
. تے خداوند خدا نے سارے جانور تے ہوا دے سارے پرندے مٹی نال بنائے تے آدم دے کول لے کے آیا تاں جے اوہناں نوں و یکھے تے اوہناں دے ناں رکھے تے آدم نے جیہڑے جانور نوں جیہڑانا ں دتا اوہی اوہداناں بن گیا۔
20
. تے آدم نے ساریاں چوپایاں تے ہوا دے پرندیاں تے ساریاں جانوراں دے ناں رکھے پر آدم لئی کوئی مدد گار اوہدےوانگوں نہ لبھیا۔
21
. تے خداوند خدا نے آدم تے گوڑی نیندربھیجی تے اوہ سو گیا تے اوہنے اوہدیاں پسلیاں وچوں اک نوں کڈ لیا تے اوس تھاں تے گوشت بھر دتا۔
22
. تے خداوند خدا اوس پسلی چوں جیہڑی اوہنے آدم وچوں کڈی سی اک عورت بنا کے آدم کول لیائیا۔
23
. تے آدم نے آ کھیا پئی اے تے ہن میری ہڈیاں وچوں ہڈی تے میرے گوشت وچوں گوشت وےایس لئی ناری اخوائی جائے گی کیوں جے اوہ نر وچوں کڈی گئی ۔
24
. ایس لئی مرد اپنے ماں پےچھڈکے اپنی کار والی نال ملیاروے گا تے اوہ اک جسم ہون گے۔
25
. تے آدم تے اوہدی کار والی دوئیں ننگے سن پر چکدے نئی سن۔