¹ . فیر اضحاق نے یعقوب نوں سدیا تے دعا د تی تے پکا کیتا پئی توں کنعانی کڑیا ں وچوں کسے نل ویاہ نہ کری۔ ² . توں اٹھ کے فذان ارام وچ اپنے نانا بیتوا یل دے کار جا تے اوتھے اپنے مامے لابن دیاں کڑیاں وچوں کسے اک نوں ویاہ لیئں۔ ³ . تے خداواں دا خدا تینوں بھاگ لائے تے تینوں سوہنے بختاں والاکرے تے ودھائے پئی تیرے توں قوماں دے جتھے جمن۔ ⁴ . تے اوہ ابرہام دی برکت تینوں تے تیریاں نسلاں نوں دئے پئی تیری پینڈے لئی اےدھرتی جیہڑی خدانےابرہام نوں دتی تیری جاگیرہو جاے۔ ⁵ . فیراضحاق نے یعقوب نوں ٹوریا تے اوہ فدان ارام وچ لابن دے کول جیہڑاارامی بتیوایل دا پتر تے یعقوب تے عیسو دی ماں ربقہ دا بھرا سی۔ ⁶ . تے جدوں عیسو نے وکھیا پئی اضحاق نے یعقوب نوں دعا دے کے فذان ارام گھل چھڈیاوے تاں جے اوہ اوتھو ں کرا والی ویاہ کے لیائے تے اوہنوں دعا دیندےویلے اے وی آکھیا پئی توں کعنانی کڑیاں وچوں کسی نال نہ ویاہ کریں۔ ⁷ . تے یعقوب ا پنے ماں پے دی گل من کے فذان ارام نوں ٹر گیا۔ ⁸ . تے عیسو نے اے وی ویکھیا پئی کعنانی کڑیاں اوہدے پیو اضحاق نوں چنگیاں نئی لگدیاں۔ ⁹ . تے عیسو اسمعیل دے کول گیا تے مہلت نوں جیہڑی ابرہام دے پتر اسمعیل دی دھی تے بنایوت دی بھین سی ویاہ کے اوہنوں اپنیاں کاروالیاں وچ رلا لئیا۔ ¹⁰ . تے یعقوب بیر سبع چوں نکل کے حاران ول گیا۔ ¹¹ . تے اک تھاں تے اپڑ کے ساری رات اوتھےای ریاکیوں جے سورج ڈوب گیا سی۔ تے اوہنے اوس تھاں دے پتھراں وچو ں اک چک کے اپنے سرہانے دھر لئیا تے اوتھےای سون لئی پے گیا۔ ¹² . تےسفنےوچ کی ویندا ا ے پئی اک پوہڑی زمین تے کھلوتی وے تے اوہدا سرا اسمان تیکر اپڑیا ہویا اےتے خدا دے فرشتے اوہدےاتےچڑھدے تے اتر دے نے۔ ¹³ . تے خداوند اوہدےاتےکھلوتا آکھ ریا وے پئی میں تیرے پیو ابرہام دا خدا تے اضحاق دا خدا ہاں۔میں اے زمین جدے اتے توں لما پئیا ایں تینوں تے تیری نسل نوں دواں گا۔ ¹⁴ . تے تیری نسل زمین دی دھوڑ تے ذریاں دے وانگوں ہوے گی تے توں پورب تے پچھم تے اتر تے دکن ول کھلر جاویں گا تے دھرتی دے سارے قبیلے تیرے تے تیری نسل توں برکت پان گے۔ ¹⁵ . تے ویکھ میں تیرے نال ہاں تے ہر تھاں تے جتھےوی توں جایں گا تیری راکھی کراں گا تے تینوں اوس ملک وچ فیر پتر لیاواں گا تے میں جو تینوں آکھیاوےجدوں تیکر پورا نہ کر لواں تینوں نئی چھڈاں گا۔ ¹⁶ . فیر یعقوب اٹھ پئیا تے آکھن لگا خداوند ایس تھاں تے وےتے مینوں پتا نئی سی۔ ¹⁷ . تے اوہنے کابر کے آکھیا اے کینج دی ڈرونی تھاں وے! تے اے خدا دے کار تے اسمان دے بوہے دے سوا ہورکجھ نئی ہوئے گا۔ ¹⁸ . تے یعقوب لوڈےویلےاٹھیاتے اوس پتھر نوں جیہڑا اوہنے اپنے سرانے رکھیا سی تھم وانگوں کھلاریا تے اوہدے سرے تے تیل ڈولیا۔ ¹⁹ . تے اوس تھاں داناں بیت ایل رکھیا۔ پر پلے اوس بستی دا ناں لوز سی۔ ²⁰ . تے یعقوب نے منت منگی تے آکھیا جے خدا میرے نال روے تے جیہڑا پینڈا میں کر ریا ہاں اہدےوچ میری راکھی کرے تے مینوں کھان لئی روٹی تے پان لئی لیڑے دیندا رئے۔ ²¹ . تے میں اپنے پیو دے کار سلامتی نال مڑ آواں تے خداوند میرا خدا ہوئیں گا۔ ²² . تے اے پتھر جیہڑا میں تھم جیہا کھلاریاوے خدا دا کار ہوئے گاتے جو کجھ وی توں مینوں دوئیں گا اوہدا دسواں حصہ ضرور تینوں دیا کراں گا۔