¹ . جدوں اضحاق بڈا ہوگیا تے اودھیاں اکھاں انیاں تے تندلا گیئاں پئی اوہنوں کجھ وی صاف وکھائی نئی دیندا سی تے اوہنے اپنے وڈے منڈے عیسو نوں سدیا تے آکھیا اے میر ے پتر! اوہنے آکھیا میں حاضر ہاں۔ ² . تد اوہنے آکھیا ویکھ میں تے بڈا ہوگیا ہاں تے مینوں اپنے مرن دا ویلہ پتا نئی ۔ ³ . ایس لئی ہن توں اپنا ہتھیار تے اپنا تیر تے کمان لے کے جنگل ول جا تے میرے لئی شکار کر کے لیا۔ ⁴ . تے میری پسند دا کھانا میرے لئی پکا کے میرے اگے لیا تاں جے میں کھاوں تے مرن توں پہلاں دلوں تینوں دعا دواں۔ ⁵ . تے جدوں اضحاق ا پنے پتر عیسو نال گلاں کر ریا سی تےربقہ سن ری سی تے عیسو جنگل ول نکل گیا پئی شکار مار کے لیائے۔ ⁶ . تد ربقہ نے اپنے پتر یعقوب نوں آکھیا پئی میں تیرے پیو نوں تیرے بھرا نوں اے کہندے سنیا وے پئی۔ ⁷ . میرے لئی شکار مار کے ودھیا کھانا تیار کر تاں جے میں کھاواں تے مرن تو پہلاں خداوند دے اگے تینوں دعا دواں ۔ ⁸ . سو اے میرے پتر ایس حکم وانگوں جو میں تینوں آکھ دی ہاں میری گل من۔ ⁹ . تے جا کے اجڑ وچوں بکری دے دو چنگے چنگے بچے مینوں لیا کے دےتے میں اوہناں نوں لے کے تیرے پیو لئی اوہد ی پسند دا کھانا تیار کراں ۔ ¹⁰ . تے توں اوہنوں اپنے پیو دے اگے لے جاویں تاں جے اوہ کھائے تے اپنے مرن توں پہلاں تینوں دعا دئے۔ ¹¹ . تد یعقوب نے اپنی ماں ربقہ نوں آکھیا ویکھ میرے بھرا عیسو دےجسم تے وال نے تے میرا جسم صاف اے۔ ¹² . جے میرے پیو نے مینوں ہتھ لایا تے اوہدی نظر وچ میں تو کھے باز ہواں گا تے دعا دی تھاں تے لعنت کھٹاں گا۔ ¹³ . تے اوہدی ماں نے اوہنوں آکھیا ا ے میرے پتر تیری لعنت میرے اتے آئے توں بس میری گل من تے جا کے دو بچے مینوں لیا دے۔ ¹⁴ . تد اوہ گیا تے لیا کے اپنی ماں نوں دتےتے اوہدی ما ں نے پیو دی پسند دا ودھیا کھانا تیار کیتا۔ ¹⁵ . تے ربقہ نے اپنے وڈے پتر عیسو دا چنگا جوڑا جیہڑا اوہدے کول کار وچ سی لے کے اپنے نکے پتر یعقوب نوں پوایا۔ ¹⁶ . تے بکری دے بچیاں دیاں کھلاں اوہدے ہتھاں تے دھون تے جتھے وال نئی سن ول دتیاں۔ ¹⁷ . تے او ہ ودھیا کھانا تے روٹی جیہڑی اوہنے تیار کیتی سی اپنے پتر یعقوب دے ہتھ وچ دے دتی۔ ¹⁸ . تد اوہنے پیو دے کول آکے آکھیا ا ے میرے پیو ! اوہنے آکھیا ماجود ہاں ۔ توں میرا کیہڑاپتر ویں؟ ¹⁹ . یعقوب نے اپنے پیو نوں آکھیا میں تیرا پلوٹھا پتر عیسو ہاں ۔ میں تیرے کہن دے وانگوں کیتا وے ۔ہون اٹھ تے بے کے میرے شکار دا گوشت کھا تاں جے توں دلو مینوں دعا دویں۔ ²⁰ . تد ا ضحاق نے اپنے پتر نوں آکھیا پتر! اے تینوں اینی چھیتی کینج لبھ گیا؟ اوہنے آکھیا ایس لئی پئی خداوند تیرے خدا نے میرا کم بنا دتا۔ ²¹ . تد اضحاق نے یعقوب نوں آکھیا اے میرے پتر نیڑے آ پئی میں تینوں ہتھ لا کے ویکھاں توں میرا پتر عیسو ہے ویں یا نئی۔ ²² . تے یعقوب اپنے پیو اضحاق دے نیڑے گیا تے اوہنے ہتھ لا کے آ کھیا پئی آواز یعقوب دی اے پر ہتھ عیسو دے نے۔ ²³ . تے اوہنے اوہنوں نہ سیانیا ایس لئی پئی اوہدے ہتھاں اوتے اوہدے بھرا عیسو وانگوں وال سن سو اوہنے اوہنوں دعا دے دتی۔ ²⁴ . تے اوہنے پچھیا پئی میرا پتر عیسو ای اے ؟ اوہنے آکھیا میں اوہی ہاں۔ ²⁵ . تد اوہنے آکھیا کھانا میرے اگے لیاتے میں اپنے پتر دے شکار دا گوشت کھاواں گاتاں جے دلوں تینوں دعا دواں۔ سو او ہ اوہدے نیڑے لے آیا تے اوہنے کھا دا تے او ہ اوہدے لئی مے لیایا تے اوہنے پتی۔ ²⁶ . فیر اوہدے پیو اضحاق نے اوہنوں آکھیا اے میرے پتر ہون کول آکے مینوں چْم۔ ²⁷ . اوہنے کول جا کے اوہنوں چْمیا۔تد اوہنے اوہدے جوڑے دی خوشبو سْنگی تے اوہنوں دعا دے کے آکھیا ویکھو ! میرے پتر دی خوشبو اوس پیلی دی خوشبو وانگوں وے جنوں خداوند نے برکت دتی ہوئے ۔ ²⁸ . خدا اسمان دی تریل تے دھرتی دی چکنائی تے بتھیرا اناج تے مے تینوں بخشے۔ ²⁹ . قوماں تیری سیوا کرن تے قبیلے تیرے سامنے جھکن ۔توں اپنے بھراواں دا سردار ہویں تے تیری ما ں دے پتر تیرے اگے جھکن جیہڑا تیرے تے لعنت کرے او خود لعنتی ہوئے تے جیہڑا تینوں دعا دئے اوہ برکت پائے۔ ³⁰ . جدوں اضحاق نے یعقوب نوں دعا دے دتی تے یعقوب اپنے پیو کولوں نکلیا ای سی پئی اوہدا بھرا عیسو اپنے شکار توں پرت آیا۔ ³¹ . تے او ہدا ودیا کھانا پکا کے اپنے پیو کول لیایا تے اوہنے ا پنے پیو نوں آکھیا اے میرے پیو اٹھ تے اپنے پتر دے شکار دا گوشت کھا تا پئی دلو مینوں دعا دے۔ ³² . تے اوہدے پیو اضحاق نے اوہنوں پچھیا پئی توں کون ایں؟ اوہنے آکھیا میں تیرا پلوٹھا پتر عیسو ہاں۔ ³³ . تد اضحاق غصے نال کنبن لگا تے آکھیا فیر اوہ کون سی جیہڑا شکار مار کے میرے کول لے آیاتے میں تیرے آن توں پہلاں ساریاں وچوں ماس ماسا کھادا تے دعا دتی ؟ تے بھاگاںوالا او ہی ہوئے گا۔ ³⁴ . عیسو اپنے پیو دیاں گلاں سن کے اچی تے ترسی ہوئی واج وچ بول کے اپنے پیو نوں آ کھیا مینوں وی دعا دے۔ اے میرے پیو مینوں وی۔ ³⁵ . اوہنے آکھیا تیرا بھرا توکھے نال آیا تے تیری برکت لے گیا۔ ³⁶ . تد اوہنے آکھیا کی اوہدا ناں یعقوب ٹھیک نئی رکھیا گیا؟ کیوں جے اوہنے دجی وار میرے نال تو کھا کیتا ۔ اوہنے میرپلوٹھےہون دا حق تے لے لیا سی تے ہن ویکھ میری برکت وی لے گیا۔ فیر اوہنے آکھیا کی توں میرے لئی کوئی برکت نئی رکھی؟ ³⁷ . اضحاق نے عیسو نوں آکھیا وکھ میں اوہنوں تیرا سردار ٹھہرایا وے تے اوہدے سارے بھراواں نوں اوہدے سپرد کیتا وے پئی اوہ ااوہدے نوکر ہون تے اناج تے مے اوہدے کھان لئی دتی ۔ ہن اے میرے پتر تیرے لئی کی کراں ؟ ³⁸ . تد عیسو نے اپنے پیو نوں آکھیا کی تیرے کول اک ای برکت وے اے میرے پیو؟ مینوں وی دعا دے اے میرے پیو! مینوں وی تے عیسو اچی اچی رویا۔ ³⁹ . تداوہدے پیو اضحاق نے اوہنوں آکھیاویکھ ! پھلدار دھرتی تیرے وسن دی تھاں ہوئے تے اتوں اسمان دی تریل اوہدےاتے پئے۔ ⁴⁰ . توں اپنی تلوار توں پچھانیا جایں تے توں اپنے بھرا دی سیوا کریں! تے جد وں توں آزاد ہو جاویں تے اپنے بھرا دا چھیکو اپنی دھون توں لا کے سٹ دویں۔ ⁴¹ . تے عیسو نے یعقوب دے نال اوہدی برکت دی وجہ توں جیہڑی اوہدے پیو نے اوہنوں دتی سی ساڑ رکھیا تے عیسو نے اپنے دل وچ آکھیا پئی میرے پیو دے مرن دے دن نیڑے نے۔ فیر میں اپنے بھرا یعقوب نوں ما ر داں گا۔ ⁴² . تے ربقہ نوں اوہدےوڈے منڈے عیسودیاں گلاں دسیاں گیاں ۔ تداو ہنے اپنے نکے منڈے یعقوب نوں سد کے آکھیاویکھ تیرا بھرا عیسو تینوں جانو ں مارن دا چیتا کر کر کے اپنے آپ نوں تسلی دے ریا وے۔ ⁴³ . تے میریا پترا توں میری گل من تے اٹھ کے حاران میرے بھرا لابن کول نٹھ جا۔ ⁴⁴ . تے تھوڑے دیہاڑےاوتھے رہ جدوں تیکر تیرے بھرا دا غصہ نہ مٹھانہ ہوجائے۔ ⁴⁵ . یعنی جدوں تیکر بھرا دا غصہ تیرے ولوں مٹھا نہ ہو جاہے تے اوہ ایس گل نوں بھل نہ جائےجیہڑی توں کیتی اے۔فیر میں تینوں اوتھوں سد لواں گئی۔ میں اک ادھ دیہاڑےوچ دوواں نوں کیوں کھو دواں؟ ⁴⁶ . تے ر بقہ نے اضحاق نو ں آکھیا میں حتی دیاں کڑیاں ہتھوں اپنی زندگی توں تنگ ہاں۔ تے جے یعقوب نے حتی کڑیاں وچوں جیہڑ یا ں ایس ملک وچ نےکسی نال ویاہ کر لیا تے میری زندگی وچ کی سکون روے گا؟