¹ . تے اوس ملک وچ اوس کال توں علاوہ جیہڑا ابرہام دے دور وچ پیئا سی ، اک اور کال پئیا۔ تد اضحاق جرار ول نو ں فلستین دے بادشاہ ابی ملک دے کول گیا ۔ ² . تے خدا نے اوہدے تے ظاہر ہوکے آکھیا پئی توں مصر وچ نہ جاویں جد کے جیہڑا ملک میں تینوں دساں توں اوتھے وس۔ ³ . تے توں اوسی ملک وچ وسیں تے میں تیرے نال ہوواں گا تے تینوں برکت دواں گا کیوں جے میں تینوں تے تیری ساری نسل نوں اے سارا ملک دواں گا تے میں اوس سوہ نوں جیہڑی میں تیرے پیو نال منگی سی پورا کراں گا۔ ⁴ . تے میں تیری اولاد نوں ودھا کے اسمان دے تاریاں وانگر کراں گا تے اے سارا ملک تیری نسل نوں دوواں گا۔ تے زمین دیاں ساریاں قوماں تیری نسل توں برکت پان گیاں۔ ⁵ . کیوں جے ابرہام نے میرا آکھا منیا تےمیرے حکم ، تے میرے قانون ،تے میرے نصیحت تے میرے آئین دے وانگوں کیتا۔ ⁶ . تے فیر اضحاق جرار وچ وس گیا۔ ⁷ . تے اوتھے دے لوکاں نے اوہدے کولوں اوہدے کار والی دا پچھیا ۔ اوہنے آکھیا پئی اوہ میری بھین وے کیوں جے اوہ اوہنوں اپنی کار والی دسن توں کابر گیا۔ اے سوچ کے پئی کتھے او لوک ربقہ دی وجہ توں مینوں قتل نہ کر دین کیوں جے اوہ سوہنی سی۔ ⁸ . تے جدوں اہنوں اوتھے رہندیاں واواہ چر ہو یا تے فلستیاں دے بادشاہ ابی ملک نے باری وچوں چاتی مار کے ویکھیا پئی اضحاق اپنی کار والی ربقہ دے نال ہس کھیڈ رہیا سی۔ ⁹ . تد ابی ملک نے اضحاق نوں سد کے آکھیا پئی اوہ اصل وچ تیری کال والی وے۔ تے فیر توں کیوں اوہنوں اپنی بھین دسیا؟ اضحاق نے اوہنوں آکھیا ایس لئی پئی میں سوچیا پئی کدرے میں اودہی وجہ توں قتل نہ ہو جاواں۔ ¹⁰ . ابی ملک نے آکھیا توں اے ساڈے نال کی کیتا؟انج تے کوئی وی تیری کار والی دے نال سو ندا تے فیر ساڈے تے الزم آندا۔ ¹¹ . تد ابی ملک نے سارے لوکا ں نوں اے حکم دتا پئی جو کوئی ایس بندے نوں ہتھ لائے گا، اوہ قتل ہوئے گا۔ ¹² . تے اضحاق نے اوس ملک وچ بیج بیجیا تے اوسی سال اوہنوں سو گنا پھل ملیا تے خدا نے اوہنوں برکت دتی۔ ¹³ . تے اوہ ودھیا تے ودھدا گیا ایھتوں تیکر پئی اوہ بوہت وڈاآدمی بن گیا۔ ¹⁴ . تے اوہدے کول بھیڈ تے بکریاں گے گاواں تے بیلاں تے بتھیرے ملازم سن تے فلستی اوس توں سڑن لگ پئے۔ ¹⁵ . تے اوہناں اوہ سارے کھو جیہڑے اوہدے پیو ابرہام دے نوکراں نے پٹے سن بھر دتے۔ تے اوہناں وچ مٹی سٹ دتی۔ ¹⁶ . تے ابی ملک نے اضحاق نوں آکھیا پئی توں ساڈے کولوں ٹر جا کیوں جے توں ساڈے توں بوہتا زور والا ہو گیا ویں۔ ¹⁷ . تد اضحاق نے اوتھوں نکل کے جرار دی وادی وچ اپنا تمبو لایا۔ تے اوتھے رہیا۔ ¹⁸ . تے اضحاق نے پانی دے اوہ کھوں جہیڑے اوہدے پیو ابرہام دے ویلے وچ پٹے گئے سن فیر توں پٹوایا۔ کیوں جے فلستیاں نے ابرہام دے مرن توں مگر اوہناں نوں مٹی نال بھر دتا سی ۔ تےاوہنے اوہناں دے فیر توں اوہی ناں رکھے جیہڑے اووہے پیو نے رکھے سن۔ ¹⁹ . تے اضحاق دے نوکر نوں وادی دے وچ پوٹائی کردے ہویاں وگدے پانی دا اک پھوارا لبھیا۔ ²⁰ . تد جرار دے چرواہےاضحاق دے چرواہیاں دے نال بھڑ ےتے کہن لگے پئی اے ساڈا پانی وے تے اوہنے اوس کھوں دا ناں عسق رکھیا کیوں جے اوہ اوہدےتوں بھڑے۔ ²¹ . تے اوہناں نے دجا کھوں پٹیا تے اوہدے لئی وی اوہ بھڑے تے اوہنے اودہا ناں ستنہ رکھیا۔ ²² . تے اوہ اوتھوں دجے تھاں وچ ٹر گیا تے اک ہور کھوں پٹیا جدے لئی اوہ ناں وچوں کوئی نہ بھڑیا تے اوہنے اودہا ناں حوبوت رکھیا تے آکھیا پئی ہن خدانے ساڈے لئی تھاں بنایا وے تے اسی ایس ملک وچ بوہت ودھاں گے۔ ²³ . اوتھوں اوہ بیر سبع ول نوں گیا۔ ²⁴ . تے خداوند اوسی رات اوہنوں دسیا تے آکھیا پئی میں تیرے پیو ابرہام دا خدا ہاں ۔کابر نہ کیوں جے میں تیرے نال ہاں تے تینوں برکت دواں گا۔ تے اپنے بندے ابرہام دی وجہ توں تیری نسل ودہاواں گا۔ ²⁵ . تے اوہنے اوتھے اک مزبح بنایا تے خدا توں دعا منگی تے اپناا تمبو اوسی تھاں ہی لایا۔ تے اوتھے اضحاق دے نوکراں نے اک کھوں پٹیا ۔ ²⁶ . تد ابی ملک اپنے بیلی اخوزت تے فوج دے سردارفیکل نوں نال لے کے جرار توں اوہدے کول گیا۔ ²⁷ . اضحاق نے اوہناں نوں آکھیا پئی تسی کیوں میرے کول آئے اوجد کے میرے توں سڑدے او تے مینوں اپنے کولوں کڈ دتا سی؟ ²⁸ . اوہناں آکھیا پئی اساں چنگی طرح پرکھیا تے ویکھیا پئی خدا تیرے نال وے تے اسی آکھیا پئی اسی تیرے نال سوہ منگیے تے تیرے نال وعدہ کریے۔ ²⁹ . پئی جیوں اسی تینوں ہتھ تک نئی لایا تے نیکی توں سوا تیرے نال اور کجھ نئی کیتا تینوں سلامتی دے نال ٹوریا تے توں وی ساڈے نال کجھ مندا ئی کریں گا کیوں جے توں ہن خدا ولوں مبارک ویں۔ ³⁰ . تد اوہنے اوہناں دے دعوت کیتی تے اوہناں کھادا تے پیتا۔ ³¹ . تے اوہ تڑکے ویلے اٹھے تے اک دجے نال سوہ منگی تے اضحاق نے اوہناں نوں ٹوریا تے اوہ اوہدے کولو ں سلامتی دے نال ٹر گئے۔ ³² . اوسی دیہاڑے اضحاق دے نوکراں نے آ کے اوہناں دے کھوں دا دسیا جنوں اوہناں پٹیا سی تے دسیا پئی سانوں پانی لبیا وے۔ ³³ . تے اوہنے اوہدا ناں سبع رکھیا ۔ ایس کر کے اوہ شہر اج تیکر بیر سبع اخواندا وے۔ ³⁴ . جدوں عیسو چالی ورہیاں دا ہویا تے اوہنے بیر حتی دی دھی یہودتھ تے ایلون حتی دی دھی بشامتھ نال ویا کیتا۔ ³⁵ . تےاوہ اضحاق تے ربقہ لئی آفت بنیاں۔