¹ . تے ابرہام نے فیر اک اور کاروالی کیتی جدا ناں قطورہ سی۔ ² . تے اوہدے توں زمران تے یقسان تے مدان تے مدیان تے اسباق تے سوخ جمے۔ ³ . تے یقسانتوں سبا تے ددان جمے تے ددان دی اولاد وچوں اسوری تے لطوری تے لومی سن۔ ⁴ . تے مدیان دے پتر عیفاہ تے عفر تے حنوک تے ابیداع تے الدوعا سن ۔ اے سارے قطورہ دی اولاد سن۔ ⁵ . تے ابرہام نے اپنی ہرشے اضحاق نوں دتی۔ ⁶ . تے اپنی لونڈیاں دے پتراں نوں ابراہام نے بتھیرے انعام دتے۔تے اپنے جیوندیاں اوہناں نوں اپنے پتر اضحاق دے کولوں پورب ول یعنی پورب دے ملک وچ پیج دتا۔ ⁷ . تے ابراہام دی کل عمر جدوں تیکر اوہ جیوندا رہیا اک سو پنجتر ورے ہوئی۔ ⁸ . تے فیر ابراہام دا ساہ مکیا تے وڈیرا تے واواہ بڈا تے اپنی پوری عمر دا ہو کے مریا تے اپنے کوکاں نال جا رلیا۔ ⁹ . تے اوہدے پپتر اضحاق تے اسمعیل نے مکفیلہ دی غار وچ جیہڑی ممرے دے سامنے حتی صحر دے پتر عفرون دے کھیت وچ وے ، اوہنوں دفن کیتا۔ ¹⁰ . اے اوہی کھیت وے جنوں ابراہام نے حتیاں کولوں مول لئیا سی۔ اوتھے ای ابراہام تے اوہدی کال والی سارہ دفن ہوئے سن۔ ¹¹ . تے ابرہام دے مرن توں مگر خدا نے اوہدے پتر اضحاق نوں برکت دتی تے اضحاق بیر لحئ روئی دے نیڑے رہندا سی۔ ¹² . ابراہام دے پتر اسمعیل دا شجرہ اے وے جیہڑا ابراہام دا سارہ دی لونڈی ہاجرہ دے وچوں ہویا۔ ¹³ . تے اسمعیل دے پتراں دے ناں اے نے۔ اے ناں اوہناں دے جمن دی دے سلسلے وانگر نیں۔ اسمعیل دا پہلوٹھا نبایوت سی۔ فیر قیدار تے ادبئیل تے مبسام۔ ¹⁴ . تے مشماع تے دومہ مسا۔ ¹⁵ . حدد تے تیما تے یطور تے نفیس تے قدمہ۔ ¹⁶ . اے اسمعیل دے پتر نیں تے ائیناں دیاں ناواں توں ایہناں دیاں بستیاں تے پنڈ بنے۔ تے ایہی بارہ اپنے اپنے قبیلے دے سردار ہوئے۔ ¹⁷ . تے اسمعیل دی کل عمر سو تینتی ورے ہوئی۔ تد اوہدے ساہ مکے تے مر گیا تے اپنے لوکاں نال جا رلیا۔ ¹⁸ . تے اوہدی اولادحویلہ توں شور تیکر جیہڑا مصر دے سامنے وے اوس راہ تےجتھوں اسور نوں جاندے نئیں، وسی سی۔اے سارے لوک اپنے بھراواں دے سامنے وسے ہوئے سن۔ ¹⁹ . تے ابرہام دے پتر اضحاق دا شجرہ اے وے ۔ ابرہام توں اضحاق جمیا۔ ²⁰ . اضحاق چالہ وریاں دا سی جدوں اوہنے ربقہ دے نال ویا کیتا جیہڑی فدان ارام دے دے بندے بیتوایل ارامی دی دھی تے لابن ارامی دی بھین سی۔ ²¹ . تے اضحاق تے اپنی کال والی لئی خدا توں دعا کیتی کیوں جے اوہ بانج سی تے خدانے اوہدی دعا قبول کیتی تے اوہدےبڈی ربقہ امید اچوں ہوئی۔ ²² . تے اوہدے ڈھڈ وچ دو منڈے اک دجے نال گھلدےسن ۔ تداوہنےآکھیا جے انج ای اے تے میں فیر کیوں جیوندی ہاں ؟تے اوہ خدا نوں پچھن لگ پئی۔ ²³ . خدا نے اوہنوں دسیا ، تیری کوک وچ دو قوماں نئیں تے دوقبیلے تیرے وچوں نکل کے وکھ وکھ ہوجاون گے تے اک قبیلہ دجے توں بوہتا زور والا ہوئے گاتے وڈا نکے دی خدمت کرے گا۔ ²⁴ . تے جدوں ربقہ دے جنن دے دیہاڑے پورے ہوئے تے پتا لگیا پئی اوہدے کوک وچ جوڑےنئیں۔ ²⁵ . تے جیہڑا پہلا جمیا او ہ سر توں پیر تیکر سوا تے والاں نال بھریا ہویا سی تے اوہناں اوہدا ناں عیسو رکھیا۔ ²⁶ . اوس توں مگر اودہا بھرا جمیا تے اوہنے عیسو دی اڈی نوں اپنے ہتھ نال پھڑیا ہویا سی تے اودہا ناں یعقوب رکھیا ۔ تے جوں اے دووئیں ربقہ وچوں جمے ، یعقوب اوس ویلے وٹھ وریاں دا سی۔ ²⁷ . تے اومنڈے جوان ہوئے تے عیسو شکار کرن وچ ہوشیار ہو گیا تے جنگل وچ رہن لگ پیا۔ تے یعقوب بھولا بھالا تے تمبواں وچ رہن والاسی۔ ²⁸ . تے اضحاق عیسو نوں پیا کر دا سی کیوں جے اوہ اوہدے شکار دا گوش کھاندا سی پر ربقہ یعقوب نوں پیار کردی سی۔ ²⁹ . تے یعقوب نے دال بنائی تے عیسو جنگل وچوں تھکیا ہویا آیا۔ ³⁰ . تے عیسو نے یعقوب نوں آکھیا پئی ایسے لال دال وچوں مینوں کھوا کیوں جے میں تھکیا ہویا ہاں ۔ایس کر کے اودہا ناں ادوم وی پے گیا۔ ³¹ . تد یعقوب نے آکھیا پئی توں اج اپنے پہلوٹھے ہون دا حق میرے اگے ویچ دے۔ ³² . عیسو نے آکھیا ویکھ میں مرن والا ہندا پئیا ہاں تے پہلوٹے ہون دا حق میرے کیس کاری آوے گا؟ ³³ . تد یعقوب نے آکھیا پئی اج ای میرے نال سوہ منگ تے اوہنے اوہدے نال سوہ منگی تے اوہنے اپنے پہلوٹھے ہون دا حق یعقوب اگے ویچ دتا۔ ³⁴ . تد یعقوب نے عیسو نوںروٹی تے مسور دی دال دتی ۔ اوہ کھا پی کے اٹھیا تے اپنے راہ پیا۔ انج عیسو نے اپنے پہلوٹھے ہون دے حق نوں گھٹ جانیا۔