1 . ابرہام وڈیرا تے بہتیری عمر دا سی تے خدا نے ساریاں گلاں وچ ابرہام نوں برکت دتی ہوئی سی۔ 2 . ابرہام نے اپنے پرانے نوکر نوں جیہڑا اودھیاں ساریاں شیواں دا مختار سی آکھیا پئی توں اپنا ہتھ میری ران دے تھلے رکھ پئی ۔ 3 . میں تینوں خداوند دی جیہڑا دھرتی تے اسمان دا رب وے سوہ دواں پئی توں کنعنیاں دیاں دھیاں وچوں جناں وچ میں رہنا واں کسے نوں وی میرے پتر نال نئی ویاویں گا۔ 4 . جد کہ توں میرے ملک وچ میرے رشتہ داراں چوں میرے پتر اصحاق لئی کار والی لیاویں گا۔ 5 . اوس نوکر نے اوہنوں آکھیاپئی خورےاوہ عورت ایس ملک وچ میرے نال آنا نہ چاہوے تے کی میں فیرتیرے پتر نوں اوس ملک وچ جتھوں توں آیا ویں لے جاواں؟ 6 . تد ابرہام نے اوہنوں آکھیا خبردار میرے پتر نوں ہرگز اوتھے نہ لے کے جاویں ۔ 7 . خداوند اسمان دا خدا جیہڑا مینوں اپنے پیو دے کار توں تے میرے قبیلے چوں کڈ لیائیا تے جنے میرے نال گلاں کیتیاں تے سوہ منگ کے مینوں آکھیا پئی میں تیری نسل نوں اے ملک دیواں گا ۔ اوہی تیرے اگے اگے اپنا فرشتہ گھلے گاتاں جے توں اوتھوں میرے پتر لئی کار والی لیاویں۔ 8 . جے اوہ عورت تیرے نال آنا نہ چاوے تے توں میری ایس سوہ توں چھٹیا پر میرے پتر توں اوتھے نہ لے ک جاویں ۔ 9 . اوس نوکر نے اپنا ہتھ اپنے مالک ابرہام دی ران دے تھلے رکھ کے اوس گل دی قسم کھادی ۔ 10 . تد اوہ نوکر اپنے مالک دے اونٹاں وچوں اونٹ لے کے ٹریا تے اوہدےکول اپنے مالک دیا ں چنگیاں چنگیاں شیواں سن۔اوہ اٹھ کے مسوپتامیہ دے نحور دے شہر ول گیا۔ 11 . تے لوڈے ویلے جدوں عورتاں پانی بھرن اوندیاں سن اوہنے شہر توں بار باولی دے کول اونٹاں نوں بٹھایا ۔ 12 . تے آکھیا اے خداوند میرے مالک ابرہام دے خدا میں تیری منت کرنا ہاں پئی توں اج میرا کم بنا دے تے میرے مالک ابرہام تےکرم کر۔ 13 . ویکھ میں پانی دے چشمے تے کھلاتا ہاں تے ایس شہر دیاں دھیاں پانی بھر ن نوں اوندیاں نیئں۔ 14 . تے انج ہوئے پئی جیہڑی کڑی نوں میں پانی پین لئی اپنا گھڑا جھکان لئی آکھاں اوہ کہوے لے پی ،تے میں تیرے اونٹاں نوں وی پیا واں گی۔ تے اوہ اوہی ہوئے جنوں توں اپنے پندہ اصحاق لئی ٹھرایا ہوئے۔ تے میں ایتھوں سمجھ لواں گا پئی توں میرے مالک تےکرم کیتا وے ۔ 15 . اوہ اے کہہ ہی رہیا سی تے ربقہ جیہڑی ابراہام دے بھرا نحور دی کار والی ملکاہ دے پتر بیتوئیل توں جمی سی اپنا گھڑا اپنے موڈیاں تے رکھ کے آئی ۔ 16 . اوہ کڑی سوہنڑی تے کنواری تے مردتوں نہ واقف سی۔ اوہ تھلے پانی دے چشمے دے کول گئی اپنا گھڑا بھر کے اتے آئی۔ 17 . تد اوہ نوکر اوہنوں ملن لئی بھجیا تے آکھیا پئی اپنے گھڑے وچوں تھوڑا جہیا پانی منوں پیادے۔ 18 . اوہنے آکھیا پی لو تے چھیتی نال اوہنے گھڑے نوں ہتھ تے رکھیا تے اوہنوں پانی پیائیا ۔ 19 . جدوں اوہنوں پانی پیا لئیا تے کہن لگی پئی میں تیرے اونٹاں لئی وی پانی بھر بھرلیاواں گی جدوں تیکر اوہ پانی پی نہ لین ۔ 20 . چھتی نال اپنے گھڑے نوں ہودی وچ خالی کر کے فیر باولی ول نوں پانی بھرن نوں نسی تے اہنے ساریاں اونٹاں لئی پانی بھریا ۔ 21 . اوہ بندہ اوہنوں چپ چپیتے بڑے دھیان نال اوہنوں ویندارہیا۔ تان جے اوہ اے جانے پئی خدا نے اوہدا سفر مبارک کیتا وے یا نئی۔ 22 . جدوں اونٹاں نے پانی پیا لئیا تے اوہنے ادھے مثقال دی سونے دی نتھ تے دس مثقال سونے دے دو کڑے اوہدے ہتھاں لئی کڈے ۔ 23 . تے آکھیا مینوں دس توں کدی دھی ویں؟تے کی تیرے پیو دے کار وچ ساڈے رہن لئی تھاں ہے وے ؟ 24 . تے اوہنےاوہنوں آکھیاپئی میں بیتوایل دی دھی ہاں۔ اوہ ملکاہ دا پتر وے جیہڑا نحور وچوں ہویاوے۔ 25 . تے اے وی اوہنو ں آکھیا پئی ساڈے کول بھوسہ تے چارہ بہتیرا ہےوے تے رہن لی تھاں وی ہے وے۔ 26 . فیر اوس بندے نے نیوے ہو کے رب نوں سجدہ کیتا۔ 27 . تے آکھیا خداوند میرے مالک ابرہام دے خدا مبارک ہوئے ، جنے میرے مالک نوں اپنے کرم تے راستی توں اوہلے نہ رکھیا ۔ تے مینوں توں ربا سہی راہے ٹورکےمیرے مالک دے بھراوں دے کار لے آیا ۔ 28 . تد اوس کڑی نے نس کے اپنی ماں دے کار وچ اے سارا واقع دسیا ۔ 29 . تے ربقہ دا اک بھرا سی جدا ناں لابن سی۔ اوہ بارپانی دے چشمےدے کول اوس بندے ول نوں نسیا گیا۔ 30 . انج ہویا پئی اوہنے جدوں اوہ نتھ تے کڑے ویکھے جیہڑے اوہدی بھین دے ہتھاں وچ سن تے اپنی بھین ربقہ دیاں گلاں سنیاں پئی اوس بندے نےمیرے نال انج انج گلاں کیتیاں نیں تے فیر اوہ اوس بندے دے کول آیا تے ویکھیا پئی اوہ چشمے دے نیڑے اونٹان دے کول کھلوتا ہویا وے ۔ 31 . فیر اوہنے آکھیا پئی توں خداوند ولوں مبارک ویں۔ اندر آ۔ توں بار کیوں کھلوتا ویں۔ میں کار وچ تیرے تے تیرے اونٹاں لئی تھاں تیار کیتی وے ۔ 32 . تے فیر اوہ بندہ کاروچ آیا۔ تے اوہنے اوہدے اونٹاں نوں کھولیا تے اونٹاں نوں بھوسہ تے چارہ پایا تے اوہدے نال ساتھیاں دے پیر دھون لئی پانی دتا۔ 33 . تے کھانا اوہدے سامنے رکھیا گیا۔ پر اوہنے آکھیاجد تیکر میں اپنا مطلب نہ دساں میں کھاواں گا نئی۔ تے اوہنے آکھیا پئی دس۔ 34 . تد اوہنے آکھیا پئی میں ابرہام دا نوکر ہاں۔ 35 . تے خداوند نے میرے مالک نوں بہتیری برکت دتی ہوئی اے۔ تے اوہ بہتیرا وڈا بندہ بن گیا وے تے خدا نے اہنوں بھیڈ بکریاں، گائیاں تے بیل تے سونے چاندی تے لونڈیاں تے غلام تے اونٹ تے گدہے دتے ہوئے نے ۔ 36 . میرے مالک دی کار والی سارہ جدووڈیری ہو گئی تے اوہدا اک پتر ہویا۔ تے اوہنوں اوس نے اپنا سب کجھ دتا ہویا وے۔ 37 . تے میرے مالک نے مینوں قسم دے کےآکھیاوے پئی توں کنعنیاں دئیاں دھیاں وچوں جناں دے ملک وچ میں رہنا واں کسے نوں وی میرے پتر لئی نئی نہ ویائیں ۔ 38 . جد کہ توں میرے پیو دے کار تے رشتہ داراں وچ جا کے میرے پتر لئی کار والی لیائیں۔ 39 . تے فیر میں اپنے مالک نوں آکھیا پئی خورے اوہ عورت میرے نال آنا نہ چاہے ۔ 40 . تے فیر اوہنے مینوں آکھیا پئی خداوند جدے حضور میں ٹرنا ہاں اپنا فرشتہ تیرےنال گھلے گانالے تیرا سفر مبارک کرے گا۔ توں میرے رشتہ داراں تے میرے پیو دے خنوادے وچوں میرے پتر لئی کار والی لیائیں۔ 41 . تے جدوں توں میرے کار وچ جاویں گا تے توں میری سوہ توں چھٹیا ۔تے جے کوئی کڑی نہ دیئن تے فیر وی توں میرے سوہ توں چھٹیا۔ 42 . تے میں اج پانی دےاوس چشمے دے کول آ کے آکھن لگا اے خداوند میرے مالک ابرہام دے خدا جے توں میرے سفر نوں جیہڑا میں کرنا ہاں مبارک کرنا ویں۔ 43 . تے فیر ویکھ میں پانی دے چشمے دے کول کھلوتا ہاں تے انج ہوئے پئی جیہڑی کڑی پانی بھرن نوں آوے تے میں اوہنوں کہواں پئی مینوں اپنے گھڑے وچوں تھوڑا جئیا پانی پئیا۔ 44 . تے اوہ مینوں کہوے پئی توں وی پی تے میں تیرے اونٹاں لئی وی بھر دواں گی۔ تے اوہ اوہی عورت ہوئے جنوں خداوند نے میرے مالک دے پتر لئی ٹھہرایا وے۔ 45 . میں دل وچ اے کہ ہی رہیا ساں تے ربقہ اپنا گھڑا موڈیاں تے رکھ کے بار نکلی تے تھلے چشمے دے کول گئی تے پانی بھریا۔ تد میں اوہنوں آکھیا پئی مینوں ماسا کو پانی پیا دے۔ 46 . ایہنے چھیتی نال اپنا گھڑا اپنے موڈے توں لایا تے آکھیا پی لے تے میں تیرے اونٹاں نوں وی پیاواں گی۔ تے میں وی پیتا تے اوہنے میرے اونٹاں نوں وی پیائیا۔ 47 . تے فیر میں اوہنوں پچھیا پئی توں کدی دھی ویں؟ اوہنے آکھیا پئی میں بیتوایل دی دھی ہاں۔اوہ نحور دا پتر وے جیہڑا ملکا ہ وچوں جمیا۔تے فیر میں اوہدے نک وچ نتھ تے ہتھاں وچ کڑے پا دتے۔ 48 . تے فیر میں جھک کے خداوند دے حضور سجدہ کیتا ۔ تے خداوند اپنے مالک ابرہام دے خدا نوں دھن دھن آکھیا جنے مینوں سہی راہےپایا پئی اپنے مالک دے بھرا دی دھی نوں اوہدے پتر لئی لے ک جاواں۔ 49 . تے ہن جے تسی رحم تےبھلیائی نال میرے مالک نال پیش آنا چاہندے ہو تے مینوں دسو۔ جے نئی تے دسو تاں جے میں دائیں یا بائیں ول نوں ٹر جاواں ۔ 50 . تد لابن تے بیتوایل نے جواب دتا پئی اے گل خداوند ولوں ہوئی وے ۔تے اسی تینوں چنگا مندا نئی کہہ سکدے ۔ 51 . ویکھ ربقہ تیرے سامنے وے ۔ایہنوں لے جا تے خداوند دےحکم دے وانگوں مالک دے پتر نال ویا دے۔ 52 . جدوں ابرہام دے نوکر نے اے ساریاں گلاں سنیاں تے زمین تیکر جھک کےخداوند نوں سجدو کیتا۔ 53 . تے نوکر نے چاندی تے سونے دے زیور تے کپڑے کڈ کے ربقہ نوں دتے تے اوہدے بھرا تے ماں نوں وی قیمتی شیواں دتیاں ۔ 54 . تے فیر اوہنے تے اوہدے ساتھیاں نے کھادا پیتا تے رات اوتھے رئے تے جدوں سویرے اٹھے تے اوہنے آکھیا پئی مینوں میرے مالک دے کول جان دیو ۔ 55 . ربقہ دے بھرا تے اوہدی ماں نے آکھیا پئی کڑی نوں کجھ دیہاڑے گھٹ و گھٹ دس دیہاڑے ساڈے کول رہن دیو۔ اوس توں مگر اوہ تیرے نال ٹر جائے گی۔ 56 . اوس نے آکھیا پئی مینوں نہ روکو ایس لئی کیوں جے خداوند نے میرا سفر مبارک کیتا وے ۔ مینوں تسی جان دیو۔ تاں جے میں اپنے مالک دے کول جاواں ۔ 57 . اہناں آکھیا پئی اسی کڑی نوں سد کے پچھنے ہاں پئی اوہ کی کہندی وے۔ 58 . تد اوہناں نے ربقہ نوں سد کے اوہنوں پچھیا پئی توں ایس بندے دے نال جاویں گی؟اوس نے آکھیا ہاں میں جاواں گا۔ 59 . تے فیر اوہناں نے اپنی بھین ربقہ تےاودی دایہ تے ابرہام دے نوکر تے اوہدے بندیاں نوں ٹوریا ۔ 60 . تےاوہناں نے ربقہ نوں دعا دتی تے آکھیا اے میری بھین توں لکھاں دی ماں ہوویئں تے تیری نسل اپنے نفرت کرن والیاں دے پھاٹک دی مالک ہوئے۔ 61 . تے ربقہ تے اودیاں سہیلیاں اٹھ کے اونٹاں تے بے گئیاں تے اوس بندے دےمگر ٹر پئیاں ۔تے اوہ بندہ ربقہ نوں لے ک ٹر پئیا۔ 62 . اصحاق بیر لحیی روئی توں ہو کے آ رئیا سی کیوں جے اوہ اتر دے ول اک ملک وچ رہندا سی۔ 63 . شام دے ویلے اضحاق سوچ بچار لئی میدان وچ گیا تے اپنیاں اکھاں چک کے دھیان کیتا تے کی ویندا اے پئی اونٹ ٹرے اوندے نے ۔ 64 . تے ربقہ نےنظر کیتی تے اضحاق نوں ویکھ کے اونٹ توں لتھی ۔ 65 . تے نوکر کولو ں پچھیا پئی اے بند ہ کون وے جیہڑا سانوں ملن لئی میدان ول نوں آرئیا وے ؟اس نوکر نے آکھیا پئی اے میرا مالک وے تے فیر اوہنےبرکھے دے نال اپنا آپ نوں کجھ لئیا۔ 66 . نوکر نے جو جو کیتا سی سارا کجھ اضحاق نوں دسیا ۔ 67 . تے اضحاق ربقہ نوں اپنی ماں سارہ دے ڈیرے وچ لے گیا۔ تد اوہنے ربقہ دے نال ویاہ کیتا تےاوہدے نال پیار کیتا تے فیر اضحاق نے اپنی ماں دے مرن توں مگر تسلی پائی ۔